ជាតិ
AFD គ្រោងជំនួយជាង២៣៦លានដុល្លារ ឲ្យក្រសួងធនធានទឹក អភិវឌ្ឍគម្រោងស្ដារប្រព័ន្ធធារាសាស្ត្រ
រូបភាពពីហ្វេសប៊ុកក្រសួងធនធានទឹក
×![]()
ភ្នំពេញ៖ ទីភ្នាក់ងារបារាំងសម្រាប់ការអភិវឌ្ឍ (AFD) បានគ្រោងកញ្ចប់ជំនួយ ទឹកប្រាក់ប្រមាណ២០០លានអឺរ៉ូ ស្មើជាង ២៣៦ លានដុល្លារ ដល់ក្រសួងធនធានទឹក ដើម្បីអភិវឌ្ឍគម្រោងស្ដារហេដ្ឋារចនាសម្ព័ន្ធធារាសស្ត្រ និងព្រែកនាំដីល្បាប់នានា សម្រាប់ជំហ៊ានទី២។ គម្រោងនេះ មានរយៈពេល ៨ឆ្នាំ ចាប់ផ្តើមពីឆ្នាំ២០១៨ទៅ។
ការផ្ដល់ជំនួយជាង ២៣៥លានដុល្លារនេះ ធ្វើឡើងតាមរយៈជំនួបរវាង លោក Vatché PAPAZIAN នាយកគម្រោងទទួលបន្ទុកកសិកម្ម អភិវឌ្ឍន៍ជនបទ និងជីវចម្រុះ នៃទីភ្នាក់ងារបារាំងសម្រាប់ការអភិវឌ្ឍ(AFD) និងលោក លឹមគានហោ រដ្ឋមន្ត្រីក្រសួងធនធាទឹក។ នេះបើតាមហ្វេសប៊ុក ក្រសួងធនធានទឹក។
នៅក្នុងជំនួបនេះ លោក Vatché PAPAZIAN បញ្ជាក់ថា AFD បានគ្រោងកញ្ចប់ថវិកាប្រមាណ ២០០លានអឺរ៉ូ ស្មើនឹងជាង ២៣៥លានដុល្លារ ដែលជាគម្រោងជំហានទី២ នឹងត្រូវអនុវត្តសម្រាប់រយៈពេល៨ឆ្នាំ និងចាប់ផ្តើមពីឆ្នាំ២០១៨ តទៅ។ «គម្រោងជំហានទី២នេះ ត្រូវអនុវត្តក្នុងរយៈពេល៨ឆ្នាំ ចាប់ពីឆ្នាំ២០១៨ ដោយបែងចែកជា ៤ ដំណាក់កាល។ សម្រាប់ដំណាក់កាលទី១ (២០១៨-២០១៩) ក្រសួងធនធានទឹក នឹងមានកញ្ចប់ថវិកា ប្រមាណពី ៧១.៥ទៅ ៧៣.៥ លានអឺរ៉ូ សម្រាប់អនុវត្តន៍គម្រោង»។ នេះបើតាម លោក Vatché PAPAZIANដដែល។
ជាការឆ្លើយតប លោករដ្ឋមន្ត្រីក្រសួងធនធានទឹក បានវាយតម្លៃខ្ពស់ចំពោះបេសកកម្មរបស់ប្រតិភូ AFD នៅកម្ពុជា និងបានថ្លែងអំណរគុណ ចំពោះទីភ្នាក់ងារ AFD ដែលបានយកចិត្តទុកដាក់ ឧបត្ថម្ភគាំទ្រ ដល់ការអភិវឌ្ឍវិស័យធនធានទឹកនៅកម្ពុជា។
