ជាតិ
×![]()
សៀមរាប៖ រាជរដ្ឋាភិបាលកម្ពុជា បានសម្រេចបង្កើតក្រុមការងារចម្រុះមួយ ដើម្បីរៀបចំពិធីបួងសួងចម្រើនសេចក្តីសុខជូនព្រះរាជាណាចក្រកម្ពុជា នៅមុខប្រាសាទអង្គរវត្ត។ ពិធីនេះគ្រោងធ្វើនៅថ្ងៃទី២-៣ ខែធ្នូ ឆ្នាំ២០១៧។
នៅព្រឹកថ្ងៃទី២១ វិច្ឆិកា លោកស្រី ម៉ែន សំអន ឧបនាយករដ្ឋមន្ត្រី រដ្ឋមន្ត្រីទំនាក់ទំនងជាមួយព្រឹទ្ធសភា រដ្ឋសភា និងអធិការកិច្ច បានដឹកនាំក្រុមការងារ ដើម្បីពិនិត្យមើលទីតាំងត្រូវរៀបចំពិធី។ លោកស្រីបានប្រាប់ក្រុមអ្នកសារព័ត៌មានថា ពិធីនេះធ្វើឡើងដើម្បីបួងសួងចម្រើនសេចក្តីសុខជូនដល់ព្រះរាជាណាចក្រកម្ពុជា និងប្រជាពលរដ្ឋគ្រប់រូប។ លើសពីនេះ បំណងសំខាន់នៃការរៀបចំពិធីនេះ ក៏ដើម្បីដឹងគុណដល់បុព្វបុរសខ្មែរ ដែលបានសាងសង់អង្គរ និងប្រាង្គប្រាសាទបុរាណរាប់ពាន់ទៀត សម្រាប់ទុកជូនកូនចៅជំនាន់ក្រោយនេះ។
តាមការបញ្ជាក់របស់រដ្ឋមន្ត្រីទំនាក់ទំនងជាមួយព្រឹទ្ធសភា រដ្ឋសភា និងអធិការកិច្ច ពិធីនេះនឹង មានការចូលរួមពីប្រមុខរាជរដ្ឋាភិបាលកម្ពុជា សម្តេច ហ៊ុន សែន ថ្នាក់ដឹកនាំគ្រប់លំដាប់ថ្នាក់ ប្រជាពលរដ្ឋ និងព្រះសង្ឃរាប់បាតចំនួន ៥០០០អង្គផងដែរ។ លោកស្រី ម៉ែន សំអន បានអំពាវនាវដល់ថ្នាក់ដឹកនាំ មន្ត្រីរាជការ ប្រជាពលរដ្ឋ ឱ្យចូលរួមក្នុងពិធីដ៏មានសារសំខាន់ នេះ ដើម្បីទទួលបានកុសលបុណ្យរៀងៗខ្លួន។
អមដំណើរក្នុងពិធីចុះពិនិត្យទីតាំងរៀបចំពិធីបួងសួងនោះដែរ គេសង្កេតឃើញមានថ្នាក់ដឹកនាំ មួយចំនួនរួមមាន ប្រធានអាជ្ញាធរជាតិអប្សរា លោកស្រី ភឿង សកុណា អគ្គនាយក លោក ស៊ុំ ម៉ាប់ រួមនិងអភិបាលខេត្តសៀមរាប លោក ឃឹម ប៊ុនសុង។ គណកម្មការរៀបចំ បានសម្តែង យកចិត្តទុកដាក់ខ្ពស់ ដើម្បីឱ្យពិធីនេះប្រព្រឹត្តិទៅដោយរលូន ព្រោះថា ពិធីនេះធ្វើឡើងនៅថ្ងៃ តែមួយ ជាមួយកម្មវិធី ជិះកង់ដើម្បីកុមារ និងទិវារត់ប្រណាំងម៉ារ៉ាតុង នៅថ្ងៃទី២ និងទី៣ ខែធ្នូ ឆ្នាំ២០១៧។ កម្លាំងសន្តិសុខ ត្រូវគេរំពឹងថា នឹងមានចំនួនច្រើន ដើម្បីការពារក្នុងពិធីនេះ។
គួរបញ្ជាក់ថា កម្មវិធីនឹងចាប់ផ្តើមនៅព្រឹកថ្ងៃទី២ ដោយមានរៀបចំពិធីប្រុងពាលី នៅលើក្តារបែន និងថ្ងៃទី៣ គឺជាពិធីបួងសួង នៅច្រកចូលខាងកើត ឬលើស្ពានហាល ដែលគេកំពុងជួសជុល៕
