ជាតិ
ចៅក្រមស៊ើបសួរ នឹងទៅសួរចម្លើយឯ.ឧ កឹម សុខា ដល់ត្រពាំងផ្លុង នៅចុងខែនេះ
រូបភាព៖ លោក សំ សុគង់ មេធាវីមួយរូបរបស់ឯកឧត្តម កឹម សុខា ប្រធានគណបក្សសង្គ្រោះជាតិ ផ្តល់បទសម្ភាសដល់ក្រុមអ្នកកាសែត នៅមុខតុលាការកំពូល កាលពីថ្ងៃទី៣១ ខែតុលា ឆ្នាំ២០១៧
×![]()
ដោយ: ម៉ៅ សុផា
ភ្នំពេញ៖ លោក គី ឫទ្ធី ចៅក្រមស៊ើបសួរនៃសាលាដំបូងរាជធានីភ្នំពេញ នឹងធ្វើដំណើរទៅកាន់ពន្ធនាគារត្រពាំងផ្លុង ក្នុងខេត្តត្បូងឃ្មុំ ដើម្បីសាកសួរឯកឧត្តម កឹម សុខា ប្រធានគណបក្សសង្គ្រោះជាតិ ដែលកំពុងជាប់ឃុំនៅទីនោះ អស់រយៈពេលជាង២ខែមកហើយ ក្រោមការសង្ស័យពីអំពើក្បត់ជាតិ។
លោក គី ឬទ្ធី ក៏បានបញ្ជូនដីការបស់ខ្លួន ទៅកាន់ក្រុមមេធាវីរបស់ឯកឧត្តម កឹម សុខា ផងដែរ ដើម្បីឲ្យចូលរួមក្នុងការសាកសួរនេះ។ លោក សំ សុគង់ មេធាវីមួយរូបរបស់ឯកឧត្តម កឹម សុខា បានប្រាប់សារព័ត៌មានថ្មីៗថា លោក បានទទួលដីកានោះហើយ ហើយនឹងចូលរួមស្តាប់ការសាកសួរ តាមការកោះហៅ។
លោក សំ សុគង់ មិនបកស្រាយនោះទេថា ហេតុអ្វីបានជាចៅក្រមស៊ើបសួរ មិនព្រមដឹកឯកឧត្តម កឹម សុខា ទៅកាន់សាលាដំបូងរាជធានីភ្នំពេញ តែបែរជាសុខចិត្តធ្វើដំណើរទៅសួរចម្លើយដល់មន្ទីរឃុំខ្លួនដោយផ្ទាល់ទៅវិញ។ លោក និយាយយ៉ាងដូច្នេះថា៖«ចៅក្រមស៊ើបសួរ មិនប្រាប់មូលហេតុទេ អ៊ីចឹង យើងក៏មិនដឹងច្បាស់ដែរ។ តែពួកយើង ជាមេធាវី នៅតែចង់ឲ្យយកគាត់មកសួរនៅតុលាការវិញ ទើបប្រសើរជាង ព្រោះតាមនីតិវិធី ការស៊ើបសួរ ត្រូវធ្វើក្នុងបរវេណតុលាការ»។
កាលពីសំណុំរឿងក្នុងដៃព្រះរាជអាជ្ញា ក៏ព្រះរាជអាជ្ញា បានទៅសួរឯកឧត្តម កឹម សុខា ដល់ពន្ធនាគារត្រពាំងផ្លុងដូចគ្នា។ ហើយម្យ៉ាងទៀត ការបើកសវនាការនៅសាលាឧទ្ធរណ៍និងនៅតុលាការកំពូលកន្លងមក ទាក់ទងនឹងបណ្តឹងរបស់ក្រុមមេធាវី ដែលសុំជំទាស់នឹងការឃុំខ្លួនឯកឧត្តម កឹម សុខា ក៏ឯកឧត្តម កឹម សុខា មិនត្រូវបានដឹកទៅឲ្យចូលរួមដែរ។
