ជាតិ
នយោបាយជាតិ
គ.ជ.ប កំពុងពិនិត្យមើលផ្លូវច្បាប់ ក្នុងការបែងចែកអសនៈរដ្ឋសភា និងឃុំ-សង្កាត់ របស់CNRP
×![]()
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) កំពុងពិនិត្យមើលទិដ្ឋភាពច្បាប់មួយចំនួន ដើម្បីរៀបចំបែងចែកកៅអីរដ្ឋសភា និងក្រុមប្រឹក្សាឃុំ-សង្កាត់ របស់គណបក្សសង្គ្រោះជាតិ។ គណបក្សសង្គ្រោះជាតិ ត្រូវបានតុលាការកំពូលសម្រេចរំលាយបក្ស និងហាមថ្នាក់ដឹកនាំ១១៨នាក់ ធ្វើសកម្មភាពនយោបាយ៥ឆ្នាំ កាលពីថ្ងៃទី១៦ វិច្ឆិកា។
មកដល់ពេលនេះ គណៈកម្មាធិការជាតិរៀបចំការបោះឆ្នោត (គ.ជ.ប) មិនទាន់ទទួលបានសាលដីកាជាផ្លូវការពីតុលាការកំពូល ឬពីស្ថាប័នមានសមត្ថកិច្ចនោះទេ ដូច្នេះគ.ជ.ប ក៏មិនអាចបែងចែកអសនៈរដ្ឋសភា និងឃុំ-សង្កាត់ របស់គណបក្សសង្គ្រោះជាតិនៅឡើយ។ នេះការបញ្ជាក់របស់សមាជិកគ.ជ.ប លោក ឯម សូផាត ដែលបានបន្ថែមថា គ.ជ.ប ត្រូវអនុវត្តតាមផ្លូវច្បាប់ មុនសម្រេចបែងចែកអសនៈរបស់គណបក្សសង្គ្រោះជាតិ។
ឆ្លើយតបនឹងសំនួរអ្នកសារព័ត៌មាននៅក្នុងកិច្ចប្រជុំផ្សព្វផ្សាយជាមួយភាគីពាក់ព័ន្ធ នៅថ្ងៃទី១៧ វិច្ឆិកានេះ លោក ឯម សូផាត បានបញ្ជាក់ដូច្នេះថា៖«ចំពោះបញ្ហាចែកអសនៈ យើងកំពុងសិក្សា និងពិនិត្យក្នុងពេលឆាប់ៗនេះ នូវបទបញ្ជានីតិវិធីបន្ថែមនៃការអនុវត្តច្បាប់ស្តីពីវិសោធនកម្មច្បាប់ទាំងបី ដែលទាក់ទងនឹងការបោះឆ្នោតជ្រើសសមាជិកសភា ,ក្រុមប្រឹក្សាឃុំ-សង្កាត់ និងក្រុមប្រឹក្សារាជធានី-ខេត្ត ក្រុង ស្រុក ខណ្ឌ។ ហើយគជប ជាស្ថាប័នចែងក្នុងរដ្ឋធម្មនុញ្ញមែន ប៉ុន្តែជាស្ថាប័នអនុវត្តច្បាប់»។
បើតាមលោក ឯម សូផាត មេឃុំ-ចៅសង្កាត់ និងសមាជិកក្រុមប្រឹក្សាឃុំ-សង្កាត់ កូតាគណបក្សសង្គ្រោះជាតិ នៅតែអាចបន្តការងាររបស់ខ្លួនជាប្រក្រតី ដរាបណាមានការចេញលិខិតផ្លូវការរបស់ក្រសួងមហាផ្ទៃ ទាក់ទងនឹងសមាសភាពដែលដាក់ជំនួសមន្ត្រីរបស់ CNRP ដែលត្រូវបានរំលាយ។
ទាក់ទងនឹងកៅអីគណបក្សសង្គ្រោះជាតិនេះ ក្រសួងមហាផ្ទៃ បានស្នើអគ្គនាយកដ្ឋានរតនាគាជាតិ ឲ្យបង្កកប្រាក់ខែរបស់មន្ត្រីក្រុមប្រឹក្សាឃុំ/សង្កាត់ នៃគណបក្សសង្គ្រោះជាតិ នៅថ្ងៃទី១៧ ខែវិច្ឆិកានេះ ។ ក្រសួងមហាផ្ទៃ លើហេតុផលថា ការបង្កកប្រាក់ខែនេះដោយសារគណបក្សសង្គ្រោះជាតិត្រូវបានតុលាការកំពូលប្រកាសរំលាយជាស្ថាពរ កាលពីថ្ងៃទី១៦ ខែវិច្ឆិកា ឆ្នាំ២០១៧។
បើតាមសម្ដេចនាយករដ្ឋមន្ត្រី ហ៊ុន សែន ដែលបានថ្លែងកាលពីយប់ថ្ងៃទី១៦ វិច្ឆិកានេះ អាសនៈរបស់គណបក្សសង្គ្រោះជាតិ នឹងត្រូវបែងចែកទៅគណបក្សផ្សេង យ៉ាងយូរ២សប្តាហ៍ទៀត ទាំងអាសនៈក្នុងរដ្ឋសភា និងក្រុមប្រឹក្សាឃុំ-សង្កាត់។ ក្រៅពីប្រកាសអំពីកាលបរិច្ឆេទកំណត់ថ្ងៃបែងចែកអាសនៈបក្សសង្គ្រោះជាតិហើយនោះ សម្តេច ហ៊ុន សែន ក៏មិនភ្លេចបន្តអំពាវនាវដល់សកម្មជនបក្សសង្គ្រោះជាតិ ចូលរួមក្នុងគណបក្សនយោបាយរបស់សម្តេចដែរ។ សម្តេចបញ្ជាក់ថា ឱកាសនៅមានសម្រាប់សកម្មជនគណបក្សសង្គ្រោះជាតិ មុនថ្ងៃបែងចែកអាសនៈ ហើយពួកគេអាចនៅរក្សាដំណែងរបស់ខ្លួនគេជាដដែល។
