ជាតិ
នយោបាយជាតិ
×![]()
ដោយ: ម៉ៅ សុផា
ភ្នំពេញ៖ រដ្ឋាភិបាលកម្ពុជា ក្រោមការដឹកនាំរបស់សម្តេច ហ៊ុន សែន ទប់ទល់នឹងសម្ពាធអន្តរជាតិ មិនបានយូរនោះទេ ហើយចុងក្រោយ ត្រូវតែបង្ខំចិត្ត កែលម្អស្ថានការណ៍នយោបាយ ដោយអនុញ្ញាតឲ្យគណបក្សសង្គ្រោះជាតិ ដំណើរឡើងវិញ ដើម្បីបានចូលរួមការបោះឆ្នោតក្នុងឆ្នាំ២០១៨។ លោក សម រង្ស៊ី អតីតប្រធានគណបក្សសង្គ្រោះជាតិ យល់ឃើញដូច្នេះ ស្របពេលសម្តេច ហ៊ុន សែន ប្រកាសខ្លាំងៗថា មិនបារម្ភពីសម្ពាធនិងការផ្តាច់ជំនួយរបស់បរទេស។ 
សម្រាប់លោក សម រង្ស៊ី គណបក្សសង្គ្រោះជាតិដែលមាននិមិត្តសញ្ញាព្រះអាទិត្យ មិនទាន់បាត់រូបពីប្រទេសកម្ពុជានោះទេ ហើយក៏មិនទាន់អស់ផ្លូវដើរដែរ ទោះជាត្រូវតុលាការកំពូល ប្រកាសរំលាយចោល ដោយបិទផ្លូវតវ៉ាក៏ដោយ។ លោក សន្និដ្ឋានថា យ៉ាងយូររយៈពេលបីខែទៀត ដំណោះស្រាយអំពីបញ្ហានយោបាយនៅកម្ពុជា នឹងកើតមានឡើង ហើយនឹងអាចឲ្យគណបក្សសង្គ្រោះជាតិ លេចរូបរាងឡើងវិញ។
អតីតប្រធានគណបក្សសង្គ្រោះជាតិរូបនេះ ថែមទាំងហ៊ានប្រកាសសាជាថ្មីទៀតថា ក្នុងអំឡុងបីខែនេះ លោក និងតំណាងរាស្ត្រ រួមទាំងសហការីមួយចំនួន ដែលកំពុងគេចខ្លួនទៅក្រៅប្រទេស នឹងអាចវិលមកកម្ពុជា ដើម្បីចាប់ផ្តើមបំផុសចលនាក្នុងគណបក្សសង្គ្រោះជាតិ ឲ្យងើបឡើងវិញ។ លោក មើលឃើញស្ថានការណ៍នយោបាយថា នឹងអាចប្រែប្រួលទៅរកភាពល្អប្រសើរបែបនេះ ដោយសំអាងលើសម្ពាធអន្តរជាតិ។
លោក សម រង្ស៊ី លើកឡើងថា សម្តេចនាយករដ្ឋមន្ត្រី ហ៊ុន សែន ក៏ដូចជារដ្ឋាភិបាលកម្ពុជា មិនអាចអត់ទ្រាំនឹងសម្ពាធពីសហគមន៍អន្តរជាតិបានទេ។ លោក សង្កត់ធ្ងន់ថា ការផ្តាច់ជំនួយ និងការដាក់សម្ភាធតាមទម្រង់ផ្សេងៗរបស់សហគមន៍អន្តរជាតិ នឹងជំរុញឲ្យរដ្ឋាភិបាលកម្ពុជា ខិតខំរកដំណោះស្រាយណាមួយជាមិនខាន។
ក្នុងវេទិកាមួយ ក្នុងទីក្រុងម៉ុងរេអាល់ ប្រទេសកាណាដា ដែលរៀបចំឡើងកាលពីថ្ងៃទី១៩ ខែវិច្ឆិកា ឆ្នាំ២0១៧ លោក សម រង្ស៊ី បាននិយាយយ៉ាងដូច្នេះថា៖«ឲ្យតែសម្ពាធអន្តរជាតិ ឈានទៅដល់ការដាក់ទណ្ឌកម្មជាក់ស្តែង នាំមកនូវផលវិបាកសម្រាប់លោក ហ៊ុន សែន ពេលនោះ លោក ហ៊ុន សែន ដឹងខ្លួន នឹងមានដំណោះស្រាយហើយ។ ពេលហ្នឹង យើង ជាថ្នាក់ដឹកនាំគណបក្សសង្គ្រោះជាតិ នឹងត្រឡប់ទៅប្រទេសកម្ពុជាវិញ។ ទៅជួបជាមួយសកម្មជនយើង ទៅបង្កើត បំផុសបំផុល គណបក្សសង្គ្រោះជាតិឡើងវិញ ដើម្បីចូលរួមក្នុងការបោះឆ្នោត»។
