កីឡាជាតិ
ជាតិ
លោក មាស សារិន ប្រធានសហព័ន្ធកីឡាទាញព្រ័ត្រកម្ពុជា
×![]()
ប្រធានសហព័ន្ធកីឡាទាញព្រ័ត្រកម្ពុជាលោក មាស សារិន បានចេញមុខច្រានចោលជុំវិញព័ត៌មានដែលចោទប្រកាន់លោកថាបានយកឈ្មោះកីឡាដើម្បីប្រកបអាជីវកម្ម។ ក្រៅពីចាត់ទុកការចោទប្រកាន់គ្មានមូលដ្ឋានច្បាស់លាស់ខាងលើជាការច្រណែនប្រធានសហព័ន្ធរូបនេះស្នើឲ្យអ្នកចោទប្រកាន់កែប្រែព័ត៌មាននិងចេញមុខសុំទោសជាសាធារណ។ ទន្ទឹមនឹងនេះ លោក អះអាងថា ការរៀបចំការប្រកួតកីឡាទាញព្រ័ត្រជ្រើសរើសជើងឯកតាមភូមិភាគធ្វើឡើងក្នុងន័យអភិវឌ្ឍន៍កីឡានេះតែប៉ុណ្ណោះ។
លោក មាស សារិន ប្រធានសហព័ន្ធកីឡាព្រ័ត្រកម្ពុជាបានអះអាងថា ការប្រកួតកីឡាទាញព្រ័ត្រជ្រើសរើសជើងឯកតាមភូមិភាគដែលមានការដាក់តាំងស្តង់លក់ទំនិញមិនមែនជាការប្រកបអាជីវកម្មដើម្បីផលប្រយោជន៍ផ្ទាល់ខ្លួនឡើយ។ ហើយការដាក់តាំងស្តង់លក់ទំនិញទៀតសោត គឺដើម្បីបានថវិកាមកទ្រទ្រង់ការរៀបចំក្នុងន័យអភិវឌ្ឍន៍កីឡាទាញព្រ័ត្រ ដោយស្តង់នីមួយៗត្រូវបង់ថវិកាចំនួន៥០ដុល្លារក្នុង១ស្តង់ទំនិញ។
ការអះអាងរបស់ប្រធានសហព័ន្ធកីឡាទាញព្រ័ត្រខាងលើ ធ្វើឡើងបន្ទាប់ពីមានទូរទស្សន៍អនឡាញក្នុងស្រុកមួយបានស្រង់សំដីក្រុមហ៊ុនឯកជនមួយដែលជាអតីតដៃគូសហការចុះផ្សាយចោទប្រកាន់លោកថាបានយកឈ្មោះកីឡាដើម្បីប្រកបអាជីវកម្ម និងចោទថាអាងអំណាចជាដើម។ លោកបានចាត់ទុកការចោទប្រកាន់នេះធ្វើឡើងក្នុងន័យច្រណែនឈ្លានីស។
ពាក់ព័ន្ធការចោទប្រកាន់នេះដែរ លោក មាស សារិន បានរៀបរាប់ថា ដំបូងឡើយក្រុមហ៊ុនឯកជននោះជាដៃគូសហការរបស់សហព័ន្ធកីឡាទាញព្រ័ត្រកម្ពុជា តែដោយសារមានបញ្ហាមិនចុះសម្រុងគ្នាមួយចំនួនសហព័ន្ធក៏ផ្តាច់ការសហការ ដោយចាប់ដៃគូជាមួយក្រុមហ៊ុនឯកជនមួយផ្សេងទៀត។
ទន្ទឹមនឹងការអះអាងខាងលើ ប្រធានសហព័ន្ធរូបនេះ ក៏បានស្នើឲ្យទូរទស្សន៍អនឡាញនោះចុះផ្សាយកែប្រែរាល់ព័ត៌មានមិនពិត និងឲ្យអ្នកដែលផ្តល់ព័ត៌មានសុំទោសជាសាធារណ។ បន្ថែមពីលើនេះ លោក ស្នើឲ្យក្រុមហ៊ុនឯកជននោះបញ្ឈប់សកម្មភាពរិះគន់ បើពុំនោះទេលោកនឹងធ្វើចាត់វិធានការតាមច្បាប់។
សម្រាប់ការរៀបចំការប្រកួតកីឡាទាញព្រ័ត្រជ្រើសរើសជើងឯកប្រចាំភូមិភាគ លោក មាស សារិន បានបញ្ជាក់ថា សហព័ន្ធត្រូវចំណាយថវិកាពី៧ទៅ៨ពាន់ដុល្លារក្នុងមួយភូមិភាគ ដូច្នេះបើពុំមានការជួយជ្រោមជ្រែងពីក្រុមហ៊ុនឯកជនទេនោះ ការប្រកួតនេះអាចកើតឡើងបានឡើយ។
គួរបញ្ជាក់ថា ការប្រកួតជើងឯកភូមិភាគនេះសហព័ន្ធបានបែងចែកជា៥ភូមិភាគ គឺភូមិភាគវាលរាប, ភ្នំពេញ, ទន្លេសាប, និរតី និងភូមិភាគឦសាន។ ហើយការរៀបចំនេះទៀតសោតដោយមានការអនុញ្ញាតពីរាជរដ្ឋាភិបាលកម្ពុជា ក្រសួងអប់រំយុវនិងកីឡាក្រោមកិច្ចសហការពីអភិបាលខេត្តនីមួយៗ។ ការប្រកួតនេះគឺរៀបចំដើម្បីចម្រាញ់យកក្រុមជើងឯកចាប់ពីលេខ១ដល់លេខ៣ក្នុងយុទ្ធនាការស្វែងរកជើងឯកនៃភូមិភាគនីមួយៗ ដើម្បីឡើងមកប្រកួតជើងឯកថ្នាក់ជាតិប្រចាំឆ្នាំ២០១៨ នៅរាជធានីភ្នំពេញ៕
