ជាតិ
នយោបាយជាតិ
លោក សុន ឆ័យ មន្ត្រីជាន់ខ្ពស់និងជាអ្នកនាំពាក្យគណបក្សសង្គ្រោះជាតិ
×![]()
ដោយ: ម៉ៅ សុផា
ភ្នំពេញ៖ នៅសល់តែមួយថ្ងៃទៀតប៉ុណ្ណោះ តុលាការកំពូល នឹងបើកសវនការ ដើម្បីសម្រេចលើបណ្ដឹងរំលាយគណបក្សសង្គ្រោះជាតិ។ បើទោះបីមានសង្ឃឹមតិចក្តី ក៏មន្ត្រីជាន់ខ្ពស់គណបក្សសង្គ្រោះជាតិ នៅតែរំពឹងថា គណបក្សខ្លួន នឹងមិនត្រូវបានរំលាយនោះទេ។
តុលាការកំពូល ប្រហែលជាមិនទាន់អាចរំលាយគណបក្សសង្គ្រោះជាតិឡើយ នៅថ្ងៃទី១៦ ខែវិច្ឆិកា ឆ្នាំ២០១៧។ នេះជាក្តីសង្ឃឹមបន្តិចបន្តួចចុងក្រោយរបស់លោក សុន ឆ័យ មន្ត្រីជាន់ខ្ពស់និងជាអ្នកនាំពាក្យគណបក្សសង្គ្រោះជាតិ ។
អ្វីដែលធ្វើឲ្យលោក សុន ឆ័យ នៅតែមានក្តីសង្ឃឹមនោះ គឺផ្អែកលើហេតុផលថា បណ្តឹងរំលាយគណបក្សសង្គ្រោះជាតិ ត្រូវបានផ្សារភ្ជាប់ជាមួយករណីរបស់ឯកឧត្តម កឹម សុខា ដូច្នេះលុះត្រាតែឯកឧត្តម កឹម សុខា ត្រូវបានកាត់ក្តីជាមុនសិន ទើបតុលាការកំពូល អាចបើកសវនាការសម្រេចតាមក្រោយ។ លោក បញ្ជាក់យ៉ាងដូច្នេះ៖«មិនទាន់កាត់ក្តីឯកឧត្តម កឹម សុខា ផង ដូច្នេះតុលាការ មិនមានហេតុផលគ្រប់គ្រាន់ ដែលត្រូវរំលាយគណបក្សសង្គ្រោះជាតិទេ»។
យ៉ាងណាក៏ដោយ លោក សុន ឆ័យ អះអាងថា សវនាការរបស់តុលាការកំពូលនៅថ្ងៃ១៦ វិច្ឆិកា នឹងប្រព្រឹត្តទៅដោយគ្មានមេធាវី ឬតំណាងគណបក្សសង្គ្រោះជាតិនោះទេ។ បើតាមលោក សុន ឆ័យ ថ្នាក់ដឹកនាំគណបក្សសង្គ្រោះជាតិ ដែលកំពុងមានវត្តមាននៅក្នុងប្រទេសកម្ពុជា ពុំបានសម្រេចលើផែនការអ្វីមួយ ដែលមានគោលបំណងជំរុញឲ្យមានការតវ៉ានៅតុលាការកំពូលឡើយ។
តុលាការកំពូល បានចេញដីកាកោះហៅ ឯកឧត្តម កឹម សុខា គណបក្សសង្គ្រោះជាតិ ដែលកំពុងជាប់ឃុំក្នុងពន្ធនាគារត្រពាំងផ្លុង ដើម្បីឲ្យចូលរួមសវនាការលើបណ្ដឹងរំលាយបក្សនេះ។ ប៉ុន្តែឯកឧត្តម កឹម សុខា ប្រហែលជាមិនចូលរួមឡើយ។ នេះបើតាមលោក សំ សុគង់ មេធាវីរបស់ឯកឧត្តម កឹម សុខា ប្រាប់សារព័ត៌មានថ្មីៗ នៅព្រឹកថ្ងៃពុធនេះ។
