ជាតិ
នយោបាយជាតិ
×![]()
ដោយ: ម៉ៅ សុផា
ភ្នំពេញ៖ ពីរដ្ឋធានីវ៉ាស៊ីនតោន នៃសហរដ្ឋអាមេរិក លោក សម រង្ស៊ី បានប្រកាសដោយខ្លួនឯង តាមរយៈការបង្ហោះសារលើទំព័រហ្វេសប៊ុកថា លោក ចូលជាសមាជិកភាពនៃគណបក្សសង្គ្រោះជាតិឡើងវិញ ចាប់ពីថ្ងៃទី១៥ ខែវិច្ឆិកា ឆ្នាំ២0១៧ តទៅ។ ការប្រកាសរបស់លោក សម រង្ស៊ី បែបនេះ គឺធ្វើឡើងមុនមួយថ្ងៃ នៃការបើកសវនាការរបស់តុលាការកំពូល លើបណ្តឹងរំលាយគណបក្សសង្គ្រោះជាតិ។
តាមរយៈទំព័រហ្វេសប៊ុក នៅថ្ងៃទី១៥ វិច្ឆិកានេះ លោក សម រង្ស៊ី បានសរសេរថា ការដែលលោក សុខចិត្តលាលែងពីសមាជិកភាព និងតំណែងជាប្រធានគណបក្សសង្គ្រោះជាតិ កាលពីអំឡុងខែកុម្ភៈ ឆ្នាំ២០១៧ ក៏ព្រោះតែចង់សង្គ្រោះជីវិតគណបក្ស ។ ប៉ុន្តែនៅទីបំផុតការលាលែងរបស់លោកនេះ នៅតែមិនអាចជួយឲ្យគណបក្សចៀសផុតពីការរំលាយដដែល។
ដោយសារបញ្ហានេះហើយ ទើបបានជាលោក សម រង្ស៊ី ប្រកាសចូលរួមជាមួយគណបក្សសង្គ្រោះជាតិឡើងវិញ ទោះបីជាតុលាការកំពូល រំលាយគណបក្សសង្គ្រោះជាតិ ឬមិនរំលាយក្តី នៅថ្ងៃទី១៦ ខែវិច្ឆិកា ឆ្នាំ២0១៧ ។
ក្នុងករណីគណបក្សសង្គ្រោះជាតិ ត្រូវបានរំលាយ ក៏លោក សម រង្ស៊ី នៅតែប្រកាសចូលជាសមាជិកភាពនៃគណបក្សសង្គ្រោះជាតិដែរ។ អតីតប្រធានគណបក្សរូបនេះ បានបញ្ជាក់ដូច្នេះថា៖«គណបក្សសង្គ្រោះជាតិ ត្រូវគេរំលាយ តែនៅលើក្រដាស ប៉ុណ្ណោះ។ តាមការពិតគណបក្សសង្គ្រោះជាតិ នៅតែរស់រវើក ក្នុងបេះដូងប្រជារាស្ត្រខ្មែរ និងចំពោះមុខសហគន៍អន្តរជាតិ ដែលចាត់ទុកអ្នកតំណាងរាស្ត្រ មកពីគណបក្សសង្គ្រោះជាតិ ថាជាតំណាងរាស្ត្រស្របច្បាប់ និងពេញសិទ្ធិដដែល ដោយគ្មានអ្វីប្រែប្រួលឡើយ»៕
តាមរយៈទំព័រហ្វេសប៊ុក នៅថ្ងៃទី១៥ វិច្ឆិកានេះ លោក សម រង្ស៊ី បានសរសេរថា ការដែលលោក សុខចិត្តលាលែងពីសមាជិកភាព និងតំណែងជាប្រធានគណបក្សសង្គ្រោះជាតិ កាលពីអំឡុងខែកុម្ភៈ ឆ្នាំ២០១៧ ក៏ព្រោះតែចង់សង្គ្រោះជីវិតគណបក្ស ។ ប៉ុន្តែនៅទីបំផុតការលាលែងរបស់លោកនេះ នៅតែមិនអាចជួយឲ្យគណបក្សចៀសផុតពីការរំលាយដដែល។
ដោយសារបញ្ហានេះហើយ ទើបបានជាលោក សម រង្ស៊ី ប្រកាសចូលរួមជាមួយគណបក្សសង្គ្រោះជាតិឡើងវិញ ទោះបីជាតុលាការកំពូល រំលាយគណបក្សសង្គ្រោះជាតិ ឬមិនរំលាយក្តី នៅថ្ងៃទី១៦ ខែវិច្ឆិកា ឆ្នាំ២0១៧ ។
ក្នុងករណីគណបក្សសង្គ្រោះជាតិ ត្រូវបានរំលាយ ក៏លោក សម រង្ស៊ី នៅតែប្រកាសចូលជាសមាជិកភាពនៃគណបក្សសង្គ្រោះជាតិដែរ។ អតីតប្រធានគណបក្សរូបនេះ បានបញ្ជាក់ដូច្នេះថា៖«គណបក្សសង្គ្រោះជាតិ ត្រូវគេរំលាយ តែនៅលើក្រដាស ប៉ុណ្ណោះ។ តាមការពិតគណបក្សសង្គ្រោះជាតិ នៅតែរស់រវើក ក្នុងបេះដូងប្រជារាស្ត្រខ្មែរ និងចំពោះមុខសហគន៍អន្តរជាតិ ដែលចាត់ទុកអ្នកតំណាងរាស្ត្រ មកពីគណបក្សសង្គ្រោះជាតិ ថាជាតំណាងរាស្ត្រស្របច្បាប់ និងពេញសិទ្ធិដដែល ដោយគ្មានអ្វីប្រែប្រួលឡើយ»៕
Tag:
សម រង្ស៊ី
© រក្សាសិទ្ធិដោយ thmeythmey.com
