អន្តរជាតិ
មីយ៉ាន់ម៉ានិងបង់ក្លាដែសគាំទ្រគំនិតចិនដើម្បីដោះស្រាយវិបត្តិរ៉ូហ៊ីងយ៉ា
រដ្ឋមន្ត្រីការបរទេសចិន វ៉ាង យី ជួបជាមួយរដ្ឋមន្រ្តីការបរទេសមីយ៉ាន់ម៉ា អ៊ុងសាន ស៊ូជី (រូបភាព៖ Xinhua)
×![]()
ដោយ: តន ចាន់រិទ្ធារ៉ា
ចិនបានលើកសំណើមួយដែលមានបីដំណាក់កាលដើម្បីដោះស្រាយបញ្ហាជនភៀសខ្លួនរ៉ូហ៊ីងយ៉ា ដែលភៀសខ្លួនពីអំពើហិង្សានៅរដ្ឋ Rakhine ទៅកាន់ទឹកដីបង់ក្លាដែស ដោយចាប់ផ្ដើមពីបទឈប់បាញ់មុនគេ។ រដ្ឋមន្ត្រីការបរទេសចិន វ៉ាង យី បានលើកឡើងបែបនេះ ក្នុងទស្សនកិច្ចនៅមីយ៉ាន់ម៉ា ហើយបើតាមលោក វ៉ាង យី ដំណាក់កាលទីមួយមានស្រាប់រួចហើយ ឯមីយ៉ាន់ម៉ា និងបង់ក្លាដែស ក៏គាំទ្រគំនិតរបស់ចិនដែរ។
ចេញពីបង់ក្លាដែស រដ្ឋមន្ត្រីការបរទេសចិន វ៉ាង យី បានទៅដល់មីយ៉ាន់ម៉ានៅថ្ងៃទី១៩ ខែវិច្ឆិកា។ លោក វ៉ាង យី បានជួបជាមួយសមភាគីមីយ៉ាន់ម៉ា អ៊ុងសាន ស៊ូជី ដើម្បីពិភាក្សាទំនាក់ទំនងទ្វេភាគី និងដំណោះស្រាយវិបត្តិរ៉ូហ៊ីងយ៉ា។ លោក វ៉ាង បានប្រាប់លោកស្រី ស៊ូជី ថា វិបត្តិមួយនេះអាចត្រូវបានដោះស្រាយតាមរយៈការពិភាក្សាផ្ទាល់រវាងមីយ៉ាន់ម៉ា និងបង់ក្លាដែស ឯអន្តរជាតិជាអ្នកសម្រួលបរិយាកាសទូទៅសម្រាប់ការចរចា។
ក្នុងសន្និសីទសារព័ត៌មានរួមក្នុងរដ្ឋធានីណៃពិដោ ប្រមុខការទូតចិនបានប្រាប់លោកស្រី ស៊ូជី ពីជំហររបស់បង់ក្លាដែសដែលសន្យាបន្តការចរចាទ្វេភាគីលើបញ្ហានេះ។ លោក វ៉ាង និយាយថា វិបត្តិរ៉ូហ៊ីងយ៉ា ជាបញ្ហាស្មុគស្មាញ ជាប់ពាក់ព័ន្ធប្រវត្តិសាស្ត្រ ពូជសាសន៍ និងសាសនា ដែលចាំបាច់ត្រូវការដោះស្រាយបន្ទាន់ផង និងរយៈពេលវែងផង។ ហេតុនេះ ប្រមុខការទូតចិនបានស្នើដំណោះស្រាយមានបីដំណាក់កាលដើម្បីបញ្ចប់បញ្ហា។
ទីភ្នាក់ងារព័ត៌មានចិន Xinhua ផ្សាយថា ដំណាក់កាលដំបូងនៃច្រកចេញវិបត្តិមនុស្សធម៌នេះ គឺជាការឈប់បាញ់។ ត្រង់ចំណុចនេះ លោក វ៉ាង អះអាងថា បទឈប់បាញ់មានរួចអស់ហើយ ចំណែកការងារសំខាន់ គឺធ្វើយ៉ាងណាកុំឲ្យការប្រយុទ្ធកើតឡើងទៀត។ ជនមូស្លីមរ៉ូហ៊ីងយ៉ាងច្រើនជាងកន្លះលាននាក់ រត់គេចទៅកាន់ជំរំនៅបង់ក្លាដែស ព្រោះការប៉ះទង្គិចរវាងយោធាមីយ៉ាន់ម៉ា និងក្រុមឧទ្ទាមបានកើតឡើងខ្លាំង ឯក្រុមយោធាក៏មិនប្រណីដៃអ្វីដែរក្នុងយុទ្ធនាការហិង្សារបស់ខ្លួននោះ។