បើតាមលោកមេធាវីរូបនេះ ឯកឧត្តម កឹម សុខា បានចាត់ទុកបណ្តឹងរំលាយគណបក្សសង្គ្រោះជាតិ ថាជារឿងនយោបាយ មិនមែនជាផ្លូវច្បាប់នោះទេ។ លោកមេធាវី និយាយដូច្នេះថា៖«តាមជំហររបស់គាត់ គាត់នៅតែមិនពឹងពាក់មេធាវី ឲ្យការពារក្តីលើបណ្តឹងរំលាយគណបក្ស។ គាត់ គិតថា រឿងនយោបាយ ត្រូវដោះស្រាយដោយអ្នកនយោបាយ»។
សម្តេច ហ៊ុន សែន ប្រធានគណបក្សប្រជាជនកម្ពុជា ប្រកាសជាច្រើនដងថា គណបក្សសង្គ្រោះជាតិ មិនអាចជៀសផុតពីការរំលាយនោះទេ។ រីឯក្រុមមេធាវី ដែលតំណាងឲ្យក្រសួងមហាផ្ទៃ ជឿជាក់ស្ទើរតែ១០០ភាគរយថា តុលាការកំពូល នឹងរំលាយគណបក្សសង្គ្រោះជាតិចោល។
ក្រសួងមហាផ្ទៃ ដែលដើរតួរជាដើមបណ្តឹង មិនត្រឹមតែចង់ឲ្យតុលាការកំពូលរំលាយគណបក្សសង្គ្រោះជាតិប៉ុណ្ណោះទេ ប៉ុន្តែថែមទាំងស្នើឲ្យផ្អាកថ្នាក់ដឹកនាំចំនួន១១៧រូប នៃគណបក្សប្រឆាំងដ៏ធំមួយនេះ ក្នុងការធ្វើនយោបាយរយៈពេល៥ឆ្នាំទៀតផង។ សម្រាប់ក្រសួងមហាផ្ទៃ គណបក្សសង្គ្រោះជាតិ អាចជាប់ពាក់ព័ន្ធនឹងអំពើក្បត់ជាតិ ដូចឯកឧត្តម កឹម សុខាដែរ៕
តុលាការកំពូល ប្រហែលជាមិនទាន់អាចរំលាយគណបក្សសង្គ្រោះជាតិឡើយ នៅថ្ងៃទី១៦ ខែវិច្ឆិកា ឆ្នាំ២០១៧។ នេះជាក្តីសង្ឃឹមបន្តិចបន្តួចចុងក្រោយរបស់លោក សុន ឆ័យ មន្ត្រីជាន់ខ្ពស់និងជាអ្នកនាំពាក្យគណបក្សសង្គ្រោះជាតិ ។
អ្វីដែលធ្វើឲ្យលោក សុន ឆ័យ នៅតែមានក្តីសង្ឃឹមនោះ គឺផ្អែកលើហេតុផលថា បណ្តឹងរំលាយគណបក្សសង្គ្រោះជាតិ ត្រូវបានផ្សារភ្ជាប់ជាមួយករណីរបស់ឯកឧត្តម កឹម សុខា ដូច្នេះលុះត្រាតែឯកឧត្តម កឹម សុខា ត្រូវបានកាត់ក្តីជាមុនសិន ទើបតុលាការកំពូល អាចបើកសវនាការសម្រេចតាមក្រោយ។ លោក បញ្ជាក់យ៉ាងដូច្នេះ៖«មិនទាន់កាត់ក្តីឯកឧត្តម កឹម សុខា ផង ដូច្នេះតុលាការ មិនមានហេតុផលគ្រប់គ្រាន់ ដែលត្រូវរំលាយគណបក្សសង្គ្រោះជាតិទេ»។
