អន្តរជាតិ
អភិបាលក្រុងហ្សាការតាបិទទីតាំងដែលមានពេស្យាកម្ម បើតាមពាក្យចចាមអារ៉ាម
×![]()
ដោយ: VOA
ហ្សាការតា ៖ តាមពាក្យចចាមអារ៉ាមថា សណ្ឋាគារនេះគឺជាកន្លែងពេស្យាចារ។ ប៉ុន្តែ គេមិនទាន់ដឹងច្បាស់ទេថា ការបិទនេះជាវិធានការដាច់ដោយឡែកតែមួយ ឬក៏ជាសញ្ញានៃការបង្ក្រាបក្នុងទ្រង់ទ្រាយដ៏ធំនោះទេ។
បទបញ្ជាចេញកាលពីសប្តាហ៍មុន ដែលបានហាមមិនឲ្យបើកដំណើរការសណ្ឋាគារនេះឡើងវិញ បានចូលជាធរមានភ្លាមៗ ហើយសណ្ឋាគារនិងបន្ទប់ម៉ាស្សា បានបិទទ្វារលែងដំណើរការហើយ។ អាគារនេះ រួមមានទីធ្លាផ្សេងទៀតដូចជា ភោជនីយដ្ឋាន បន្ទប់ខារាអូខេ ដែលមិនរងការប៉ះពាល់ទេ។ លោក Anies មិនបានបញ្ជាក់ឲ្យច្បាស់ជាព័ត៌មានលម្អិតលើសកម្មភាពដែលខុសច្បាប់នោះទេ ប៉ុន្តែលោកបានប្រាប់អ្នកសារព័ត៌មានថា លោកមានទិន្នន័យទាំងអស់ អំពីការរំលោភបំពាននានាក្នុងសំណុំរឿងនេះ។
លោក Anies បានថ្លែងកាលពីថ្ងៃចន្ទនៅឯសាលាក្រុងថា៖ «យើងមានជំហរច្បាស់ណាស់។ យើងមិនចង់ឲ្យក្រុងហ្សាការតា ក្លាយជាទីក្រុងដែលអនុញាតឲ្យមានអំពើពេស្យាកម្មកើតមានទេ។ យើងបានទទួលរបាយការណ៍ និងពាក្យបណ្តឹងជាច្រើនពីពលរដ្ឋ ក៏ដូចជារបាយការណ៍សារព័ត៌មានផងដែរ»។
សណ្ឋាគារនេះបានតវ៉ានឹងការសម្រេចចិត្តនេះ ដោយអ្នកតំណាងផ្លូវច្បាប់របស់ខ្លួនបានអះអាងថា សណ្ឋាគារនេះមិនបានបំពានបទប្បញ្ញត្តិទេ ដោយបានចូលរួមបង់ពន្ធសំខាន់ៗ និងបានជួលបុគ្គលិករាប់រយនាក់ ដែលជាអ្នកផ្គត់ផ្គង់ចំណូលក្នុងគ្រួសាររបស់ពួកគេ។
ទោះយ៉ាងណា លោក Anies មិនបារម្ភអំពីការបាត់បង់ចំណូលពន្ធដែលមានទឹកប្រាក់ប្រមាណ ២.២លានដុល្លារក្នុងមួយឆ្នាំនោះទេ។ លោកនិយាយថា លោកចាប់អារម្មណ៍តែលើប្រាក់ដែលពាក់ព័ន្ធនឹង«ប្រាក់ halal» ឬប្រាក់ដែលបានមកពីប្រភពផ្សេងៗ ដែលច្បាប់ឥស្លាមអាចទទួលយកបានតែប៉ុណ្ណោះ។
ទីតាំងរង្គសាលសំខាន់ៗ
អតីតអភិបាលក្រុងហ្សាការតាដ៏ល្បីឈ្មោះ គឺលោក Basuki “Ahok” Tjahaha Purnama មិនមានលទ្ធភាពបិទសណ្ឋាគារ Alexis នេះទេ បើទោះជាលោកបានបើកផ្លូវ ដោយបិទរង្គសាលល្បីៗជាច្រើន ដូចជារង្គសាលឈ្មោះ Stadium និងទីតាំងបម្រើផ្លូវភេទមានតម្លៃទាបជាច្រើនទៀត ដូចជា ទីតាំងបម្រើផ្លូវភេទឈ្មោះ Kalijodo ជាដើម។
