អន្តរជាតិ
លោក Surin Pitsuwan អតីតអគ្គលេខាធិការអាស៊ាន។ រូបថត AFP
×![]()
អតីតអគ្គលេខាធិការអាស៊ាន លោក Surin Pitsuwan បានលើកឡើងថា អាស៊ាន គួរតែមានមូលនិធិអភិឌ្ឍដែលជារបស់ខ្លួនឯងផ្ទាល់ ដើម្បីដោះស្រាយបញ្ហាក្នុងតំបន់ ដូចជាកង្វះខាតហេដ្ឋារចនាសម្ព័ន្ធជាដើមនោះ ។
ក្នុងវេទិការ អាស៊ាន៥០ឆ្នាំនៅក្រុងបាងកក ដែលប្រារព្ធឡើងនៅថ្ងៃ១៦ វិច្ឆកា លោកអតីតអគ្គលេខាធិការ បានថ្លែងថា អាស៊ានត្រូវតែបញ្ឈប់ពឹងផ្អែកលើជំនួយពីប្រទេសខាងក្រៅដើម្បីដោះស្រាយបញ្ហារបស់ខ្លួនឯង ។ នេះបើយោងតាមការចុះផ្សាយរបស់សារព័ត៌មានថៃ បាងកកប៉ុស្តិ៍ ។
«យើងមិនអាចរំពឹងទទួលបានជំនួយសប្បុរសធម៌ ដូចអ្វីដែលយើងធ្លាប់ទទួលបានពីមុនឡើយ ។... អ្វី ដែលយើងត្រូវធ្វើនៅពេលនេះ នោះគឺ ពង្រឹងសមត្ថភាពឯករាជ្យដោយខ្លួនឯង ។ ប្រសិនបើយើង ចង់ប្រជែងជាមួយនឹងការវិនិយោគបរទេស ដូចជាឥណ្ឌា និងចិននោះ យើងត្រូវផ្តល់វិភាគទានដើម្បីជួយគ្នាទៅវិញទៅមក។» នេះបើយោងតាមប្រភពព័ត៌មានដដែល ។
លោកអតីតអគ្គលេខាធិកាសញ្ជាតិថៃរូបនេះ បានផ្តល់អនុសាសន៍ថា អាស៊ាន គួរតែបង្កើតឲ្យមានគំនិតផ្តួចផ្តើមសម្រាប់ការអភិវឌ្ឍមួយ ប្រមាណ ១០០ ប៊ីលាន ដុល្លារ ដែលត្រូវគ្រប់គ្រងដោយធនាគារអភិវឌ្ឍអាស៊ី ។ ហើយជំនួយនេះដែរ នឹងត្រូវប្រើប្រាស់សម្រាប់ប្រទេសទាំងឡាយណា ដែលត្រូវជំនួយបំផុតដើម្បីការអភិវឌ្ឍ៍ ។ តែលោក ក៏ទទួលស្គាល់ដែរថា កម្រិតនៃការអភិវឌ្ឍរបស់រដ្ឋអាស៊ាននៅមានកម្រិត ។
សូមជម្រាបផងដែរថា សមាជិកអាស៊ានទាំងអស់មានដូចជា ព្រុយណេ កម្ពុជា ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម ៕
ក្នុងវេទិការ អាស៊ាន៥០ឆ្នាំនៅក្រុងបាងកក ដែលប្រារព្ធឡើងនៅថ្ងៃ១៦ វិច្ឆកា លោកអតីតអគ្គលេខាធិការ បានថ្លែងថា អាស៊ានត្រូវតែបញ្ឈប់ពឹងផ្អែកលើជំនួយពីប្រទេសខាងក្រៅដើម្បីដោះស្រាយបញ្ហារបស់ខ្លួនឯង ។ នេះបើយោងតាមការចុះផ្សាយរបស់សារព័ត៌មានថៃ បាងកកប៉ុស្តិ៍ ។
«យើងមិនអាចរំពឹងទទួលបានជំនួយសប្បុរសធម៌ ដូចអ្វីដែលយើងធ្លាប់ទទួលបានពីមុនឡើយ ។... អ្វី ដែលយើងត្រូវធ្វើនៅពេលនេះ នោះគឺ ពង្រឹងសមត្ថភាពឯករាជ្យដោយខ្លួនឯង ។ ប្រសិនបើយើង ចង់ប្រជែងជាមួយនឹងការវិនិយោគបរទេស ដូចជាឥណ្ឌា និងចិននោះ យើងត្រូវផ្តល់វិភាគទានដើម្បីជួយគ្នាទៅវិញទៅមក។» នេះបើយោងតាមប្រភពព័ត៌មានដដែល ។
លោកអតីតអគ្គលេខាធិកាសញ្ជាតិថៃរូបនេះ បានផ្តល់អនុសាសន៍ថា អាស៊ាន គួរតែបង្កើតឲ្យមានគំនិតផ្តួចផ្តើមសម្រាប់ការអភិវឌ្ឍមួយ ប្រមាណ ១០០ ប៊ីលាន ដុល្លារ ដែលត្រូវគ្រប់គ្រងដោយធនាគារអភិវឌ្ឍអាស៊ី ។ ហើយជំនួយនេះដែរ នឹងត្រូវប្រើប្រាស់សម្រាប់ប្រទេសទាំងឡាយណា ដែលត្រូវជំនួយបំផុតដើម្បីការអភិវឌ្ឍ៍ ។ តែលោក ក៏ទទួលស្គាល់ដែរថា កម្រិតនៃការអភិវឌ្ឍរបស់រដ្ឋអាស៊ាននៅមានកម្រិត ។
សូមជម្រាបផងដែរថា សមាជិកអាស៊ានទាំងអស់មានដូចជា ព្រុយណេ កម្ពុជា ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម ៕
Tag:
អាស៊ាន
ថៃ
© រក្សាសិទ្ធិដោយ thmeythmey.com