នៅព្រឹកថ្ងៃទី២១ វិច្ឆិកា លោកស្រី ម៉ែន សំអន ឧបនាយករដ្ឋមន្ត្រី រដ្ឋមន្ត្រីទំនាក់ទំនងជាមួយព្រឹទ្ធសភា រដ្ឋសភា និងអធិការកិច្ច បានដឹកនាំក្រុមការងារ ដើម្បីពិនិត្យមើលទីតាំងត្រូវរៀបចំពិធី។ លោកស្រីបានប្រាប់ក្រុមអ្នកសារព័ត៌មានថា ពិធីនេះធ្វើឡើងដើម្បីបួងសួងចម្រើនសេចក្តីសុខជូនដល់ព្រះរាជាណាចក្រកម្ពុជា និងប្រជាពលរដ្ឋគ្រប់រូប។ លើសពីនេះ បំណងសំខាន់នៃការរៀបចំពិធីនេះ ក៏ដើម្បីដឹងគុណដល់បុព្វបុរសខ្មែរ ដែលបានសាងសង់អង្គរ និងប្រាង្គប្រាសាទបុរាណរាប់ពាន់ទៀត សម្រាប់ទុកជូនកូនចៅជំនាន់ក្រោយនេះ។
តាមការបញ្ជាក់របស់រដ្ឋមន្ត្រីទំនាក់ទំនងជាមួយព្រឹទ្ធសភា រដ្ឋសភា និងអធិការកិច្ច ពិធីនេះនឹង មានការចូលរួមពីប្រមុខរាជរដ្ឋាភិបាលកម្ពុជា សម្តេច ហ៊ុន សែន ថ្នាក់ដឹកនាំគ្រប់លំដាប់ថ្នាក់ ប្រជាពលរដ្ឋ និងព្រះសង្ឃរាប់បាតចំនួន ៥០០០អង្គផងដែរ។ លោកស្រី ម៉ែន សំអន បានអំពាវនាវដល់ថ្នាក់ដឹកនាំ មន្ត្រីរាជការ ប្រជាពលរដ្ឋ ឱ្យចូលរួមក្នុងពិធីដ៏មានសារសំខាន់ នេះ ដើម្បីទទួលបានកុសលបុណ្យរៀងៗខ្លួន។
អមដំណើរក្នុងពិធីចុះពិនិត្យទីតាំងរៀបចំពិធីបួងសួងនោះដែរ គេសង្កេតឃើញមានថ្នាក់ដឹកនាំ មួយចំនួនរួមមាន ប្រធានអាជ្ញាធរជាតិអប្សរា លោកស្រី ភឿង សកុណា អគ្គនាយក លោក ស៊ុំ ម៉ាប់ រួមនិងអភិបាលខេត្តសៀមរាប លោក ឃឹម ប៊ុនសុង។ គណកម្មការរៀបចំ បានសម្តែង យកចិត្តទុកដាក់ខ្ពស់ ដើម្បីឱ្យពិធីនេះប្រព្រឹត្តិទៅដោយរលូន ព្រោះថា ពិធីនេះធ្វើឡើងនៅថ្ងៃ តែមួយ ជាមួយកម្មវិធី ជិះកង់ដើម្បីកុមារ និងទិវារត់ប្រណាំងម៉ារ៉ាតុង នៅថ្ងៃទី២ និងទី៣ ខែធ្នូ ឆ្នាំ២០១៧។ កម្លាំងសន្តិសុខ ត្រូវគេរំពឹងថា នឹងមានចំនួនច្រើន ដើម្បីការពារក្នុងពិធីនេះ។
គួរបញ្ជាក់ថា កម្មវិធីនឹងចាប់ផ្តើមនៅព្រឹកថ្ងៃទី២ ដោយមានរៀបចំពិធីប្រុងពាលី នៅលើក្តារបែន និងថ្ងៃទី៣ គឺជាពិធីបួងសួង នៅច្រកចូលខាងកើត ឬលើស្ពានហាល ដែលគេកំពុងជួសជុល៕
Tag:
ពិធីបួងសួង
អង្គរវត្ត
© រក្សាសិទ្ធិដោយ thmeythmey.com
