អន្តរជាតិ
×![]()
ដោយ: តន ចាន់រិទ្ធារ៉ា
រដ្ឋមន្ត្រីការបរទេសអាមេរិក រិច ធីល័រសិន បានទទូចឲ្យបណ្ដារដ្ឋអាហ្វ្រិកចាត់វិធានការបន្ថែមទៀតលើកូរ៉េខាងជើងដើម្បីបង្ខំឲ្យរដ្ឋកុម្មុយនីស្តមួយនេះបោះបង់មហិច្ឆតាអភិវឌ្ឍនុយក្លេអ៊ែររបស់ខ្លួន។ កូរ៉េខាងជើង ដែលរងគំនាបអន្តរជាតិជាច្រើនឆ្នាំមកហើយនោះ នៅមានសេសសល់មិត្តភក្តិមួយចំនួននៅអាហ្វ្រិក ប៉ុន្តែពេលនេះអាមេរិកក៏បានស្នើឲ្យប្រទេសនេះបែរខ្នង និងដាក់ទណ្ឌកម្មតាមការសម្រេចរបស់ក្រុមប្រឹក្សាសន្តិសុខ។
ចំពោះមុខសមភាគីមកពីតំបន់អាហ្វ្រិកជាង៣០ប្រទេស ប្រមុខការទូតអាមេរិក រិច ធីល័រសិន បាននិយាយថា វាជាបញ្ជាដែលប្រទេសទាំងអស់ដាក់ទណ្ឌកម្មលើរបបដែលបង្កអស្ថិរភាព។ ក្នុងជំនួបថ្ងៃទី១៧ ខែវិច្ឆិកា លោក ធីល័រសិន បញ្ជាក់ថា ប្រទេសទាំងអស់រួមទាំងប្រទេសបង្ហាញវត្តមាននៅអាមេរិកពេលនេះ ត្រូវតែបំពេញតួនាទីរបស់ខ្លួនក្នុងយុទ្ធនាការដាក់សម្ពាធលើកូរ៉េខាងជើងដើម្បីឲ្យរដ្ឋនេះជ្រើសរើសផ្លូវដែលល្អជាងនេះ។
ដូចបានដឹងស្រាប់ហើយ កូរ៉េខាងជើងកំពុងអភិវឌ្ឍកម្មវិធីនុយក្លេអ៊ែរ និងអាវុធរបស់ខ្លួន សំដៅផលិតមីស៊ីលដែលអាចបាញ់ដល់ទឹកដីអាមេរិក ដោយអះអាងថា នេះជាយុទ្ធសាស្ត្រទប់ទល់នយោបាយបង្ករឿងរបស់អាមេរិក។ ការប្រឈមមុខគ្នាកើនឡើងខ្ពស់ ក្រោយកូរ៉េខាងជើងបាញ់មីស៊ីលបាលីស្ទិកពីរគ្រាប់ក្នុងខែកក្កដា និងបានសាកល្បងគ្រាប់បែកអ៊ីដ្រូសែននៅខែកញ្ញា ដែលជាការធ្វើតេស្តលើកទី៦មកហើយ។
រដ្ឋបាលប្រធានាធិបតី ដូណាល់ ត្រាំ មិនសប្បាយចិត្តនឹងសកម្មភាពរបស់កូរ៉េខាងជើង ហើយបានដាក់ទណ្ឌកម្មឯកតោភាគីផង និងតាមយន្តការអង្គការសហប្រជាជាតិផងដើម្បីបញ្ឈប់មហិច្ឆតាក្រុងព្យុងយ៉ាង។ បើតាមទីភ្នាក់ងារព័ត៌មាន Yonhap លោក ធីល័រសិន បានប្រាប់រដ្ឋមន្ត្រីការបរទេសអាហ្វ្រិកថា ពួកគេគួរចាត់វិធាការផ្សេងៗលើកូរ៉េខាងជើងដូចជាការទម្លាក់ទំនាក់ទំនងការទូត ផ្អាកទំនាក់ទំនងពាណិជ្ជកម្ម បណ្ដេញពលករកូរ៉េខាងជើង និងតាមវិធីសាស្ត្រផ្សេងទៀត។
សព្វថ្ងៃនេះ របបក្រុងព្យុងយ៉ាងមានទំនាក់ទំនងយោធាជិតស្និទ្ធ និងទំនាក់ទំនងសេដ្ឋកិច្ចជាមួយប្រទេសមួយចំនួននៅអាហ្វ្រិកដូចជាអ៊ូហ្កង់ដា និងស៊ូដង់ជាដើម។ ស្ថិតក្រោមយុទ្ធនាការអន្តរជាតិ ប្រទេសអាហ្វ្រិកខ្លះក៏បានងាកចេញពីកូរ៉េខាងជើងជាបន្តបន្ទាប់ដែរ។ នៅថ្ងៃទី១៧ ខែវិច្ឆកា ក្រោយជួបជាមួយមន្ត្រីអាមេរិក មន្ត្រីទូតស៊ូដង់បានប្រកាសថា ខ្លួននឹងផ្អាករាល់ទំនាក់ទំនងទាំងអស់ជាមួយកូរ៉េខាងជើង។
ជាមួយគ្នានោះ ប្រមុខការទូតអាមេរិក ក៏ស្នើឲ្យប្រទេសទាំងអស់អនុវត្តឲ្យបានខ្ជាប់ខ្ជួននូវសេចក្ដីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិស្ដីពីបញ្ហាកូរ៉េខាងជើង។ ក្រោយសកម្មភាពព្រហើនជាបន្តបន្ទាប់របស់កូរ៉េខាងជើង ក្រុមប្រឹក្សាសន្តិសុខបានអនុម័តសេចក្ដីសម្រេចដើម្បីកាត់ផ្ដាច់ប្រភពហិរញ្ញវត្ថុរបស់កូរ៉េខាងជើង ប៉ុន្តែរដ្ឋមួយនេះនៅតែអះអាងថា ទណ្ឌកម្មមិនអាចបង្ខំឲ្យខ្លួនបោះបង់នុយក្លេអ៊ែរឡើយ៕