លោក មាស សារិន ប្រធានសហព័ន្ធកីឡាព្រ័ត្រកម្ពុជាបានអះអាងថា ការប្រកួតកីឡាទាញព្រ័ត្រជ្រើសរើសជើងឯកតាមភូមិភាគដែលមានការដាក់តាំងស្តង់លក់ទំនិញមិនមែនជាការប្រកបអាជីវកម្មដើម្បីផលប្រយោជន៍ផ្ទាល់ខ្លួនឡើយ។ ហើយការដាក់តាំងស្តង់លក់ទំនិញទៀតសោត គឺដើម្បីបានថវិកាមកទ្រទ្រង់ការរៀបចំក្នុងន័យអភិវឌ្ឍន៍កីឡាទាញព្រ័ត្រ ដោយស្តង់នីមួយៗត្រូវបង់ថវិកាចំនួន៥០ដុល្លារក្នុង១ស្តង់ទំនិញ។
ការអះអាងរបស់ប្រធានសហព័ន្ធកីឡាទាញព្រ័ត្រខាងលើ ធ្វើឡើងបន្ទាប់ពីមានទូរទស្សន៍អនឡាញក្នុងស្រុកមួយបានស្រង់សំដីក្រុមហ៊ុនឯកជនមួយដែលជាអតីតដៃគូសហការចុះផ្សាយចោទប្រកាន់លោកថាបានយកឈ្មោះកីឡាដើម្បីប្រកបអាជីវកម្ម និងចោទថាអាងអំណាចជាដើម។ លោកបានចាត់ទុកការចោទប្រកាន់នេះធ្វើឡើងក្នុងន័យច្រណែនឈ្លានីស។
ពាក់ព័ន្ធការចោទប្រកាន់នេះដែរ លោក មាស សារិន បានរៀបរាប់ថា ដំបូងឡើយក្រុមហ៊ុនឯកជននោះជាដៃគូសហការរបស់សហព័ន្ធកីឡាទាញព្រ័ត្រកម្ពុជា តែដោយសារមានបញ្ហាមិនចុះសម្រុងគ្នាមួយចំនួនសហព័ន្ធក៏ផ្តាច់ការសហការ ដោយចាប់ដៃគូជាមួយក្រុមហ៊ុនឯកជនមួយផ្សេងទៀត។
ទន្ទឹមនឹងការអះអាងខាងលើ ប្រធានសហព័ន្ធរូបនេះ ក៏បានស្នើឲ្យទូរទស្សន៍អនឡាញនោះចុះផ្សាយកែប្រែរាល់ព័ត៌មានមិនពិត និងឲ្យអ្នកដែលផ្តល់ព័ត៌មានសុំទោសជាសាធារណ។ បន្ថែមពីលើនេះ លោក ស្នើឲ្យក្រុមហ៊ុនឯកជននោះបញ្ឈប់សកម្មភាពរិះគន់ បើពុំនោះទេលោកនឹងធ្វើចាត់វិធានការតាមច្បាប់។
សម្រាប់ការរៀបចំការប្រកួតកីឡាទាញព្រ័ត្រជ្រើសរើសជើងឯកប្រចាំភូមិភាគ លោក មាស សារិន បានបញ្ជាក់ថា សហព័ន្ធត្រូវចំណាយថវិកាពី៧ទៅ៨ពាន់ដុល្លារក្នុងមួយភូមិភាគ ដូច្នេះបើពុំមានការជួយជ្រោមជ្រែងពីក្រុមហ៊ុនឯកជនទេនោះ ការប្រកួតនេះអាចកើតឡើងបានឡើយ។
គួរបញ្ជាក់ថា ការប្រកួតជើងឯកភូមិភាគនេះសហព័ន្ធបានបែងចែកជា៥ភូមិភាគ គឺភូមិភាគវាលរាប, ភ្នំពេញ, ទន្លេសាប, និរតី និងភូមិភាគឦសាន។ ហើយការរៀបចំនេះទៀតសោតដោយមានការអនុញ្ញាតពីរាជរដ្ឋាភិបាលកម្ពុជា ក្រសួងអប់រំយុវនិងកីឡាក្រោមកិច្ចសហការពីអភិបាលខេត្តនីមួយៗ។ ការប្រកួតនេះគឺរៀបចំដើម្បីចម្រាញ់យកក្រុមជើងឯកចាប់ពីលេខ១ដល់លេខ៣ក្នុងយុទ្ធនាការស្វែងរកជើងឯកនៃភូមិភាគនីមួយៗ ដើម្បីឡើងមកប្រកួតជើងឯកថ្នាក់ជាតិប្រចាំឆ្នាំ២០១៨ នៅរាជធានីភ្នំពេញ៕
Tag:
ទាញព្រ័ត្រ
មាស សារិន
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