គណបក្សសង្គ្រោះជាតិ អាចមានច្រកចេញ ហើយកើតឡើងម្តងទៀត តាមរបៀបណានោះ ពុំមានការបញ្ជាក់ពីលោក សម រង្ស៊ី ឡើយ។ ប៉ុន្តែ លោក អះអាងថា ការបោះឆ្នោតក្នុងឆ្នាំ២០១៨ មិនអាចអវត្តមានគណបក្សសង្គ្រោះជាតិបានទេ។ លោក បន្តថា ប្រសិនបើគណបក្សសង្គ្រោះជាតិ មិនបានចូលរួមក្នុងការបោះឆ្នោត រដ្ឋាភិបាលកម្ពុជា នឹងមិនមានភាពស្របច្បាប់ ហើយសហគមន៍អន្តរជាតិ ក៏មិនទទួលស្គាល់ដែរ។
ក្រោយតុលាការកំពូល រំលាយគណបក្សសង្គ្រោះជាតិ កាលពីថ្ងៃទី១៦ ខែវិច្ឆិកា ឆ្នាំ២០១៧ សហគមន៍អន្តរជាតិនានា បានព្រមានដាក់សម្ពាធមកលើរដ្ឋាភិបាកកម្ពុជា ដោយមានសហរដ្ឋអាមេរិក ជាអ្នកចេញមុខមុនគេ។ សហរដ្ឋអាមេរិក សង្កត់ធ្ងន់ថា ខ្លួន នឹងផ្តាច់ជំនួយលើការបោះឆ្នោតនៅកម្ពុជា។ ប្រទេសមហាអំណាចមួយនេះ ថែមទាំងប្រកាសមិនទទួលស្គាល់ការបោះឆ្នោតផងដែរ ប្រសិនបើរដ្ឋាភិបាលកម្ពុជា មិនធ្វើឲ្យស្ថានការណ៍ វិលទៅប្រក្រតីភាព ឲ្យបានមុនការបោះឆ្នោតក្នុងឆ្នាំ២០១៨។
យ៉ាងណាក៏ដោយ ការដាក់សម្ពាធ និងការផ្តាច់ជំនួយរបស់សហគមន៍អន្តរជាតិ មិនអាចកម្លាចសម្តេច ហ៊ុន សែន ក្នុងនាមប្រមុខរដ្ឋាភិបាលកម្ពុជា នោះទេ។ ក្នុងពិធីជួបសំណេះសំណាលជាមួយកម្មករ-កម្មការិនី កាលពីថ្ងៃទី១៩ ខែវិច្ឆិកា ឆ្នាំ២0១៧ សម្តេច ហ៊ុន សែន បានប្រតិកម្មនឹងសហគមន៍អន្តរជាតិ ដោយសំដៅលើសហរដ្ឋអាមេរិកខ្លាំងជាងគេ ជុំវិញការព្រមានដាក់សម្ពាធនិងផ្តាច់ជំនួយមកលើកម្ពុជា។
ដោយមិនខ្លាចចំពោះការព្រមានខាងលើ សម្តេច ហ៊ុន សែន បានជំរុញឲ្យអាមេរិក ផ្តាច់ជំនួយ មកកម្ពុជាទាំងអស់តែម្តង។ ប្រមុខរដ្ឋាភិបាល សង្កត់ធ្ងន់ៗយ៉ាងដូច្នេះថា៖«មិនអាចឱនក្បាល ធ្វើឲ្យបាត់ឯករាជ្យ អធិបតេយ្យជាតិ គ្រាន់តែចង់បានជំនួយតិចតួចនោះទេ»។
ក្រោយគណបក្សសង្គ្រោះជាតិ ត្រូវបានរំលាយ លោក សម រង្ស៊ី ហាក់ខិតខំយ៉ាងខ្លាំង ក្នុងការឃោសនាពីយុទ្ធសាស្ត្រនិងគោលជំហររបស់គណបក្សសង្គ្រោះជាតិ ទៅកាន់អ្នកគាំទ្រ នៅក្រៅប្រទេស។ ប៉ុន្មានថ្ងៃនេះ លោក សម រង្ស៊ី រួមទាំងសហការីរបស់លោក បានធ្វើដំណើរទៅកាន់បណ្តាប្រទេសនានាជាបន្តបន្ទាប់ ដើម្បីធ្វើវេទិកាសាធារណៈ និងការជួបជុំជាមួយអ្នកគាំទ្រ។ ពីបរទេស លោក នៅតែអំពាវនាវដដែលៗ មកកាន់មន្ត្រីនិងសមាជិកក្រុមប្រឹក្សាឃុំ-សង្កាត់នៃគណបក្សសង្គ្រោះជាតិ ឲ្យសាមគ្គីគ្នា ហើយរក្សាជំហរឲ្យបានរឹងមាំ ដោយមិនត្រូវទៅចុះចូលជាមួយគណបក្សប្រជាជនកម្ពុជា ឡើយ។