ចំពោះដំណាក់កាលទីពីរវិញ រដ្ឋមន្ត្រីការបរទេសចិនលើកឡើងថា មីយ៉ាន់ម៉ា និងបង់ក្លាដែសត្រូវស្វែងរកដំណោះស្រាយណាមួយដែលអាចអនុវត្តបាន ហើយសហគមន៍អន្តរជាតិមានតួនាទីជួយបង្កើតបរិយាកាសសមស្របឲ្យភាគីទាំងពីរ។ ក្នុងន័យនេះ ក្រុងប៉េកាំងទំនងចង់ឲ្យប្រទេសផ្សេងនៅស្ងៀមសិន ជាជាងលូកដៃខុសបរិបទ ដែលអាចធ្វើឲ្យការចរចាល្អក់កករ ព្រោះក្រុងណៃពិដោ និងក្រុងដាក្កា ទើបសម្រេចបានកិច្ចព្រមព្រៀងដំបូងស្ដីការធ្វើមាតុភូមិនិវត្តន៍ជនភៀសខ្លួនរ៉ូហ៊ីងយ៉ា។
ដំណាក់កាលចុងក្រោយនៃគំនិតផ្ដួចផ្ដើមរបស់ចិន គឺការអភិវឌ្ឍតំបន់រងគ្រោះ ដែលប្រើប្រាស់ពេលវេលាយូរ និងធនធានជាច្រើន។ នៅដំណាក់កាលនេះ ការកាត់បន្ថយភាពក្រីក្រី ដែលជាឬសគល់នៃបញ្ហា គឺជាអាទិភាពសំខាន់ ហើយចិនបានស្នើឲ្យអន្តរជាតិជួយមីយ៉ាន់ម៉ាលើបញ្ហានេះ ខណៈខ្លួនក៏ត្រៀមជួយដូចគ្នាដែរ។ Rakhine ជារដ្ឋក្រីក្រមួយរបស់មីយ៉ាន់ម៉ា ដែលសម្បូរដោយជនមូស្លីម តែមិនទទួលបានការយកចិត្តទុកដាក់ពីរដ្ឋាភិបាលដូចជនជាតិផ្សេងឡើយ៕
ចេញពីបង់ក្លាដែស រដ្ឋមន្ត្រីការបរទេសចិន វ៉ាង យី បានទៅដល់មីយ៉ាន់ម៉ានៅថ្ងៃទី១៩ ខែវិច្ឆិកា។ លោក វ៉ាង យី បានជួបជាមួយសមភាគីមីយ៉ាន់ម៉ា អ៊ុងសាន ស៊ូជី ដើម្បីពិភាក្សាទំនាក់ទំនងទ្វេភាគី និងដំណោះស្រាយវិបត្តិរ៉ូហ៊ីងយ៉ា។ លោក វ៉ាង បានប្រាប់លោកស្រី ស៊ូជី ថា វិបត្តិមួយនេះអាចត្រូវបានដោះស្រាយតាមរយៈការពិភាក្សាផ្ទាល់រវាងមីយ៉ាន់ម៉ា និងបង់ក្លាដែស ឯអន្តរជាតិជាអ្នកសម្រួលបរិយាកាសទូទៅសម្រាប់ការចរចា។
