អន្តរជាតិ
ជនភៀសខ្លួនរ៉ូហ៊ីងយ៉ាបន្តភៀសខ្លួនទៅបង់ក្លាដែស។ រូបថត UNHCR Andrew McConnell
×![]()
បើទោះបីជារដ្ឋាភិបាលមីយ៉ាន់ម៉ា បានអះអាងថា ស្ថានភាពនៅក្នុងរដ្ឋ Rakhine បានមានស្ថិរភាពឡើងវិញហើយក៏ដោយ នៅតែមានជនភៀសខ្លួនជនជាតិរ៉ូហ៊ីងយ៉ារាប់ពាន់នាក់ បានបន្តភៀសខ្លួនទៅកាន់បង់ក្លាដែសដដែល ។ ពួកគេ ត្រូវធ្វើដំណើរជាមួយនឹងមធ្យោបាយដ៏គ្រោះថ្នាក់ដើម្បីទៅដល់បង់ក្លាដែស ។
« ដោយសារមិនមានលទ្ធភាពក្នុងការបង់ថ្លៃលើការឆ្លងកាត់ច្រកព្រំដែន ជនភៀសខ្លួនរាប់ពាន់នាក់ (ពីរដ្ឋRakhine របស់មីយ៉ាន់ម៉ា) បានធ្វើក្បូនអំពីឬស្សី និងកំប៉ុងផ្លាស្ទីក ដើម្បីជាមធ្យោបាយសម្រាប់ជិះឆ្លងកាត់ទន្លេដើម្បីទៅដល់បង់ក្លាដែស។» នេះគឺជាការអះអាងរបស់ភ្នាក់ងារជនភៀសខ្លួនអង្គការសហប្រជាជាតិ នៅចុងសប្តាហ៍មុន ។
តាមការអះអាងរបស់អ្នកនាំពាក្យការិយាល័យអង្គការសហប្រជាជាតិទទួលជនភៀសខ្លួន លោក William Spindler គិតចាប់ពីមានការវាយប្រហារគ្នានៅក្នុងរដ្ឋRakhine នៅចុងខែសីហាមក មានជនភៀសខ្លួនជាងមួយរយនាក់ហើយ បានលិចលង់ ដោយការធ្វើដំណើរតាមទូក និងក្បូនក្នុងដំណើរមកកាន់បង់ក្លាដែស ។
លោក បានឲ្យដឹងដែរថា ដើម្បីធ្វើដំណើរពីមីយ៉ាន់ម៉ា ទៅបង់ក្លាដែស ត្រូវចំណាយពេលរាប់គីឡូម៉ែតឯណោះ ។ ជាមួយគ្នានេះ អ្នកនាំពាក្យដដែលនោះ ក៏បានបញ្ជាក់ពីតួលេខចុងក្រោយនៃជនភៀសខ្លួនថា មកទល់ពេលនេះ មានជនភសៀខ្លួនប្រមាណ ៦២០,០០០ នាក់ហើយ បានភៀសខ្លួនពីមីយ៉ាន់ម៉ា មកកាន់បង់ក្លាដែស ។
សូមជ្រាបដែរថា ថ្មីៗនេះ ស្ថាប័នក្រោមអង្គការសហការសហប្រជាជាតិ ដែលរួមមាន មហាសន្និបាត និងក្រុមប្រឹក្សាសន្តិសុខ និងរួមទាំងអគ្គលេខាធិការអង្គការសហប្រជាជាតិផងដែរនោះ បានចេញសេចក្តីថ្លែងការណ៍ និងសេចក្តីសម្រេចជាបន្តបន្ទាប់ដើម្បីទាមទារឲ្យអាជ្ញាធរមីយ៉ាន់ម៉ាបញ្ចប់ហិង្សា និងធានាឲ្យបានការពារសិទ្ធិមនុស្សដល់ជនរងគ្រោះនៅក្នុងរដ្ឋ Rakhine ។
តបជាមួយនឹងការបន្ទោស និងសេចក្តីថ្លែងការណ៍នានាដែលជាសម្ពាធរបស់សហគមន៍អន្តរជាតិ រដ្ឋាភិបាលក្រុងណៃពិដោរ ក៏បានអះអាងដែរថា ស្ថានភាពរងការប៉ះពាល់បានល្អប្រសើរវិញហើយ ។ ជាងនេះទៅទៀត មីយ៉ាន់ម៉ា ក៏បានសុំចិត្តឲ្យសហគមន៍អន្តរជាតិ ផ្តល់លទ្ធភាពឲ្យខ្លួនដើម្បីដោះស្រាយបញ្ហា ដែលជាក់ស្តែងនោះ មីយ៉ាន់ម៉ា កំពុងតែចរចាជាមួយនឹងបង់ក្លាដែសដើម្បីបញ្ជូនជនភៀសខ្លួនមកកាន់តំបន់ដើមវិញផងដែរ ៕