មកដល់ពេលនេះ គណៈកម្មាធិការជាតិរៀបចំការបោះឆ្នោត (គ.ជ.ប) មិនទាន់ទទួលបានសាលដីកាជាផ្លូវការពីតុលាការកំពូល ឬពីស្ថាប័នមានសមត្ថកិច្ចនោះទេ ដូច្នេះគ.ជ.ប ក៏មិនអាចបែងចែកអសនៈរដ្ឋសភា និងឃុំ-សង្កាត់ របស់គណបក្សសង្គ្រោះជាតិនៅឡើយ។ នេះការបញ្ជាក់របស់សមាជិកគ.ជ.ប លោក ឯម សូផាត ដែលបានបន្ថែមថា គ.ជ.ប ត្រូវអនុវត្តតាមផ្លូវច្បាប់ មុនសម្រេចបែងចែកអសនៈរបស់គណបក្សសង្គ្រោះជាតិ។
ឆ្លើយតបនឹងសំនួរអ្នកសារព័ត៌មាននៅក្នុងកិច្ចប្រជុំផ្សព្វផ្សាយជាមួយភាគីពាក់ព័ន្ធ នៅថ្ងៃទី១៧ វិច្ឆិកានេះ លោក ឯម សូផាត បានបញ្ជាក់ដូច្នេះថា៖«ចំពោះបញ្ហាចែកអសនៈ យើងកំពុងសិក្សា និងពិនិត្យក្នុងពេលឆាប់ៗនេះ នូវបទបញ្ជានីតិវិធីបន្ថែមនៃការអនុវត្តច្បាប់ស្តីពីវិសោធនកម្មច្បាប់ទាំងបី ដែលទាក់ទងនឹងការបោះឆ្នោតជ្រើសសមាជិកសភា ,ក្រុមប្រឹក្សាឃុំ-សង្កាត់ និងក្រុមប្រឹក្សារាជធានី-ខេត្ត ក្រុង ស្រុក ខណ្ឌ។ ហើយគជប ជាស្ថាប័នចែងក្នុងរដ្ឋធម្មនុញ្ញមែន ប៉ុន្តែជាស្ថាប័នអនុវត្តច្បាប់»។
បើតាមលោក ឯម សូផាត មេឃុំ-ចៅសង្កាត់ និងសមាជិកក្រុមប្រឹក្សាឃុំ-សង្កាត់ កូតាគណបក្សសង្គ្រោះជាតិ នៅតែអាចបន្តការងាររបស់ខ្លួនជាប្រក្រតី ដរាបណាមានការចេញលិខិតផ្លូវការរបស់ក្រសួងមហាផ្ទៃ ទាក់ទងនឹងសមាសភាពដែលដាក់ជំនួសមន្ត្រីរបស់ CNRP ដែលត្រូវបានរំលាយ។
ទាក់ទងនឹងកៅអីគណបក្សសង្គ្រោះជាតិនេះ ក្រសួងមហាផ្ទៃ បានស្នើអគ្គនាយកដ្ឋានរតនាគាជាតិ ឲ្យបង្កកប្រាក់ខែរបស់មន្ត្រីក្រុមប្រឹក្សាឃុំ/សង្កាត់ នៃគណបក្សសង្គ្រោះជាតិ នៅថ្ងៃទី១៧ ខែវិច្ឆិកានេះ ។ ក្រសួងមហាផ្ទៃ លើហេតុផលថា ការបង្កកប្រាក់ខែនេះដោយសារគណបក្សសង្គ្រោះជាតិត្រូវបានតុលាការកំពូលប្រកាសរំលាយជាស្ថាពរ កាលពីថ្ងៃទី១៦ ខែវិច្ឆិកា ឆ្នាំ២០១៧។
អត្ថបទទាក់ទង
បើតាមសម្ដេចនាយករដ្ឋមន្ត្រី ហ៊ុន សែន ដែលបានថ្លែងកាលពីយប់ថ្ងៃទី១៦ វិច្ឆិកានេះ អាសនៈរបស់គណបក្សសង្គ្រោះជាតិ នឹងត្រូវបែងចែកទៅគណបក្សផ្សេង យ៉ាងយូរ២សប្តាហ៍ទៀត ទាំងអាសនៈក្នុងរដ្ឋសភា និងក្រុមប្រឹក្សាឃុំ-សង្កាត់។ ក្រៅពីប្រកាសអំពីកាលបរិច្ឆេទកំណត់ថ្ងៃបែងចែកអាសនៈបក្សសង្គ្រោះជាតិហើយនោះ សម្តេច ហ៊ុន សែន ក៏មិនភ្លេចបន្តអំពាវនាវដល់សកម្មជនបក្សសង្គ្រោះជាតិ ចូលរួមក្នុងគណបក្សនយោបាយរបស់សម្តេចដែរ។ សម្តេចបញ្ជាក់ថា ឱកាសនៅមានសម្រាប់សកម្មជនគណបក្សសង្គ្រោះជាតិ មុនថ្ងៃបែងចែកអាសនៈ ហើយពួកគេអាចនៅរក្សាដំណែងរបស់ខ្លួនគេជាដដែល។
Tag:
គជប
ឯម សូផាត
© រក្សាសិទ្ធិដោយ thmeythmey.com