លោក Anies បានរិះគន់លោកអតីតអភិបាលក្រុងរូបនេះក្នុងយុទ្ធនាការឃោសនារបស់លោក ដោយវាយប្រហារជាពិសេសលើការបង្ក្រាបទ្រង់ទ្រាយតូច ដោយសារតែសណ្ឋាគារ Alexis មានឈ្មោះល្បីជាង និងអាចទាក់ទាញអតិថិជនដែលមានទ្រព្យធនច្រើន។
កាលពីខែមុន មានការតវ៉ាតូចមួយនៅខាងក្រៅសណ្ឋាគារ Alexis នៅពេលដែលមនុស្សប្រមាណ៧០នាក់បានបង្ហាញខ្លួន មុនពេលពួកគេត្រូវបានបំបែកដោយកងកម្លាំង ប៉ុន្តែ ហេតុការណ៍នេះត្រូវបានច្រានចោលដោយអះអាងថា វាគ្រាន់តែជាការចុះឆែកឆេរតែប៉ុណ្ណោះ។ អស់រយៈពេលជាយូរមកហើយ សណ្ឋាគារ Alexis ត្រូវបានគេមើលឃើញថា ជាកន្លែងសម្រាប់ណាត់ជួបគ្នានៅក្រុងហ្សាការតា ហើយមានការអះអាងថា សកម្មភាពខុសច្បាប់នៅទីនេះមិនត្រូវបានគេគាស់រំលើងឡើយ។ ក្រសួងទេសចរណ៍ថែមទាំងបានបោសសម្អាតកន្លែងនេះសម្រាប់យកធ្វើជំនួញ បន្ទាប់ពីបានធ្វើការត្រួតពិនិត្យកាលពីឆ្នាំមុន ដែលសកម្មភាពទាំងនេះធ្វើឲ្យការបិទសណ្ឋាគារនេះដោយលោក Anies កាន់តែចាំបាច់ត្រូវធ្វើ។
ប៉ុន្តែ អ្នករិះគន់ខ្លះនិយាយថា កិច្ចខិតខំប្រឹងប្រែងប្រឆាំងនឹងសណ្ឋាគារ Alexis នេះ គឺជារឿងនយោបាយសុទ្ធសាធ។
លោក Tobias Basuki អ្នកស្រាវជ្រាវម្នាក់នៅមជ្ឈមណ្ឌលយុទ្ធសាស្ត្រ និងការសិក្សាអន្តរជាតិនៅទីក្រុងហ្សាការតា បានថ្លែងថា៖ «ខ្ញុំយល់ឃើញថា ការណ៍ដែលមិនផ្តល់អាជ្ញាប័ណ្ណដល់សណ្ឋាគារ Alexis គឺជាសកម្មភាពបំភាន់មួយដោយរដ្ឋបាលរបស់លោក Anies-Sandi។ តាមក្បួននិងគំរូនៃស្ទីលឃោសនារបស់លោក Anies គោលនយោបាយរបស់លោក និងសកម្មភាពភាគច្រើនផ្តោតលើវោហាសាស្ត្រ (ដែលអាចជាវោហាសាស្ត្រស្នេហាជាតិ រៀបរាប់ពីសាសនាឥស្លាម) ប៉ុន្តែមិនមែនជាបណ្ដុំគោលនយោបាយជាក់លាក់ផ្អែកលើមនោគមវិជ្ជាណាមួយនោះទេ»។
អ្នកផ្សេងទៀតបានអះអាងថា ការបិទសណ្ឋាគារ Alexis នេះមិនផ្តល់ផលប្រយោជន៍អ្វីដល់អំពើអាក្រក់ក្នុងសង្គមដែលមានស្រាប់នោះទេ។
លោក Ayang Utriza អ្នកស្រាវជ្រាវម្នាក់នៅសាកលវិទ្យាល័យឥស្លាមរបស់រដ្ឋក្នុងទីក្រុងហ្សាការតា បាននិយាយថា៖ «ការបិទនេះមិនអាចដោះស្រាយបញ្ហាជាក់ស្តែងទេ ដូចជាអំពើពេស្យាចារ គ្រឿងញៀន ការជួញដូរមនុស្ស និងភាពអត់ការងារធ្វើ។ ទាំងនេះគឺជាបញ្ហាដែលពលរដ្ឋក្រុងហ្សាការតាជួបប្រទះ។ ក្រោយពេលបិទសណ្ឋាគារ Alexis នេះ តើមានអ្វីកើតឡើង? តើស្ត្រីរកស៊ីផ្លូវភេទទាំងអស់នោះត្រូវទៅណា? ដរាបណាមិនមានការផ្តល់ការងារនិងប្រាក់ខែសមរម្យ ហើយដរាបណានៅតែមានការជួញដូរមនុស្ស ហើយបុរសៗនៅតែមានទ្រព្យសម្បត្តិច្រើន បញ្ហាចោទនៃសកម្មភាពខុសច្បាប់ដែលកើតឡើងក្នុងវិស័យកម្សាន្តពេលរាត្រី នឹងមិនអាចដោះស្រាយបានឡើយ»។