ព្រោះតែសង្ស័យថា ឯកឧត្តម កឹម សុខា ជាប់ពាក់ព័ន្ធនឹងអំពើក្បត់ជាតិ ទើបបានជាតុលាការ ដឹកនាំកម្លាំងសមត្ថកិច្ចចុះទៅចាប់ខ្លួនដល់គេហដ្ឋាន កាលពីយប់ថ្ងៃទី២ ឈានចូលថ្ងៃទី៣ ខែកញ្ញា ឆ្នាំ២0១៧។ តុលាការ យកវីដេអូឃ្លីបមួយ ដែលឯកឧត្តម កឹម សុខា បាននិយាយតាំងប៉ុន្មានឆ្នាំមុន ទៅធ្វើជាអង្គហេតុក្នុងការចាប់ខ្លួន និងដាក់ឯកឧត្តម កឹម សុខា ឲ្យស្ថិតនៅក្រោមការសង្ស័យថា បានឃុបឃិតជាមួយបរទេសជាសម្ងាត់ ដើម្បីផ្តួលរំលំរដ្ឋាភិបាលកម្ពុជា។
ក្នុងវីដេអូឃ្លីបនោះ ឯកឧត្តម កឹម សុខា បាននិយាយទៅកាន់អ្នកគាំទ្រថា ខ្លួនមានអ្នកជំនាញជាជនបរទេសនៅពីក្រោយ ដើម្បីជួយជ្រោមជ្រែង ក្នុងការផ្លាស់ប្តូរមេដឹកនាំកនៅកម្ពុជា។ ក្តីសង្ស័យលើឯកឧត្តម កឹម សុខា ជុំវិញអំពើក្បត់ជាតិ ត្រូវបានក្រសួងមហាផ្ទៃ យកទៅផ្សារភ្ជាប់ជាមួយគណបក្សសង្គ្រោះជាតិទាំងមូល។
ក្រសួងមហាផ្ទៃ យល់ថា គណបក្សសង្គ្រោះជាតិ ក៏អាចជាប់ទាក់ទងនឹងអំពើក្បត់ជាតិ ដូចឯកឧត្តម កឹម សុខា ដែរ ទើបដាក់បណ្តឹងទៅកាន់តុលាការកំពូល ដើម្បីសុំឲ្យរំលាយចោល។ នៅថ្ងៃទី១៦ ខែវិច្ឆិកា ឆ្នាំ២0១៧នេះ តុលាការកំពូល នឹងបើកសវនាការលើបណ្តឹងសុំឲ្យរំលាយគណបក្សសង្គ្រោះជាតិ៕
លោក គី ឬទ្ធី ក៏បានបញ្ជូនដីការបស់ខ្លួន ទៅកាន់ក្រុមមេធាវីរបស់ឯកឧត្តម កឹម សុខា ផងដែរ ដើម្បីឲ្យចូលរួមក្នុងការសាកសួរនេះ។ លោក សំ សុគង់ មេធាវីមួយរូបរបស់ឯកឧត្តម កឹម សុខា បានប្រាប់សារព័ត៌មានថ្មីៗថា លោក បានទទួលដីកានោះហើយ ហើយនឹងចូលរួមស្តាប់ការសាកសួរ តាមការកោះហៅ។
លោក សំ សុគង់ មិនបកស្រាយនោះទេថា ហេតុអ្វីបានជាចៅក្រមស៊ើបសួរ មិនព្រមដឹកឯកឧត្តម កឹម សុខា ទៅកាន់សាលាដំបូងរាជធានីភ្នំពេញ តែបែរជាសុខចិត្តធ្វើដំណើរទៅសួរចម្លើយដល់មន្ទីរឃុំខ្លួនដោយផ្ទាល់ទៅវិញ។ លោក និយាយយ៉ាងដូច្នេះថា៖«ចៅក្រមស៊ើបសួរ មិនប្រាប់មូលហេតុទេ អ៊ីចឹង យើងក៏មិនដឹងច្បាស់ដែរ។ តែពួកយើង ជាមេធាវី នៅតែចង់ឲ្យយកគាត់មកសួរនៅតុលាការវិញ ទើបប្រសើរជាង ព្រោះតាមនីតិវិធី ការស៊ើបសួរ ត្រូវធ្វើក្នុងបរវេណតុលាការ»។
