អន្តរជាតិ
ប្រធានាធិបតីស៊ីមបាវ៉េ រ៉ូប៊ឺត មូហ្កាបេ ដែលរងសម្ពាធគ្រប់ទិសទី (រូបភាព៖ Xinhua)
×![]()
ដោយ: តន ចាន់រិទ្ធារ៉ា
មេដឹកនាំចាស់ជរារបស់ស៊ីមបាវ៉េ រ៉ូបឺត មូហ្កាបេ ដែលត្រូវយោធាឃុំខ្លួនក្នុងផ្ទះជាច្រើនថ្ងៃមកហើយនោះ បានបដិសេធចាកចេញពីកៅអីប្រធានាធិបតីដែលអង្គុយ៣៧ឆ្នាំមកហើយ។ ក្នុងសេចក្ដីថ្លែងការណ៍តាមទូរទស្សន៍ លោក មូហ្កាបេ និយាយថា ស៊ីមបាវ៉េ ត្រូវតែវិលត្រឡប់ទៅរកស្ថានភាពធម្មតាវិញ។ ប៉ុន្តែលោក មូហ្កាបេ បានបាត់ការគាំទ្រស្ទើរទាំងស្រុងទៅហើយ ព្រោះសូម្បីតែបក្សកាន់អំណាច Zanu-PF ក៏សម្រេចបញ្ចប់តំណែងប្រធានបក្សរបស់លោកស្រេចទៅហើយ។
ក្នុងកិច្ចប្រជុំរបស់ខ្លួន នៅថ្ងៃទី១៩ បក្សកាន់អំណាចនៅស៊ីមបាវ៉េ Zanu-PF បានបោះឆ្នោតទម្លាក់លោក រ៉ូប៊ឺត មូហ្កាបេ ចេញពីតំណែងប្រធានបក្ស។ ការបោះឆ្នោតនេះ សំឡេងអបអរក្អាកក្អាយបានផ្ទុះឡើងក្នុងកិច្ចប្រជុំ ជាមួយនឹងការរាំច្រៀង និងក្ដីរំពឹងថា លោក មូហ្កាបេ នឹងបោះបង់តំណែងប្រធានាធិបតីតាមសម្រួលមិនខាន។ មិនត្រឹមតែខ្លួនឯងឡើយ សូម្បីភរិយា ហ្គ្រេស មូហ្កាបេ ក៏អស់តំណែងក្នុងបក្សដែរ។
យ៉ាងណាមិញ លោក មូហ្កាបេ ដែលមានវ័យ៩៣ឆ្នាំទៅហើយនោះ បានទាត់ចោលការសម្រេចចិត្តរបស់បក្ស និងបានប្រកាសថា លោកនឹងមិនទៅណាឡើយ។ ប៉ុន្មានម៉ោងក្រោយត្រូវបានទម្លាក់ពីតំណែងប្រធានបក្ស លោកបានធ្វើថ្លែងការណ៍តាមកញ្ចក់ទូរទស្សន៍ តែមិនបាននិយាយអ្វីសោះទាក់ទងនឹងការលាលែងពីតំណែងប្រធានាធិបតី។ មន្ត្រីបក្សកាន់អំណាចម្នាក់និយាយថា លោក មូហ្កាបេ ទំនងមិនដឹងរឿងអ្វីទេ ទើបនិយាយបែបនេះ។
ក្នុងសុន្ទរកថា២០នាទី ប្រធានាធិបតីដែលទាមទារឯករាជ្យពីអង់គ្លេសរូបនេះ បានទទួលស្គាល់ពីការរិះគន់ពីសំណាក់បក្សកាន់អំណាច Zanu-PF យោធា និងប្រជាជនទូទៅ ប៉ុន្តែលោកអះអាងថា រឿងរ៉ាវកើតឡើងប៉ុន្មានថ្ងៃមកនេះ គ្មានឥទ្ធិពលលើលោកដែលជាប្រមុខរដ្ឋ និងប្រមុខរដ្ឋាភិបាលឡើយ។ លើសពីនោះ លោកក៏សន្យាដឹកនាំសន្និបាតបក្សនៅខែក្រោយដែរ ទោះជាទើបត្រូវបានបក្សទម្លាក់ពីតំណែងក្ដី។
ត្រូវចុះចេញត្រឹមថ្ងៃទី២០ បើមិនចង់បោះឆ្នោតទម្លាក់ដោយសភា