ក្រុងហ្សាការតាកាន់តែក្លាយជាក្រុងសម្រាប់អ្នកកាន់សាសនាឥស្លាម
ការបិទសណ្ឋាគារ Alexis ដោយហេតុផលសីលធម៌ គឺជាសញ្ញាមួយដែលបញ្ជាក់ថា រដ្ឋធានីនេះកាន់តែក្លាយជាក្រុងដែលមានផ្សារភ្ជាប់ទៅនឹងសាសនាឥស្លាមកាន់តែខ្លាំង បើសិនជាគោលបំណងរបស់លោក Anies និងអភិបាលក្រុងរងរបស់លោក គឺលោក Sandiaga “Sandi” Uno ត្រូវបានគេជឿជាក់នោះ។
ចាប់តាំងពីចូលកាន់តំណែងមក លោក Anies ក៏បានបើកវិមានជាតិក្នុងក្រុងហ្សាការតាឲ្យមានសកម្មភាពសាសនា និងការសូត្រគម្ពីកូរអាន និងបានបន្ធូរបទបញ្ញត្តិសម្រាប់ការសម្លាប់សត្វ ដើម្បីប្រារព្ធពិធីបុណ្យ Id al-Adha ដែលជាថ្ងៃពិសិដ្ឋរបស់អ្នកកាន់សាសនាឥស្លាម ដោយដកការរឹតត្បិតលើការអនុវត្តទង្វើទាំងនេះដែលធ្លាប់អនុវត្តដោយអភិបាលក្រុងមុន គឺលោក Ahok។
លោកក៏កំពុងព្យាយាមដកសិទ្ធិអំណាចពីក្រុមហ៊ុន PT Delta Djakarta ដែលជាក្រុមហ៊ុនផលិតនិងចែកចាយស្រាបៀរ ដែលរដ្ឋបាលក្រុងនេះក៏មានភាគហ៊ុនក្នុងក្រុមហ៊ុននេះដែរ។ លោក Sandi បាននិយាយម្តងហើយម្តងទៀតថា នឹងដាក់ដំណើរការកម្មវិធីកម្សាន្តដែលគោរពទៅតាមច្បាប់នៃសាសនាឥស្លាមនៅក្រុងហ្សាការតា ដែលរួមមានសណ្ឋាគារសម្រាប់អ្នកាន់សាសនាឥស្លាម និងទីធ្លាសាធារណៈសម្រាប់គូស្រករឥស្លាមមុនពេលរៀបការ ដែលគេហៅថា ta’aruf។
អគ្គលេខាធិការគណបក្សនយោបាយឥស្លាមធំជាងគេគឺគណបក្ស «យុត្តិធម៌រីកចម្រើន» ឬ Prosperous Justice Party បានសាទរលើចំណាត់ការរបស់លោក Anies លើបញ្ហានេះ។
លោក Mustafa Kamal និយាយថា៖ «យើងគោរពលោក Anies សម្រាប់ការងារដ៏ស៊ីសង្វាក់គ្នារបស់លោក ទាក់ទិននឹងសណ្ឋាគារ Alexis និងការយកមកវិញនូវអចលនទ្រព្យរបស់ក្រុងហ្សាការតា»។
មេដឹកនាំសាសនាឥស្លាមប្រកាន់ជំហរតឹងរ៉ឹង គឺរណសិរ្សអ្នកការពារ ដែលបានដឹកនាំការប្រមូលផ្តុំនៃអ្នកកាន់សាសនាឥស្លាមធំមួយកាលពីឆ្នាំមុន ដើម្បីប្រឆាំងនឹងអតីតអភិបាលក្រុងហ្សាការតា ក៏បានសាទរលោក Anies ផងដែរ ហើយបានសន្យាថា នឹងប្រមូលអ្នកគាំទ្ររបស់ខ្លួនម្តងទៀត ប្រសិនបើថ្នាក់ដឹកនាំសណ្ឋាគារនេះតបតនឹងការបិទសណ្ឋាគារនេះ៕