ពីប្រទេសមួយទៅប្រទេសមួយ លោក សម រង្ស៊ី មិនដែលភ្លេចនោះទេ ក្នុងការនិយាយថា គណបក្សសង្គ្រោះជាតិ នៅតែមានធរមាន និងដំណើរការដោយស្របច្បាប់ នៅក្នុងប្រទេសកម្ពុជា។ លោកអះអាងថា គណបក្សសង្គ្រោះជាតិ ត្រូវបានរំលាយលចោល តែនៅលើក្រដាស់តែប៉ុណ្ណោះ។
ទោះជាលោក សម រង្ស៊ី រួមទាំងសហការីរបស់លោក អះអាងពីក្រៅប្រទេសបែបនេះក្តី ប៉ុន្តែ អតីតមន្ត្រីគណបក្សសង្គ្រោះជាតិទាំងអស់ ដែលកំពុងមានវត្តមាននៅកម្ពុជា ហាក់ស្ងប់ស្ងាត់ទៅៗ ដោយគេពុំបានឃើញសកម្មភាពអ្វីទាល់តែសោះ ចាប់តាំងពីថ្ងៃទី១៦ ខែវិច្ឆិកា មក។
គណបក្សសង្គ្រោះជាតិ បានសេចក្តីថ្លែងការណ៍តែម្តងប៉ុណ្ណោះ ដោយប្រកាសមិនទទួលស្គាល់ ដែលខ្លួន ត្រូវបានរំលាយចោល ក្រោមអំណាចនៃសាលដីកាបិទផ្លូវតវ៉ារបស់តុលាការកំពូល។ មន្ត្រីរដ្ឋាភិបាលកម្ពុជា ព្រមានថា អតីតមន្ត្រីគណបក្សសង្គ្រោះជាតិ អាចប្រឈមនឹងផ្លូវច្បាប់ ប្រសិនបើពួកគេ នៅតែបន្តធ្វើសកម្មភាព និងដឹកនាំគណបក្សសង្គ្រោះជាតិ ដែលត្រូវបានតុលាការកំពូលរំលាយចោល ហើយក្រសួងមហាផ្ទៃ លុបឈ្មោះចេញពីបញ្ជីហើយនោះ៕
សម្រាប់លោក សម រង្ស៊ី គណបក្សសង្គ្រោះជាតិដែលមាននិមិត្តសញ្ញាព្រះអាទិត្យ មិនទាន់បាត់រូបពីប្រទេសកម្ពុជានោះទេ ហើយក៏មិនទាន់អស់ផ្លូវដើរដែរ ទោះជាត្រូវតុលាការកំពូល ប្រកាសរំលាយចោល ដោយបិទផ្លូវតវ៉ាក៏ដោយ។ លោក សន្និដ្ឋានថា យ៉ាងយូររយៈពេលបីខែទៀត ដំណោះស្រាយអំពីបញ្ហានយោបាយនៅកម្ពុជា នឹងកើតមានឡើង ហើយនឹងអាចឲ្យគណបក្សសង្គ្រោះជាតិ លេចរូបរាងឡើងវិញ។
អតីតប្រធានគណបក្សសង្គ្រោះជាតិរូបនេះ ថែមទាំងហ៊ានប្រកាសសាជាថ្មីទៀតថា ក្នុងអំឡុងបីខែនេះ លោក និងតំណាងរាស្ត្រ រួមទាំងសហការីមួយចំនួន ដែលកំពុងគេចខ្លួនទៅក្រៅប្រទេស នឹងអាចវិលមកកម្ពុជា ដើម្បីចាប់ផ្តើមបំផុសចលនាក្នុងគណបក្សសង្គ្រោះជាតិ ឲ្យងើបឡើងវិញ។ លោក មើលឃើញស្ថានការណ៍នយោបាយថា នឹងអាចប្រែប្រួលទៅរកភាពល្អប្រសើរបែបនេះ ដោយសំអាងលើសម្ពាធអន្តរជាតិ។
