អន្តរជាតិ
ពូទីន ជួបអាសាដ មុនជួបមេដឹកនាំតួកគីនិងអ៊ីរ៉ង់ពិភាក្សាសំណុំរឿងស៊ីរី
ប្រធានាធិបតីរុស្ស៊ី វ្ល៉ាឌីមៀ ពូទីន ចាប់ដៃស្វាគមន៍សមភាគីស៊ីរី បាសា អាល់អាសាដ (រូបភាពពីគេហទំព័រប្រធានាធិបតីរុស្ស៊ី)
×![]()
ដោយ: តន ចាន់រិទ្ធារ៉ា
ប្រធានាធិបតីរុស្ស៊ី វ្ល៉ាឌីមៀ ពូទីន បានជួបជាមួយប្រធានាធិបតីស៊ីរី បាសា អាល់អាសាដ (Bashar al-Assad) ដោយបានពិភាក្សាពីដំណោះស្រាយនយោបាយសម្រាប់ជម្លោះស៊ីរី។ មេដឹកនាំរុស្ស៊ីបានប្រាប់សមភាគីស៊ីរីថា យុទ្ធនាការប្រឆាំងក្រុមភេរវកម្មនៅស៊ីរីខិតជិតដល់ទីបញ្ចប់ហើយ។ ជំនួបទ្វេភាគីនេះ ធ្វើឡើងមួយថ្ងៃ មុនជំនួបត្រីភាគីរវាងប្រធានាធិបតីរុស្ស៊ី-តួកគី-អ៊ីរ៉ង់ លើរបៀបវារៈជម្លោះរ៉ាំរ៉ៃនៅស៊ីរីនេះដែរ។
មេដឹកនាំរុស្ស៊ី វ្ល៉ាឌីមៀ ពូទីន បានស្វាគមន៍សមភាគីស៊ីរី បាសា អាល់អាសាដ នៅឯរមណីយដ្ឋានសមុទ្រខ្មៅក្នុងទីក្រុងស៊ូជី នៅថ្ងៃទី២០ ខែវិច្ឆិកា។ នេះជាទស្សនកិច្ចក្រៅប្រទេសលើកទីពីររបស់លោក អាសាដ ចាប់តាំងពីជម្លោះក្នុងស្រុកកើតឡើងមក ខណៈដែលទស្សនកិច្ចលើកទីមួយក៏ធ្វើឡើងនៅរុស្ស៊ីនេះដែរ។ ការប្រឆាំងភេរវកម្ម និងដំណោះស្រាយនយោបាយសម្រាប់ជម្លោះស៊ីរី ជាប្រធានសំខាន់នៃជំនួបនេះ។ នេះបើតាមការប្រកាសរបស់វិមានក្រេមឡាំង។
ប្រមុខរដ្ឋស៊ីរី លោក អាសាដ បានអរគុណរុស្ស៊ីដែលបានជួយសង្គ្រោះប្រទេសរបស់លោក និងការគាំទ្រស៊ីរីរហូតមក។ បើតាមការប្រកាសរបស់វិមានក្រេមឡាំងនៅថ្ងៃទី២១ ខែវិច្ឆិកា លោក អាសាដ ក៏បង្ហាញជំហរត្រៀមខ្លួនដើម្បីចូលតុចរចាជាមួយគ្រប់ភាគីទាំងអស់ដែលចង់ដោះស្រាយជម្លោះដែលឈានចូលឆ្នាំទី៧ទៅហើយនោះ។ យើងត្រៀមខ្លួនដើម្បីពិភាក្សារកដំណោះស្រាយ តែមិនមែនជាការលូកលាន់កិច្ចផ្ទៃក្នុងស៊ីរីទេ។ នេះជាការបញ្ជាក់របស់លោក អាសាដ ។
សារព័ត៌មានរុស្ស៊ី RT ផ្សាយថា ប្រធានាធិបតី ពូទីន បានសរសើរមេដឹកនាំស៊ីរីជុំវិញប្រតិបត្តិការប្រឆាំងក្រុមភេរវកម្ម ដែលទទួលបានលទ្ធផលគួរជាទីគាប់ចិត្ត។ ក្នុងជំនួបជាងបួនម៉ោងនេះដែរ លោក ពូទីន បានលើកឡើងដែរថា ការពិភាក្សានៅក្រុងអាស្តាណា បានរួមចំណែកច្រើនក្នុងការដោះស្រាយជម្លោះនេះ ហើយវាក្លាយជាវេទិកាដែលអនុញ្ញាតឲ្យភាគីទាំងអស់ជួបទល់មុខដើម្បីរកច្រកចេញ ជាពិសេសជាមួយក្រុមឧទ្ទាមប្រឆាំងតែម្ដង។