សូមចុចទៅប្រភពដើម VOA ត្រង់នេះ
បទបញ្ជាចេញកាលពីសប្តាហ៍មុន ដែលបានហាមមិនឲ្យបើកដំណើរការសណ្ឋាគារនេះឡើងវិញ បានចូលជាធរមានភ្លាមៗ ហើយសណ្ឋាគារនិងបន្ទប់ម៉ាស្សា បានបិទទ្វារលែងដំណើរការហើយ។ អាគារនេះ រួមមានទីធ្លាផ្សេងទៀតដូចជា ភោជនីយដ្ឋាន បន្ទប់ខារាអូខេ ដែលមិនរងការប៉ះពាល់ទេ។ លោក Anies មិនបានបញ្ជាក់ឲ្យច្បាស់ជាព័ត៌មានលម្អិតលើសកម្មភាពដែលខុសច្បាប់នោះទេ ប៉ុន្តែលោកបានប្រាប់អ្នកសារព័ត៌មានថា លោកមានទិន្នន័យទាំងអស់ អំពីការរំលោភបំពាននានាក្នុងសំណុំរឿងនេះ។
លោក Anies បានថ្លែងកាលពីថ្ងៃចន្ទនៅឯសាលាក្រុងថា៖ «យើងមានជំហរច្បាស់ណាស់។ យើងមិនចង់ឲ្យក្រុងហ្សាការតា ក្លាយជាទីក្រុងដែលអនុញាតឲ្យមានអំពើពេស្យាកម្មកើតមានទេ។ យើងបានទទួលរបាយការណ៍ និងពាក្យបណ្តឹងជាច្រើនពីពលរដ្ឋ ក៏ដូចជារបាយការណ៍សារព័ត៌មានផងដែរ»។
សណ្ឋាគារនេះបានតវ៉ានឹងការសម្រេចចិត្តនេះ ដោយអ្នកតំណាងផ្លូវច្បាប់របស់ខ្លួនបានអះអាងថា សណ្ឋាគារនេះមិនបានបំពានបទប្បញ្ញត្តិទេ ដោយបានចូលរួមបង់ពន្ធសំខាន់ៗ និងបានជួលបុគ្គលិករាប់រយនាក់ ដែលជាអ្នកផ្គត់ផ្គង់ចំណូលក្នុងគ្រួសាររបស់ពួកគេ។
ទោះយ៉ាងណា លោក Anies មិនបារម្ភអំពីការបាត់បង់ចំណូលពន្ធដែលមានទឹកប្រាក់ប្រមាណ ២.២លានដុល្លារក្នុងមួយឆ្នាំនោះទេ។ លោកនិយាយថា លោកចាប់អារម្មណ៍តែលើប្រាក់ដែលពាក់ព័ន្ធនឹង«ប្រាក់ halal» ឬប្រាក់ដែលបានមកពីប្រភពផ្សេងៗ ដែលច្បាប់ឥស្លាមអាចទទួលយកបានតែប៉ុណ្ណោះ។
ទីតាំងរង្គសាលសំខាន់ៗ
អតីតអភិបាលក្រុងហ្សាការតាដ៏ល្បីឈ្មោះ គឺលោក Basuki “Ahok” Tjahaha Purnama មិនមានលទ្ធភាពបិទសណ្ឋាគារ Alexis នេះទេ បើទោះជាលោកបានបើកផ្លូវ ដោយបិទរង្គសាលល្បីៗជាច្រើន ដូចជារង្គសាលឈ្មោះ Stadium និងទីតាំងបម្រើផ្លូវភេទមានតម្លៃទាបជាច្រើនទៀត ដូចជា ទីតាំងបម្រើផ្លូវភេទឈ្មោះ Kalijodo ជាដើម។
លោក Anies បានរិះគន់លោកអតីតអភិបាលក្រុងរូបនេះក្នុងយុទ្ធនាការឃោសនារបស់លោក ដោយវាយប្រហារជាពិសេសលើការបង្ក្រាបទ្រង់ទ្រាយតូច ដោយសារតែសណ្ឋាគារ Alexis មានឈ្មោះល្បីជាង និងអាចទាក់ទាញអតិថិជនដែលមានទ្រព្យធនច្រើន។