សូមបញ្ជាក់ថា លោក Vatché PAPAZIAN បានមកបំពេញទស្សនកិច្ច នៅកម្ពុជារយៈពេល ១០ថ្ងៃ ដើម្បីវាយតម្លៃទៅលើប្រព័ន្ធធារាសាស្ត្រ និងព្រែកនានាជំហានទី១ ដែលក្រសួងធនធានទឹក និងឧតុនិយម បានអនុវត្ត ក្រោមហិរញ្ញប្បទានពី AFD និងក៏បានវាយតម្លៃ លើទីតាំងគម្រោងថ្មី ដែលជាការអនុវត្តក្នុងជំហានទី២ ដែលនឹងចាបផ្តើមអនុវត្តនៅឆ្នាំ២០១៨ តទៅនេះដែរ៕
ការផ្ដល់ជំនួយជាង ២៣៥លានដុល្លារនេះ ធ្វើឡើងតាមរយៈជំនួបរវាង លោក Vatché PAPAZIAN នាយកគម្រោងទទួលបន្ទុកកសិកម្ម អភិវឌ្ឍន៍ជនបទ និងជីវចម្រុះ នៃទីភ្នាក់ងារបារាំងសម្រាប់ការអភិវឌ្ឍ(AFD) និងលោក លឹមគានហោ រដ្ឋមន្ត្រីក្រសួងធនធាទឹក។ នេះបើតាមហ្វេសប៊ុក ក្រសួងធនធានទឹក។
នៅក្នុងជំនួបនេះ លោក Vatché PAPAZIAN បញ្ជាក់ថា AFD បានគ្រោងកញ្ចប់ថវិកាប្រមាណ ២០០លានអឺរ៉ូ ស្មើនឹងជាង ២៣៥លានដុល្លារ ដែលជាគម្រោងជំហានទី២ នឹងត្រូវអនុវត្តសម្រាប់រយៈពេល៨ឆ្នាំ និងចាប់ផ្តើមពីឆ្នាំ២០១៨ តទៅ។ «គម្រោងជំហានទី២នេះ ត្រូវអនុវត្តក្នុងរយៈពេល៨ឆ្នាំ ចាប់ពីឆ្នាំ២០១៨ ដោយបែងចែកជា ៤ ដំណាក់កាល។ សម្រាប់ដំណាក់កាលទី១ (២០១៨-២០១៩) ក្រសួងធនធានទឹក នឹងមានកញ្ចប់ថវិកា ប្រមាណពី ៧១.៥ទៅ ៧៣.៥ លានអឺរ៉ូ សម្រាប់អនុវត្តន៍គម្រោង»។ នេះបើតាម លោក Vatché PAPAZIANដដែល។
ជាការឆ្លើយតប លោករដ្ឋមន្ត្រីក្រសួងធនធានទឹក បានវាយតម្លៃខ្ពស់ចំពោះបេសកកម្មរបស់ប្រតិភូ AFD នៅកម្ពុជា និងបានថ្លែងអំណរគុណ ចំពោះទីភ្នាក់ងារ AFD ដែលបានយកចិត្តទុកដាក់ ឧបត្ថម្ភគាំទ្រ ដល់ការអភិវឌ្ឍវិស័យធនធានទឹកនៅកម្ពុជា។
សូមបញ្ជាក់ថា លោក Vatché PAPAZIAN បានមកបំពេញទស្សនកិច្ច នៅកម្ពុជារយៈពេល ១០ថ្ងៃ ដើម្បីវាយតម្លៃទៅលើប្រព័ន្ធធារាសាស្ត្រ និងព្រែកនានាជំហានទី១ ដែលក្រសួងធនធានទឹក និងឧតុនិយម បានអនុវត្ត ក្រោមហិរញ្ញប្បទានពី AFD និងក៏បានវាយតម្លៃ លើទីតាំងគម្រោងថ្មី ដែលជាការអនុវត្តក្នុងជំហានទី២ ដែលនឹងចាបផ្តើមអនុវត្តនៅឆ្នាំ២០១៨ តទៅនេះដែរ៕
Tag:
លឹម គានហោ
Vatché PAPAZIAN
ជំនួយ
© រក្សាសិទ្ធិដោយ thmeythmey.com
