ជាតិ
សេដ្ឋកិច្ច
លោក ជា សុផារ៉ា ប្រាប់ពលរដ្ឋថា ប្រយ័ត្នចាញ់បោក«អស់ប្រាក់កក់»ក្នុងវិស័យដីធ្លី
× ភ្នំពេញ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ លោក ជា សុផារ៉ា បានអំពាវឲ្យពលរដ្ឋយកចិត្តទុកដាក់ខ្ពស់ ចៀសវាងការចាញ់បោកយកប្រាក់កក់ តាមរយៈការលើកគម្រោងក្នុងវិស័យអចលនទ្រព្យពីបុគ្គលខិលខូច។ លោកថ្លែងដូចនេះថា៖«ជួនកាល គេគ្រាន់តែលើកផ្លាកប៉ានណូមួយអស់តែ ៤០០ដុល្លារ គូសបែងចែកដីឡូត៍ ដាក់យកប្រាក់កក់ហើយទៅបាត់»។ លោកបានជំរុញឲ្យប្រជាពលរដ្ឋ ស្រាវជ្រាវឲ្យបានច្បាស់ មុននឹងយកប្រាក់ទៅកក់ ក្នុងគម្រោងណាមួយ ហើយជាមួយគ្នានេះ លោកក៏ស្នើឲ្យអាជ្ញាធរ ដែនដី ត្រួតពិនិត្យគម្រោងក្នុងវិស័យដីធ្លីនីមួយៗ ដែលប្រកាសបើកជាសាធារណៈ។
សូមស្ដាប់ប្រសាសន៍លោក ជា សុផារ៉ា ខាងក្រោមនេះ៖
លោក ជា សុផារ៉ា ថ្លែងបែបនេះនៅក្នុងពិធីបើកការដ្ឋានសាងសង់លំនៅដ្ឋានតម្លៃសមរម្យរបស់ក្រុមហ៊ុនជប៉ុន អារ៉ាខាវ៉ា នៅខណ្ឌសែនសុខ ក្រុងភ្នំពេញ នៅថ្ងៃទី៨ខែវិច្ឆិកា៕
© រក្សាសិទ្ធិដោយ thmeythmey.com