កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
ក្រុមកីឡាបាល់ទាត់ជម្រើសជាតិអូស្ត្រាលីបានកក់កៅអីទៅ FIFA World Cup នៅរុស្ស៊ីហើយ បន្ទាប់ពីយកឈ្នះ ហុងឌូរ៉ាស ៣-១ នាការប្រកួត Play-off ជើងទី២ លើទឹកដីខ្លួនឯង ដែលបញ្ចប់ទៅមុននេះបន្តិច។
៣គ្រាប់របស់ម្ចាស់ផ្ទះអូស្ត្រាលីធ្វើបានដោយខ្សែបម្រើ Mile Jedinak ដោយស៊ុតបាល់ពិន័យប៉េណាល់ទី១១ម៉ែត្រទាំងពីរគ្រាប់នៅនាទី៧២ និង៨៥ ក្រោយពេលខ្សែការពារ Maynor Figueroa របស់ហុងឌូរ៉ាសធ្វើឲ្យបាល់ចូលទីខ្លួនឯងនៅនាទី៥៤។ ខ្សែការពារនេះដដែលរកបាន១គ្រាប់ឲ្យក្រុមជម្រើសជាតិខ្លួនបាន១គ្រាប់វិញនៅនាទី៩០។ ចប់ការប្រកួត អូស្ត្រាលីយកឈ្នះហុងឌូរ៉ាស ៣-១។
កាលពីប្រកួតជើងទី១ដែលហុងឌូរ៉ាសធ្វើជាម្ចាស់ផ្ទះនោះ ក្រុមទាំងពីរទទួលបានលទ្ធផលត្រឹមស្មើ ០-០ ប៉ុណ្ណោះ។ ដូចច្នេះ លទ្ធផលនេះបានឲ្យអូស្ត្រាលីដណ្តើមកៅអីទៅរុស្ស៊ីឆ្នាំក្រោយបាន និងជាការបង្ហាញខ្លួនជាលើកទី៥ផងដែរ។
អូស្ត្រាលី ជាក្រុមជម្រើសជាតិទី៣១ហើយដែលមានឈ្មោះទៅ World Cup នៅរុស្ស៊ីឆ្នាំ២០១៨ ហើយត្រូវរង់ចាំការប្រកួត១គូទៀតប៉ុណ្ណោះរវាង នូវែលសេឡង់ និងប៉េរូ ដើម្បីបង្គ្រប់៣២ក្រុម៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
