កីឡាអន្តរជាតិ
អន្តរជាតិ
Man Utd លក់អាវដាច់ជាងគេ ក្នុងចំណោមក្រុមទាំងអស់នៅ Premier League
× Manchester United គឺជាក្រុមលំដាប់ទី១ដែលលក់ឯកសណ្ឋានរបស់ខ្លួនដាច់ជាងគេបំផុតក្នុងចំណោមក្រុមក្នុងក្របខណ្ឌ Premier League ខណៈ Liverpool ជាប់លំដាប់ថ្នាក់ទី២។
ក្រុមដែលមានរហស្សនាមបិសាចក្រហមមួយនេះ នៅតែជាក្លិបធំបំផុតនៅចក្រភពអង់គ្លេស នៅពេលនិយាយពីការលក់អាវយឺតរបស់ខ្លួន។
ចំនួនឯកសណ្ឋានដែលក្រុមម្ចាស់ជើងឯក Premier League ២០សម័យលក់ចេញសម្រាប់រដូវកាលនេះ ស្មើ១ ភាគ៣ ពោលគឺ ៣២ភាគរយ នៃការលក់អាវសរុបរបស់ក្រុមនៃលីកកំពូលអង់គ្លេសទាំងអស់ និងច្រើនជាងការលក់របស់ក្រុម Arsenal Chelsea និង Manchester City រួមបញ្ចូលគ្នាទៅទៀត។ នេះបើតាមទិន្នន័យនៃការលក់ចេញរបស់ក្រុមហ៊ុនចែកចាយសម្ភារកីឡាដ៏ធំនៅចក្រភពអង់គ្លេស SportsDirect។
ចំណែក Liverpool ស្ថិតនៅលំដាប់ទី២ មានចំនួន២១ភាគរយ ក្នុងនាមក្រុមដែលលក់អាវបានច្រើនជាងគេ បន្ទាប់ពី Manchester United ខណៈលេខ៣ Arsenal លក់ចេញបាន ១៥ភាគរយ Chelsea លេខ៤ មាន១០ភាគរយ Tottenham Hotpur ៨ភាគរយ Newcastle ៧ភាគរយ Manchester City ៤ភាគរយ West Ham ១ភាគរយ និង Southampton ១ភាគរយ៕
Tag:
បាល់ទាត់
លក់អាវ
Premier League
Manchester United
© រក្សាសិទ្ធិដោយ thmeythmey.com