ក្រោយកិច្ចប្រជុំរបស់ខ្លួន បក្ស Zanu-PF បានទុកពេលឲ្យលោក មូហ្កាបេ ត្រឹមថ្ងៃទី២០ ខែវិច្ឆិកា ដើម្បីលាលែងពីតំណែងប្រធានាធិបតី បើមិនដូច្នោះទេនឹងត្រូវប្រឈមមុខការបោះឆ្នោតទម្លាក់នៅសភាមិនខាន។ ការដាក់លក្ខខណ្ឌបែបនេះ ជាជម្រើសមួយក្នុងការផ្ទេរអំណាចដោយសន្តិវិធី ព្រោះក្រុមយោធាលែងឈរខាងលោក មូហ្កាបេ ទៅហើយ ខណៈអតីតអនុប្រធានាធិបតីដែលត្រូវបណ្ដេញចេញ គឺលោក Emmerson Mnangagwa បានក្លាយជាមេដឹកនាំបក្សថ្មី។
បើតាមទីភ្នាក់ងារព័ត៌មាន Xinhua ក្នុងករណីលោក មូហ្កាបេ នៅតែក្រាញអំណាចទៀត ហើយមិនចុះចេញតាមសម្រួលនៅថ្ងៃទី២០ ទេ នោះដំណើការបោះឆ្នោតទម្លាក់លោកពីតំណែងនឹងចាប់ផ្ដើម ពេលសភាប្រជុំនៅថ្ងៃទី២១ តែម្ដង។ លោក Chris Mutsvangwa មេដឹកនាំចលនាយុទ្ធជនសង្គ្រាម អះអាងថា ផែនការទម្លាក់លោក មូហ្កាបេ នឹងត្រូវធ្វើឡើងដោយចៀសមិនរួច ហើយបាតុកម្មដ៏ធំមួយនឹងកើតមាននៅថ្ងៃទី២២ ខែវិច្ឆកាផងដែរ។
កាលពីចុងសប្ដាហ៍មុន ក្រុមបាតុករក្លៀវក្លារាប់ពាន់នាក់ដើរតាមវិថីនានាក្នុងរដ្ឋធានីហារ៉ារ៉េ ទាមទារឱ្យប្រធានាធិបតី មូហ្កាបេ ចុះចេញពីតំណែង។ ពួកគេកាន់បដាដែលមានសរសេរថា «មូហ្កាបេ ត្រូវចុះចេញពីតំណែង!» និងថា «មិនមែនជារដ្ឋប្រហារទេ ក៏ប៉ុន្តែជាការធ្វើឱ្យស្ថានការណ៍ត្រជាក់»។ បាតុករជាច្រើនបានបង្ហាញទឹកមុខសប្បាយរីករាយ និងចាត់ទុកព្រឹត្តិការណ៍កម្រនេះ ជាការរំដោះជាតិលើកទីពីរទៅទៀត។
ក្នុងកិច្ចប្រជុំរបស់ខ្លួន នៅថ្ងៃទី១៩ បក្សកាន់អំណាចនៅស៊ីមបាវ៉េ Zanu-PF បានបោះឆ្នោតទម្លាក់លោក រ៉ូប៊ឺត មូហ្កាបេ ចេញពីតំណែងប្រធានបក្ស។ ការបោះឆ្នោតនេះ សំឡេងអបអរក្អាកក្អាយបានផ្ទុះឡើងក្នុងកិច្ចប្រជុំ ជាមួយនឹងការរាំច្រៀង និងក្ដីរំពឹងថា លោក មូហ្កាបេ នឹងបោះបង់តំណែងប្រធានាធិបតីតាមសម្រួលមិនខាន។ មិនត្រឹមតែខ្លួនឯងឡើយ សូម្បីភរិយា ហ្គ្រេស មូហ្កាបេ ក៏អស់តំណែងក្នុងបក្សដែរ។
យ៉ាងណាមិញ លោក មូហ្កាបេ ដែលមានវ័យ៩៣ឆ្នាំទៅហើយនោះ បានទាត់ចោលការសម្រេចចិត្តរបស់បក្ស និងបានប្រកាសថា លោកនឹងមិនទៅណាឡើយ។ ប៉ុន្មានម៉ោងក្រោយត្រូវបានទម្លាក់ពីតំណែងប្រធានបក្ស លោកបានធ្វើថ្លែងការណ៍តាមកញ្ចក់ទូរទស្សន៍ តែមិនបាននិយាយអ្វីសោះទាក់ទងនឹងការលាលែងពីតំណែងប្រធានាធិបតី។ មន្ត្រីបក្សកាន់អំណាចម្នាក់និយាយថា លោក មូហ្កាបេ ទំនងមិនដឹងរឿងអ្វីទេ ទើបនិយាយបែបនេះ។