យ៉ាងណាក៏ដោយ លោក សុន ឆ័យ អះអាងថា សវនាការរបស់តុលាការកំពូលនៅថ្ងៃ១៦ វិច្ឆិកា នឹងប្រព្រឹត្តទៅដោយគ្មានមេធាវី ឬតំណាងគណបក្សសង្គ្រោះជាតិនោះទេ។ បើតាមលោក សុន ឆ័យ ថ្នាក់ដឹកនាំគណបក្សសង្គ្រោះជាតិ ដែលកំពុងមានវត្តមាននៅក្នុងប្រទេសកម្ពុជា ពុំបានសម្រេចលើផែនការអ្វីមួយ ដែលមានគោលបំណងជំរុញឲ្យមានការតវ៉ានៅតុលាការកំពូលឡើយ។
តុលាការកំពូល បានចេញដីកាកោះហៅ ឯកឧត្តម កឹម សុខា គណបក្សសង្គ្រោះជាតិ ដែលកំពុងជាប់ឃុំក្នុងពន្ធនាគារត្រពាំងផ្លុង ដើម្បីឲ្យចូលរួមសវនាការលើបណ្ដឹងរំលាយបក្សនេះ។ ប៉ុន្តែឯកឧត្តម កឹម សុខា ប្រហែលជាមិនចូលរួមឡើយ។ នេះបើតាមលោក សំ សុគង់ មេធាវីរបស់ឯកឧត្តម កឹម សុខា ប្រាប់សារព័ត៌មានថ្មីៗ នៅព្រឹកថ្ងៃពុធនេះ។
បើតាមលោកមេធាវីរូបនេះ ឯកឧត្តម កឹម សុខា បានចាត់ទុកបណ្តឹងរំលាយគណបក្សសង្គ្រោះជាតិ ថាជារឿងនយោបាយ មិនមែនជាផ្លូវច្បាប់នោះទេ។ លោកមេធាវី និយាយដូច្នេះថា៖«តាមជំហររបស់គាត់ គាត់នៅតែមិនពឹងពាក់មេធាវី ឲ្យការពារក្តីលើបណ្តឹងរំលាយគណបក្ស។ គាត់ គិតថា រឿងនយោបាយ ត្រូវដោះស្រាយដោយអ្នកនយោបាយ»។
សម្តេច ហ៊ុន សែន ប្រធានគណបក្សប្រជាជនកម្ពុជា ប្រកាសជាច្រើនដងថា គណបក្សសង្គ្រោះជាតិ មិនអាចជៀសផុតពីការរំលាយនោះទេ។ រីឯក្រុមមេធាវី ដែលតំណាងឲ្យក្រសួងមហាផ្ទៃ ជឿជាក់ស្ទើរតែ១០០ភាគរយថា តុលាការកំពូល នឹងរំលាយគណបក្សសង្គ្រោះជាតិចោល។
ក្រសួងមហាផ្ទៃ ដែលដើរតួរជាដើមបណ្តឹង មិនត្រឹមតែចង់ឲ្យតុលាការកំពូលរំលាយគណបក្សសង្គ្រោះជាតិប៉ុណ្ណោះទេ ប៉ុន្តែថែមទាំងស្នើឲ្យផ្អាកថ្នាក់ដឹកនាំចំនួន១១៧រូប នៃគណបក្សប្រឆាំងដ៏ធំមួយនេះ ក្នុងការធ្វើនយោបាយរយៈពេល៥ឆ្នាំទៀតផង។ សម្រាប់ក្រសួងមហាផ្ទៃ គណបក្សសង្គ្រោះជាតិ អាចជាប់ពាក់ព័ន្ធនឹងអំពើក្បត់ជាតិ ដូចឯកឧត្តម កឹម សុខាដែរ៕
Tag:
CNRP
សុន ឆ័យ
តុលាការ
© រក្សាសិទ្ធិដោយ thmeythmey.com