« ដោយសារមិនមានលទ្ធភាពក្នុងការបង់ថ្លៃលើការឆ្លងកាត់ច្រកព្រំដែន ជនភៀសខ្លួនរាប់ពាន់នាក់ (ពីរដ្ឋRakhine របស់មីយ៉ាន់ម៉ា) បានធ្វើក្បូនអំពីឬស្សី និងកំប៉ុងផ្លាស្ទីក ដើម្បីជាមធ្យោបាយសម្រាប់ជិះឆ្លងកាត់ទន្លេដើម្បីទៅដល់បង់ក្លាដែស។» នេះគឺជាការអះអាងរបស់ភ្នាក់ងារជនភៀសខ្លួនអង្គការសហប្រជាជាតិ នៅចុងសប្តាហ៍មុន ។
តាមការអះអាងរបស់អ្នកនាំពាក្យការិយាល័យអង្គការសហប្រជាជាតិទទួលជនភៀសខ្លួន លោក William Spindler គិតចាប់ពីមានការវាយប្រហារគ្នានៅក្នុងរដ្ឋRakhine នៅចុងខែសីហាមក មានជនភៀសខ្លួនជាងមួយរយនាក់ហើយ បានលិចលង់ ដោយការធ្វើដំណើរតាមទូក និងក្បូនក្នុងដំណើរមកកាន់បង់ក្លាដែស ។
លោក បានឲ្យដឹងដែរថា ដើម្បីធ្វើដំណើរពីមីយ៉ាន់ម៉ា ទៅបង់ក្លាដែស ត្រូវចំណាយពេលរាប់គីឡូម៉ែតឯណោះ ។ ជាមួយគ្នានេះ អ្នកនាំពាក្យដដែលនោះ ក៏បានបញ្ជាក់ពីតួលេខចុងក្រោយនៃជនភៀសខ្លួនថា មកទល់ពេលនេះ មានជនភសៀខ្លួនប្រមាណ ៦២០,០០០ នាក់ហើយ បានភៀសខ្លួនពីមីយ៉ាន់ម៉ា មកកាន់បង់ក្លាដែស ។
សូមជ្រាបដែរថា ថ្មីៗនេះ ស្ថាប័នក្រោមអង្គការសហការសហប្រជាជាតិ ដែលរួមមាន មហាសន្និបាត និងក្រុមប្រឹក្សាសន្តិសុខ និងរួមទាំងអគ្គលេខាធិការអង្គការសហប្រជាជាតិផងដែរនោះ បានចេញសេចក្តីថ្លែងការណ៍ និងសេចក្តីសម្រេចជាបន្តបន្ទាប់ដើម្បីទាមទារឲ្យអាជ្ញាធរមីយ៉ាន់ម៉ាបញ្ចប់ហិង្សា និងធានាឲ្យបានការពារសិទ្ធិមនុស្សដល់ជនរងគ្រោះនៅក្នុងរដ្ឋ Rakhine ។
តបជាមួយនឹងការបន្ទោស និងសេចក្តីថ្លែងការណ៍នានាដែលជាសម្ពាធរបស់សហគមន៍អន្តរជាតិ រដ្ឋាភិបាលក្រុងណៃពិដោរ ក៏បានអះអាងដែរថា ស្ថានភាពរងការប៉ះពាល់បានល្អប្រសើរវិញហើយ ។ ជាងនេះទៅទៀត មីយ៉ាន់ម៉ា ក៏បានសុំចិត្តឲ្យសហគមន៍អន្តរជាតិ ផ្តល់លទ្ធភាពឲ្យខ្លួនដើម្បីដោះស្រាយបញ្ហា ដែលជាក់ស្តែងនោះ មីយ៉ាន់ម៉ា កំពុងតែចរចាជាមួយនឹងបង់ក្លាដែសដើម្បីបញ្ជូនជនភៀសខ្លួនមកកាន់តំបន់ដើមវិញផងដែរ ៕
Tag:
រ៉ូហ៊ីងយ៉ា
មីយ៉ាន់ម៉ា
UN
© រក្សាសិទ្ធិដោយ thmeythmey.com