ក្នុងសុន្ទរកថា២០នាទី ប្រធានាធិបតីដែលទាមទារឯករាជ្យពីអង់គ្លេសរូបនេះ បានទទួលស្គាល់ពីការរិះគន់ពីសំណាក់បក្សកាន់អំណាច Zanu-PF យោធា និងប្រជាជនទូទៅ ប៉ុន្តែលោកអះអាងថា រឿងរ៉ាវកើតឡើងប៉ុន្មានថ្ងៃមកនេះ គ្មានឥទ្ធិពលលើលោកដែលជាប្រមុខរដ្ឋ និងប្រមុខរដ្ឋាភិបាលឡើយ។ លើសពីនោះ លោកក៏សន្យាដឹកនាំសន្និបាតបក្សនៅខែក្រោយដែរ ទោះជាទើបត្រូវបានបក្សទម្លាក់ពីតំណែងក្ដី។
ត្រូវចុះចេញត្រឹមថ្ងៃទី២០ បើមិនចង់បោះឆ្នោតទម្លាក់ដោយសភា
ក្រោយកិច្ចប្រជុំរបស់ខ្លួន បក្ស Zanu-PF បានទុកពេលឲ្យលោក មូហ្កាបេ ត្រឹមថ្ងៃទី២០ ខែវិច្ឆិកា ដើម្បីលាលែងពីតំណែងប្រធានាធិបតី បើមិនដូច្នោះទេនឹងត្រូវប្រឈមមុខការបោះឆ្នោតទម្លាក់នៅសភាមិនខាន។ ការដាក់លក្ខខណ្ឌបែបនេះ ជាជម្រើសមួយក្នុងការផ្ទេរអំណាចដោយសន្តិវិធី ព្រោះក្រុមយោធាលែងឈរខាងលោក មូហ្កាបេ ទៅហើយ ខណៈអតីតអនុប្រធានាធិបតីដែលត្រូវបណ្ដេញចេញ គឺលោក Emmerson Mnangagwa បានក្លាយជាមេដឹកនាំបក្សថ្មី។
បើតាមទីភ្នាក់ងារព័ត៌មាន Xinhua ក្នុងករណីលោក មូហ្កាបេ នៅតែក្រាញអំណាចទៀត ហើយមិនចុះចេញតាមសម្រួលនៅថ្ងៃទី២០ ទេ នោះដំណើការបោះឆ្នោតទម្លាក់លោកពីតំណែងនឹងចាប់ផ្ដើម ពេលសភាប្រជុំនៅថ្ងៃទី២១ តែម្ដង។ លោក Chris Mutsvangwa មេដឹកនាំចលនាយុទ្ធជនសង្គ្រាម អះអាងថា ផែនការទម្លាក់លោក មូហ្កាបេ នឹងត្រូវធ្វើឡើងដោយចៀសមិនរួច ហើយបាតុកម្មដ៏ធំមួយនឹងកើតមាននៅថ្ងៃទី២២ ខែវិច្ឆកាផងដែរ។
កាលពីចុងសប្ដាហ៍មុន ក្រុមបាតុករក្លៀវក្លារាប់ពាន់នាក់ដើរតាមវិថីនានាក្នុងរដ្ឋធានីហារ៉ារ៉េ ទាមទារឱ្យប្រធានាធិបតី មូហ្កាបេ ចុះចេញពីតំណែង។ ពួកគេកាន់បដាដែលមានសរសេរថា «មូហ្កាបេ ត្រូវចុះចេញពីតំណែង!» និងថា «មិនមែនជារដ្ឋប្រហារទេ ក៏ប៉ុន្តែជាការធ្វើឱ្យស្ថានការណ៍ត្រជាក់»។ បាតុករជាច្រើនបានបង្ហាញទឹកមុខសប្បាយរីករាយ និងចាត់ទុកព្រឹត្តិការណ៍កម្រនេះ ជាការរំដោះជាតិលើកទីពីរទៅទៀត។
Tag:
ស៊ីមបាវ៉េ
រ៉ូប៊ឺត មូហ្កាបេ
© រក្សាសិទ្ធិដោយ thmeythmey.com
