ជាតិ
សេដ្ឋកិច្ច
បុណ្យសមុទ្រ នឹងធ្វើនៅខេត្តកែប ពីថ្ងៃទី ២២-២៤ ខែធ្នូ
× បុណ្យសមុទ្រលើកទី៦ ឆ្នាំ២០១៧នេះ នឹងប្រព្រឹត្តទៅចាប់ពីថ្ងៃទី២២ ដល់២៤ ខែធ្នូ ក្រោមប្រធានបទ «ឆ្នេរសមុទ្របៃបង អនាគ គឺបច្ចុប្បន្ន»។
តាមសេចក្ដីជូនដំណឹងរបស់ក្រសួងទេសចរណ៍នៅថ្ងៃទី៧ ខែវិច្ឆិកា ឆ្នាំ២០១៧ ការប្រារព្ធបុណ្យ សមុទ្រនៅខេត្តកែបនេះ ក្នុងគោលបំណងអបអរសាទរឆ្នេរសមុទ្រកម្ពុជា ជាសមាជិកក្លិបឆ្នេរសមុទ្រដែលស្អាតជាងគេបំផុតលើសកលលោក និងបន្តជំរុញការអភិរក្ស ផ្សព្វផ្សាយសក្ដានុពលទេសចរណ៍តំបន់ឆ្នេរ។
ក្នុងពិធីបុណ្យសមុទ្រឆ្នាំនេះ នឹងមានផ្សាយផ្ទាល់តាមស្ថានីយ៍ទូរទស្សន៍នានា នូវការសម្ដែងទស្សនីយភាពសិល្បៈខ្មែរ និងអន្តរជាតិ ការប្រគំតន្ត្រី និងការបាញ់កាំជ្រួចសាទរពិធីបុណ្យសមុទ្រលើកទី៦ ព្រមទាំងក្បួនព្យុហយាត្រាផងដែរ ។ ក៏មានដែរ មហោស្រពអន្តរជាតិម្ហូបអាហារ ស្រា និងភេសជ្ជៈ តាំងពិព័រណ៌ផលិតផល-ទេសចរណ៍ និងផលិតលក្នុងស្រុក និងគម្រោងអភិវឌ្ឍន៍ទេសចរណ៍តំបន់ឆ្នេរសមុទ្រ និងកម្មវិធីកីឡាជាច្រើនទៀត៕
Tag:
ក្រសួងទេសចរណ៍
បុណ្យសមុទ្រ
កែប
© រក្សាសិទ្ធិដោយ thmeythmey.com