កាលពីខែមុន មានការតវ៉ាតូចមួយនៅខាងក្រៅសណ្ឋាគារ Alexis នៅពេលដែលមនុស្សប្រមាណ៧០នាក់បានបង្ហាញខ្លួន មុនពេលពួកគេត្រូវបានបំបែកដោយកងកម្លាំង ប៉ុន្តែ ហេតុការណ៍នេះត្រូវបានច្រានចោលដោយអះអាងថា វាគ្រាន់តែជាការចុះឆែកឆេរតែប៉ុណ្ណោះ។ អស់រយៈពេលជាយូរមកហើយ សណ្ឋាគារ Alexis ត្រូវបានគេមើលឃើញថា ជាកន្លែងសម្រាប់ណាត់ជួបគ្នានៅក្រុងហ្សាការតា ហើយមានការអះអាងថា សកម្មភាពខុសច្បាប់នៅទីនេះមិនត្រូវបានគេគាស់រំលើងឡើយ។ ក្រសួងទេសចរណ៍ថែមទាំងបានបោសសម្អាតកន្លែងនេះសម្រាប់យកធ្វើជំនួញ បន្ទាប់ពីបានធ្វើការត្រួតពិនិត្យកាលពីឆ្នាំមុន ដែលសកម្មភាពទាំងនេះធ្វើឲ្យការបិទសណ្ឋាគារនេះដោយលោក Anies កាន់តែចាំបាច់ត្រូវធ្វើ។
ប៉ុន្តែ អ្នករិះគន់ខ្លះនិយាយថា កិច្ចខិតខំប្រឹងប្រែងប្រឆាំងនឹងសណ្ឋាគារ Alexis នេះ គឺជារឿងនយោបាយសុទ្ធសាធ។
លោក Tobias Basuki អ្នកស្រាវជ្រាវម្នាក់នៅមជ្ឈមណ្ឌលយុទ្ធសាស្ត្រ និងការសិក្សាអន្តរជាតិនៅទីក្រុងហ្សាការតា បានថ្លែងថា៖ «ខ្ញុំយល់ឃើញថា ការណ៍ដែលមិនផ្តល់អាជ្ញាប័ណ្ណដល់សណ្ឋាគារ Alexis គឺជាសកម្មភាពបំភាន់មួយដោយរដ្ឋបាលរបស់លោក Anies-Sandi។ តាមក្បួននិងគំរូនៃស្ទីលឃោសនារបស់លោក Anies គោលនយោបាយរបស់លោក និងសកម្មភាពភាគច្រើនផ្តោតលើវោហាសាស្ត្រ (ដែលអាចជាវោហាសាស្ត្រស្នេហាជាតិ រៀបរាប់ពីសាសនាឥស្លាម) ប៉ុន្តែមិនមែនជាបណ្ដុំគោលនយោបាយជាក់លាក់ផ្អែកលើមនោគមវិជ្ជាណាមួយនោះទេ»។
អ្នកផ្សេងទៀតបានអះអាងថា ការបិទសណ្ឋាគារ Alexis នេះមិនផ្តល់ផលប្រយោជន៍អ្វីដល់អំពើអាក្រក់ក្នុងសង្គមដែលមានស្រាប់នោះទេ។
លោក Ayang Utriza អ្នកស្រាវជ្រាវម្នាក់នៅសាកលវិទ្យាល័យឥស្លាមរបស់រដ្ឋក្នុងទីក្រុងហ្សាការតា បាននិយាយថា៖ «ការបិទនេះមិនអាចដោះស្រាយបញ្ហាជាក់ស្តែងទេ ដូចជាអំពើពេស្យាចារ គ្រឿងញៀន ការជួញដូរមនុស្ស និងភាពអត់ការងារធ្វើ។ ទាំងនេះគឺជាបញ្ហាដែលពលរដ្ឋក្រុងហ្សាការតាជួបប្រទះ។ ក្រោយពេលបិទសណ្ឋាគារ Alexis នេះ តើមានអ្វីកើតឡើង? តើស្ត្រីរកស៊ីផ្លូវភេទទាំងអស់នោះត្រូវទៅណា? ដរាបណាមិនមានការផ្តល់ការងារនិងប្រាក់ខែសមរម្យ ហើយដរាបណានៅតែមានការជួញដូរមនុស្ស ហើយបុរសៗនៅតែមានទ្រព្យសម្បត្តិច្រើន បញ្ហាចោទនៃសកម្មភាពខុសច្បាប់ដែលកើតឡើងក្នុងវិស័យកម្សាន្តពេលរាត្រី នឹងមិនអាចដោះស្រាយបានឡើយ»។