ចំពោះមុខសមភាគីមកពីតំបន់អាហ្វ្រិកជាង៣០ប្រទេស ប្រមុខការទូតអាមេរិក រិច ធីល័រសិន បាននិយាយថា វាជាបញ្ជាដែលប្រទេសទាំងអស់ដាក់ទណ្ឌកម្មលើរបបដែលបង្កអស្ថិរភាព។ ក្នុងជំនួបថ្ងៃទី១៧ ខែវិច្ឆិកា លោក ធីល័រសិន បញ្ជាក់ថា ប្រទេសទាំងអស់រួមទាំងប្រទេសបង្ហាញវត្តមាននៅអាមេរិកពេលនេះ ត្រូវតែបំពេញតួនាទីរបស់ខ្លួនក្នុងយុទ្ធនាការដាក់សម្ពាធលើកូរ៉េខាងជើងដើម្បីឲ្យរដ្ឋនេះជ្រើសរើសផ្លូវដែលល្អជាងនេះ។
ដូចបានដឹងស្រាប់ហើយ កូរ៉េខាងជើងកំពុងអភិវឌ្ឍកម្មវិធីនុយក្លេអ៊ែរ និងអាវុធរបស់ខ្លួន សំដៅផលិតមីស៊ីលដែលអាចបាញ់ដល់ទឹកដីអាមេរិក ដោយអះអាងថា នេះជាយុទ្ធសាស្ត្រទប់ទល់នយោបាយបង្ករឿងរបស់អាមេរិក។ ការប្រឈមមុខគ្នាកើនឡើងខ្ពស់ ក្រោយកូរ៉េខាងជើងបាញ់មីស៊ីលបាលីស្ទិកពីរគ្រាប់ក្នុងខែកក្កដា និងបានសាកល្បងគ្រាប់បែកអ៊ីដ្រូសែននៅខែកញ្ញា ដែលជាការធ្វើតេស្តលើកទី៦មកហើយ។
រដ្ឋបាលប្រធានាធិបតី ដូណាល់ ត្រាំ មិនសប្បាយចិត្តនឹងសកម្មភាពរបស់កូរ៉េខាងជើង ហើយបានដាក់ទណ្ឌកម្មឯកតោភាគីផង និងតាមយន្តការអង្គការសហប្រជាជាតិផងដើម្បីបញ្ឈប់មហិច្ឆតាក្រុងព្យុងយ៉ាង។ បើតាមទីភ្នាក់ងារព័ត៌មាន Yonhap លោក ធីល័រសិន បានប្រាប់រដ្ឋមន្ត្រីការបរទេសអាហ្វ្រិកថា ពួកគេគួរចាត់វិធាការផ្សេងៗលើកូរ៉េខាងជើងដូចជាការទម្លាក់ទំនាក់ទំនងការទូត ផ្អាកទំនាក់ទំនងពាណិជ្ជកម្ម បណ្ដេញពលករកូរ៉េខាងជើង និងតាមវិធីសាស្ត្រផ្សេងទៀត។
សព្វថ្ងៃនេះ របបក្រុងព្យុងយ៉ាងមានទំនាក់ទំនងយោធាជិតស្និទ្ធ និងទំនាក់ទំនងសេដ្ឋកិច្ចជាមួយប្រទេសមួយចំនួននៅអាហ្វ្រិកដូចជាអ៊ូហ្កង់ដា និងស៊ូដង់ជាដើម។ ស្ថិតក្រោមយុទ្ធនាការអន្តរជាតិ ប្រទេសអាហ្វ្រិកខ្លះក៏បានងាកចេញពីកូរ៉េខាងជើងជាបន្តបន្ទាប់ដែរ។ នៅថ្ងៃទី១៧ ខែវិច្ឆកា ក្រោយជួបជាមួយមន្ត្រីអាមេរិក មន្ត្រីទូតស៊ូដង់បានប្រកាសថា ខ្លួននឹងផ្អាករាល់ទំនាក់ទំនងទាំងអស់ជាមួយកូរ៉េខាងជើង។
ជាមួយគ្នានោះ ប្រមុខការទូតអាមេរិក ក៏ស្នើឲ្យប្រទេសទាំងអស់អនុវត្តឲ្យបានខ្ជាប់ខ្ជួននូវសេចក្ដីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិស្ដីពីបញ្ហាកូរ៉េខាងជើង។ ក្រោយសកម្មភាពព្រហើនជាបន្តបន្ទាប់របស់កូរ៉េខាងជើង ក្រុមប្រឹក្សាសន្តិសុខបានអនុម័តសេចក្ដីសម្រេចដើម្បីកាត់ផ្ដាច់ប្រភពហិរញ្ញវត្ថុរបស់កូរ៉េខាងជើង ប៉ុន្តែរដ្ឋមួយនេះនៅតែអះអាងថា ទណ្ឌកម្មមិនអាចបង្ខំឲ្យខ្លួនបោះបង់នុយក្លេអ៊ែរឡើយ៕
Tag:
អាមេរិក
អាហ្វ្រិក
កូរ៉េខាងជើង
© រក្សាសិទ្ធិដោយ thmeythmey.com