កាលពីសំណុំរឿងក្នុងដៃព្រះរាជអាជ្ញា ក៏ព្រះរាជអាជ្ញា បានទៅសួរឯកឧត្តម កឹម សុខា ដល់ពន្ធនាគារត្រពាំងផ្លុងដូចគ្នា។ ហើយម្យ៉ាងទៀត ការបើកសវនាការនៅសាលាឧទ្ធរណ៍និងនៅតុលាការកំពូលកន្លងមក ទាក់ទងនឹងបណ្តឹងរបស់ក្រុមមេធាវី ដែលសុំជំទាស់នឹងការឃុំខ្លួនឯកឧត្តម កឹម សុខា ក៏ឯកឧត្តម កឹម សុខា មិនត្រូវបានដឹកទៅឲ្យចូលរួមដែរ។
ព្រោះតែសង្ស័យថា ឯកឧត្តម កឹម សុខា ជាប់ពាក់ព័ន្ធនឹងអំពើក្បត់ជាតិ ទើបបានជាតុលាការ ដឹកនាំកម្លាំងសមត្ថកិច្ចចុះទៅចាប់ខ្លួនដល់គេហដ្ឋាន កាលពីយប់ថ្ងៃទី២ ឈានចូលថ្ងៃទី៣ ខែកញ្ញា ឆ្នាំ២0១៧។ តុលាការ យកវីដេអូឃ្លីបមួយ ដែលឯកឧត្តម កឹម សុខា បាននិយាយតាំងប៉ុន្មានឆ្នាំមុន ទៅធ្វើជាអង្គហេតុក្នុងការចាប់ខ្លួន និងដាក់ឯកឧត្តម កឹម សុខា ឲ្យស្ថិតនៅក្រោមការសង្ស័យថា បានឃុបឃិតជាមួយបរទេសជាសម្ងាត់ ដើម្បីផ្តួលរំលំរដ្ឋាភិបាលកម្ពុជា។
ក្នុងវីដេអូឃ្លីបនោះ ឯកឧត្តម កឹម សុខា បាននិយាយទៅកាន់អ្នកគាំទ្រថា ខ្លួនមានអ្នកជំនាញជាជនបរទេសនៅពីក្រោយ ដើម្បីជួយជ្រោមជ្រែង ក្នុងការផ្លាស់ប្តូរមេដឹកនាំកនៅកម្ពុជា។ ក្តីសង្ស័យលើឯកឧត្តម កឹម សុខា ជុំវិញអំពើក្បត់ជាតិ ត្រូវបានក្រសួងមហាផ្ទៃ យកទៅផ្សារភ្ជាប់ជាមួយគណបក្សសង្គ្រោះជាតិទាំងមូល។
ក្រសួងមហាផ្ទៃ យល់ថា គណបក្សសង្គ្រោះជាតិ ក៏អាចជាប់ទាក់ទងនឹងអំពើក្បត់ជាតិ ដូចឯកឧត្តម កឹម សុខា ដែរ ទើបដាក់បណ្តឹងទៅកាន់តុលាការកំពូល ដើម្បីសុំឲ្យរំលាយចោល។ នៅថ្ងៃទី១៦ ខែវិច្ឆិកា ឆ្នាំ២0១៧នេះ តុលាការកំពូល នឹងបើកសវនាការលើបណ្តឹងសុំឲ្យរំលាយគណបក្សសង្គ្រោះជាតិ៕
Tag:
កឹម សុខា
CNRP
តុលាការ
មេធាវី
© រក្សាសិទ្ធិដោយ thmeythmey.com