លោក សម រង្ស៊ី លើកឡើងថា សម្តេចនាយករដ្ឋមន្ត្រី ហ៊ុន សែន ក៏ដូចជារដ្ឋាភិបាលកម្ពុជា មិនអាចអត់ទ្រាំនឹងសម្ពាធពីសហគមន៍អន្តរជាតិបានទេ។ លោក សង្កត់ធ្ងន់ថា ការផ្តាច់ជំនួយ និងការដាក់សម្ភាធតាមទម្រង់ផ្សេងៗរបស់សហគមន៍អន្តរជាតិ នឹងជំរុញឲ្យរដ្ឋាភិបាលកម្ពុជា ខិតខំរកដំណោះស្រាយណាមួយជាមិនខាន។
ក្នុងវេទិកាមួយ ក្នុងទីក្រុងម៉ុងរេអាល់ ប្រទេសកាណាដា ដែលរៀបចំឡើងកាលពីថ្ងៃទី១៩ ខែវិច្ឆិកា ឆ្នាំ២0១៧ លោក សម រង្ស៊ី បាននិយាយយ៉ាងដូច្នេះថា៖«ឲ្យតែសម្ពាធអន្តរជាតិ ឈានទៅដល់ការដាក់ទណ្ឌកម្មជាក់ស្តែង នាំមកនូវផលវិបាកសម្រាប់លោក ហ៊ុន សែន ពេលនោះ លោក ហ៊ុន សែន ដឹងខ្លួន នឹងមានដំណោះស្រាយហើយ។ ពេលហ្នឹង យើង ជាថ្នាក់ដឹកនាំគណបក្សសង្គ្រោះជាតិ នឹងត្រឡប់ទៅប្រទេសកម្ពុជាវិញ។ ទៅជួបជាមួយសកម្មជនយើង ទៅបង្កើត បំផុសបំផុល គណបក្សសង្គ្រោះជាតិឡើងវិញ ដើម្បីចូលរួមក្នុងការបោះឆ្នោត»។
គណបក្សសង្គ្រោះជាតិ អាចមានច្រកចេញ ហើយកើតឡើងម្តងទៀត តាមរបៀបណានោះ ពុំមានការបញ្ជាក់ពីលោក សម រង្ស៊ី ឡើយ។ ប៉ុន្តែ លោក អះអាងថា ការបោះឆ្នោតក្នុងឆ្នាំ២០១៨ មិនអាចអវត្តមានគណបក្សសង្គ្រោះជាតិបានទេ។ លោក បន្តថា ប្រសិនបើគណបក្សសង្គ្រោះជាតិ មិនបានចូលរួមក្នុងការបោះឆ្នោត រដ្ឋាភិបាលកម្ពុជា នឹងមិនមានភាពស្របច្បាប់ ហើយសហគមន៍អន្តរជាតិ ក៏មិនទទួលស្គាល់ដែរ។
អត្ថបទទាក់ទង
ក្រោយតុលាការកំពូល រំលាយគណបក្សសង្គ្រោះជាតិ កាលពីថ្ងៃទី១៦ ខែវិច្ឆិកា ឆ្នាំ២០១៧ សហគមន៍អន្តរជាតិនានា បានព្រមានដាក់សម្ពាធមកលើរដ្ឋាភិបាកកម្ពុជា ដោយមានសហរដ្ឋអាមេរិក ជាអ្នកចេញមុខមុនគេ។ សហរដ្ឋអាមេរិក សង្កត់ធ្ងន់ថា ខ្លួន នឹងផ្តាច់ជំនួយលើការបោះឆ្នោតនៅកម្ពុជា។ ប្រទេសមហាអំណាចមួយនេះ ថែមទាំងប្រកាសមិនទទួលស្គាល់ការបោះឆ្នោតផងដែរ ប្រសិនបើរដ្ឋាភិបាលកម្ពុជា មិនធ្វើឲ្យស្ថានការណ៍ វិលទៅប្រក្រតីភាព ឲ្យបានមុនការបោះឆ្នោតក្នុងឆ្នាំ២០១៨។
យ៉ាងណាក៏ដោយ ការដាក់សម្ពាធ និងការផ្តាច់ជំនួយរបស់សហគមន៍អន្តរជាតិ មិនអាចកម្លាចសម្តេច ហ៊ុន សែន ក្នុងនាមប្រមុខរដ្ឋាភិបាលកម្ពុជា នោះទេ។ ក្នុងពិធីជួបសំណេះសំណាលជាមួយកម្មករ-កម្មការិនី កាលពីថ្ងៃទី១៩ ខែវិច្ឆិកា ឆ្នាំ២0១៧ សម្តេច ហ៊ុន សែន បានប្រតិកម្មនឹងសហគមន៍អន្តរជាតិ ដោយសំដៅលើសហរដ្ឋអាមេរិកខ្លាំងជាងគេ ជុំវិញការព្រមានដាក់សម្ពាធនិងផ្តាច់ជំនួយមកលើកម្ពុជា។