ក្នុងសន្និសីទសារព័ត៌មានរួមក្នុងរដ្ឋធានីណៃពិដោ ប្រមុខការទូតចិនបានប្រាប់លោកស្រី ស៊ូជី ពីជំហររបស់បង់ក្លាដែសដែលសន្យាបន្តការចរចាទ្វេភាគីលើបញ្ហានេះ។ លោក វ៉ាង និយាយថា វិបត្តិរ៉ូហ៊ីងយ៉ា ជាបញ្ហាស្មុគស្មាញ ជាប់ពាក់ព័ន្ធប្រវត្តិសាស្ត្រ ពូជសាសន៍ និងសាសនា ដែលចាំបាច់ត្រូវការដោះស្រាយបន្ទាន់ផង និងរយៈពេលវែងផង។ ហេតុនេះ ប្រមុខការទូតចិនបានស្នើដំណោះស្រាយមានបីដំណាក់កាលដើម្បីបញ្ចប់បញ្ហា។
ទីភ្នាក់ងារព័ត៌មានចិន Xinhua ផ្សាយថា ដំណាក់កាលដំបូងនៃច្រកចេញវិបត្តិមនុស្សធម៌នេះ គឺជាការឈប់បាញ់។ ត្រង់ចំណុចនេះ លោក វ៉ាង អះអាងថា បទឈប់បាញ់មានរួចអស់ហើយ ចំណែកការងារសំខាន់ គឺធ្វើយ៉ាងណាកុំឲ្យការប្រយុទ្ធកើតឡើងទៀត។ ជនមូស្លីមរ៉ូហ៊ីងយ៉ាងច្រើនជាងកន្លះលាននាក់ រត់គេចទៅកាន់ជំរំនៅបង់ក្លាដែស ព្រោះការប៉ះទង្គិចរវាងយោធាមីយ៉ាន់ម៉ា និងក្រុមឧទ្ទាមបានកើតឡើងខ្លាំង ឯក្រុមយោធាក៏មិនប្រណីដៃអ្វីដែរក្នុងយុទ្ធនាការហិង្សារបស់ខ្លួននោះ។
ចំពោះដំណាក់កាលទីពីរវិញ រដ្ឋមន្ត្រីការបរទេសចិនលើកឡើងថា មីយ៉ាន់ម៉ា និងបង់ក្លាដែសត្រូវស្វែងរកដំណោះស្រាយណាមួយដែលអាចអនុវត្តបាន ហើយសហគមន៍អន្តរជាតិមានតួនាទីជួយបង្កើតបរិយាកាសសមស្របឲ្យភាគីទាំងពីរ។ ក្នុងន័យនេះ ក្រុងប៉េកាំងទំនងចង់ឲ្យប្រទេសផ្សេងនៅស្ងៀមសិន ជាជាងលូកដៃខុសបរិបទ ដែលអាចធ្វើឲ្យការចរចាល្អក់កករ ព្រោះក្រុងណៃពិដោ និងក្រុងដាក្កា ទើបសម្រេចបានកិច្ចព្រមព្រៀងដំបូងស្ដីការធ្វើមាតុភូមិនិវត្តន៍ជនភៀសខ្លួនរ៉ូហ៊ីងយ៉ា។
ដំណាក់កាលចុងក្រោយនៃគំនិតផ្ដួចផ្ដើមរបស់ចិន គឺការអភិវឌ្ឍតំបន់រងគ្រោះ ដែលប្រើប្រាស់ពេលវេលាយូរ និងធនធានជាច្រើន។ នៅដំណាក់កាលនេះ ការកាត់បន្ថយភាពក្រីក្រី ដែលជាឬសគល់នៃបញ្ហា គឺជាអាទិភាពសំខាន់ ហើយចិនបានស្នើឲ្យអន្តរជាតិជួយមីយ៉ាន់ម៉ាលើបញ្ហានេះ ខណៈខ្លួនក៏ត្រៀមជួយដូចគ្នាដែរ។ Rakhine ជារដ្ឋក្រីក្រមួយរបស់មីយ៉ាន់ម៉ា ដែលសម្បូរដោយជនមូស្លីម តែមិនទទួលបានការយកចិត្តទុកដាក់ពីរដ្ឋាភិបាលដូចជនជាតិផ្សេងឡើយ៕
Tag:
ចិន
មីយ៉ាន់ម៉ា
បង់ក្លាដែស
រ៉ូហ៊ីងយ៉ា
© រក្សាសិទ្ធិដោយ thmeythmey.com