ក្រុងហ្សាការតាកាន់តែក្លាយជាក្រុងសម្រាប់អ្នកកាន់សាសនាឥស្លាម
ការបិទសណ្ឋាគារ Alexis ដោយហេតុផលសីលធម៌ គឺជាសញ្ញាមួយដែលបញ្ជាក់ថា រដ្ឋធានីនេះកាន់តែក្លាយជាក្រុងដែលមានផ្សារភ្ជាប់ទៅនឹងសាសនាឥស្លាមកាន់តែខ្លាំង បើសិនជាគោលបំណងរបស់លោក Anies និងអភិបាលក្រុងរងរបស់លោក គឺលោក Sandiaga “Sandi” Uno ត្រូវបានគេជឿជាក់នោះ។
ចាប់តាំងពីចូលកាន់តំណែងមក លោក Anies ក៏បានបើកវិមានជាតិក្នុងក្រុងហ្សាការតាឲ្យមានសកម្មភាពសាសនា និងការសូត្រគម្ពីកូរអាន និងបានបន្ធូរបទបញ្ញត្តិសម្រាប់ការសម្លាប់សត្វ ដើម្បីប្រារព្ធពិធីបុណ្យ Id al-Adha ដែលជាថ្ងៃពិសិដ្ឋរបស់អ្នកកាន់សាសនាឥស្លាម ដោយដកការរឹតត្បិតលើការអនុវត្តទង្វើទាំងនេះដែលធ្លាប់អនុវត្តដោយអភិបាលក្រុងមុន គឺលោក Ahok។
លោកក៏កំពុងព្យាយាមដកសិទ្ធិអំណាចពីក្រុមហ៊ុន PT Delta Djakarta ដែលជាក្រុមហ៊ុនផលិតនិងចែកចាយស្រាបៀរ ដែលរដ្ឋបាលក្រុងនេះក៏មានភាគហ៊ុនក្នុងក្រុមហ៊ុននេះដែរ។ លោក Sandi បាននិយាយម្តងហើយម្តងទៀតថា នឹងដាក់ដំណើរការកម្មវិធីកម្សាន្តដែលគោរពទៅតាមច្បាប់នៃសាសនាឥស្លាមនៅក្រុងហ្សាការតា ដែលរួមមានសណ្ឋាគារសម្រាប់អ្នកាន់សាសនាឥស្លាម និងទីធ្លាសាធារណៈសម្រាប់គូស្រករឥស្លាមមុនពេលរៀបការ ដែលគេហៅថា ta’aruf។
អគ្គលេខាធិការគណបក្សនយោបាយឥស្លាមធំជាងគេគឺគណបក្ស «យុត្តិធម៌រីកចម្រើន» ឬ Prosperous Justice Party បានសាទរលើចំណាត់ការរបស់លោក Anies លើបញ្ហានេះ។
លោក Mustafa Kamal និយាយថា៖ «យើងគោរពលោក Anies សម្រាប់ការងារដ៏ស៊ីសង្វាក់គ្នារបស់លោក ទាក់ទិននឹងសណ្ឋាគារ Alexis និងការយកមកវិញនូវអចលនទ្រព្យរបស់ក្រុងហ្សាការតា»។
មេដឹកនាំសាសនាឥស្លាមប្រកាន់ជំហរតឹងរ៉ឹង គឺរណសិរ្សអ្នកការពារ ដែលបានដឹកនាំការប្រមូលផ្តុំនៃអ្នកកាន់សាសនាឥស្លាមធំមួយកាលពីឆ្នាំមុន ដើម្បីប្រឆាំងនឹងអតីតអភិបាលក្រុងហ្សាការតា ក៏បានសាទរលោក Anies ផងដែរ ហើយបានសន្យាថា នឹងប្រមូលអ្នកគាំទ្ររបស់ខ្លួនម្តងទៀត ប្រសិនបើថ្នាក់ដឹកនាំសណ្ឋាគារនេះតបតនឹងការបិទសណ្ឋាគារនេះ៕
សូមចុចទៅប្រភពដើម VOA ត្រង់នេះ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