ដោយមិនខ្លាចចំពោះការព្រមានខាងលើ សម្តេច ហ៊ុន សែន បានជំរុញឲ្យអាមេរិក ផ្តាច់ជំនួយ មកកម្ពុជាទាំងអស់តែម្តង។ ប្រមុខរដ្ឋាភិបាល សង្កត់ធ្ងន់ៗយ៉ាងដូច្នេះថា៖«មិនអាចឱនក្បាល ធ្វើឲ្យបាត់ឯករាជ្យ អធិបតេយ្យជាតិ គ្រាន់តែចង់បានជំនួយតិចតួចនោះទេ»។
ក្រោយគណបក្សសង្គ្រោះជាតិ ត្រូវបានរំលាយ លោក សម រង្ស៊ី ហាក់ខិតខំយ៉ាងខ្លាំង ក្នុងការឃោសនាពីយុទ្ធសាស្ត្រនិងគោលជំហររបស់គណបក្សសង្គ្រោះជាតិ ទៅកាន់អ្នកគាំទ្រ នៅក្រៅប្រទេស។ ប៉ុន្មានថ្ងៃនេះ លោក សម រង្ស៊ី រួមទាំងសហការីរបស់លោក បានធ្វើដំណើរទៅកាន់បណ្តាប្រទេសនានាជាបន្តបន្ទាប់ ដើម្បីធ្វើវេទិកាសាធារណៈ និងការជួបជុំជាមួយអ្នកគាំទ្រ។ ពីបរទេស លោក នៅតែអំពាវនាវដដែលៗ មកកាន់មន្ត្រីនិងសមាជិកក្រុមប្រឹក្សាឃុំ-សង្កាត់នៃគណបក្សសង្គ្រោះជាតិ ឲ្យសាមគ្គីគ្នា ហើយរក្សាជំហរឲ្យបានរឹងមាំ ដោយមិនត្រូវទៅចុះចូលជាមួយគណបក្សប្រជាជនកម្ពុជា ឡើយ។
ពីប្រទេសមួយទៅប្រទេសមួយ លោក សម រង្ស៊ី មិនដែលភ្លេចនោះទេ ក្នុងការនិយាយថា គណបក្សសង្គ្រោះជាតិ នៅតែមានធរមាន និងដំណើរការដោយស្របច្បាប់ នៅក្នុងប្រទេសកម្ពុជា។ លោកអះអាងថា គណបក្សសង្គ្រោះជាតិ ត្រូវបានរំលាយលចោល តែនៅលើក្រដាស់តែប៉ុណ្ណោះ។
ទោះជាលោក សម រង្ស៊ី រួមទាំងសហការីរបស់លោក អះអាងពីក្រៅប្រទេសបែបនេះក្តី ប៉ុន្តែ អតីតមន្ត្រីគណបក្សសង្គ្រោះជាតិទាំងអស់ ដែលកំពុងមានវត្តមាននៅកម្ពុជា ហាក់ស្ងប់ស្ងាត់ទៅៗ ដោយគេពុំបានឃើញសកម្មភាពអ្វីទាល់តែសោះ ចាប់តាំងពីថ្ងៃទី១៦ ខែវិច្ឆិកា មក។
គណបក្សសង្គ្រោះជាតិ បានសេចក្តីថ្លែងការណ៍តែម្តងប៉ុណ្ណោះ ដោយប្រកាសមិនទទួលស្គាល់ ដែលខ្លួន ត្រូវបានរំលាយចោល ក្រោមអំណាចនៃសាលដីកាបិទផ្លូវតវ៉ារបស់តុលាការកំពូល។ មន្ត្រីរដ្ឋាភិបាលកម្ពុជា ព្រមានថា អតីតមន្ត្រីគណបក្សសង្គ្រោះជាតិ អាចប្រឈមនឹងផ្លូវច្បាប់ ប្រសិនបើពួកគេ នៅតែបន្តធ្វើសកម្មភាព និងដឹកនាំគណបក្សសង្គ្រោះជាតិ ដែលត្រូវបានតុលាការកំពូលរំលាយចោល ហើយក្រសួងមហាផ្ទៃ លុបឈ្មោះចេញពីបញ្ជីហើយនោះ៕
© រក្សាសិទ្ធិដោយ thmeythmey.com