រុស្ស៊ីបានប្រឡូកចូលវិបត្តិនៅស៊ីរី ក្រោមហេតុផលប្រយុទ្ធប្រឆាំងភេរវកម្មតាមសំណើរបស់រដ្ឋាភិបាលលោក អាសាដ កាលពីខែកញ្ញា ឆ្នាំ២០១៥ ។ ក្រោយអន្តរាគមន៍របស់រុស្ស៊ី រដ្ឋបាលក្រុងដាម៉ាស់ មិនត្រឹមតែអាចបោសសម្អាតក្រុមភេរវករជ្រុលនិយមមានពួករដ្ឋឥស្លាមឡើយ តែក៏អាចដណ្ដើមទឹកដីពីការត្រួតត្រារបស់ក្រុមឧទ្ទាមប្រឆាំងដែលអាមេរិកជួយពីក្រោយខ្នងទៅទៀត។ យ៉ាងណា លោក ពូទីន បញ្ជាក់ថា សង្គ្រាមប្រឆាំងភេរវកម្មមិនទាន់បញ្ចប់នៅពេលខ្លីននេះទេ តែជ័យជម្នះកាន់តែជិតហើយ។
ក្រោយជួបជាមួយមេដឹកនាំស៊ីរី លោក ពូទីន នឹងជួបជាមួយប្រធានាធិបតីអ៊ីរ៉ង់ ហាសាន់ រូហានី និងប្រធានាធិបតីតួកគី តៃយីប អ៊ែរដូហ្កាន់ នៅថ្ងៃទី២២ ខែវិច្ឆិកា ក្នុងទីក្រុងស៊ូជីដដែលនេះ។ ជំនួបត្រីភាគីនេះ នឹងផ្ដោតសំខាន់លើការស្វែងរកច្រកចេញនៃវិបត្តិស៊ីរី។ ក្រៅពីប្រទេសទាំងពីរនេះ រុស្ស៊ីកំពុងធ្វើការជាមួយរដ្ឋផ្សេងទៀតទាំងក្នុងតំបន់មជ្ឈិមបូព៌ា និងពិភពលោកមានអាមេរិកជាដើមលើបញ្ហាស៊ីរីនេះដូចគ្នាដែរ៕
មេដឹកនាំរុស្ស៊ី វ្ល៉ាឌីមៀ ពូទីន បានស្វាគមន៍សមភាគីស៊ីរី បាសា អាល់អាសាដ នៅឯរមណីយដ្ឋានសមុទ្រខ្មៅក្នុងទីក្រុងស៊ូជី នៅថ្ងៃទី២០ ខែវិច្ឆិកា។ នេះជាទស្សនកិច្ចក្រៅប្រទេសលើកទីពីររបស់លោក អាសាដ ចាប់តាំងពីជម្លោះក្នុងស្រុកកើតឡើងមក ខណៈដែលទស្សនកិច្ចលើកទីមួយក៏ធ្វើឡើងនៅរុស្ស៊ីនេះដែរ។ ការប្រឆាំងភេរវកម្ម និងដំណោះស្រាយនយោបាយសម្រាប់ជម្លោះស៊ីរី ជាប្រធានសំខាន់នៃជំនួបនេះ។ នេះបើតាមការប្រកាសរបស់វិមានក្រេមឡាំង។
ប្រមុខរដ្ឋស៊ីរី លោក អាសាដ បានអរគុណរុស្ស៊ីដែលបានជួយសង្គ្រោះប្រទេសរបស់លោក និងការគាំទ្រស៊ីរីរហូតមក។ បើតាមការប្រកាសរបស់វិមានក្រេមឡាំងនៅថ្ងៃទី២១ ខែវិច្ឆិកា លោក អាសាដ ក៏បង្ហាញជំហរត្រៀមខ្លួនដើម្បីចូលតុចរចាជាមួយគ្រប់ភាគីទាំងអស់ដែលចង់ដោះស្រាយជម្លោះដែលឈានចូលឆ្នាំទី៧ទៅហើយនោះ។ យើងត្រៀមខ្លួនដើម្បីពិភាក្សារកដំណោះស្រាយ តែមិនមែនជាការលូកលាន់កិច្ចផ្ទៃក្នុងស៊ីរីទេ។ នេះជាការបញ្ជាក់របស់លោក អាសាដ ។
សារព័ត៌មានរុស្ស៊ី RT ផ្សាយថា ប្រធានាធិបតី ពូទីន បានសរសើរមេដឹកនាំស៊ីរីជុំវិញប្រតិបត្តិការប្រឆាំងក្រុមភេរវកម្ម ដែលទទួលបានលទ្ធផលគួរជាទីគាប់ចិត្ត។ ក្នុងជំនួបជាងបួនម៉ោងនេះដែរ លោក ពូទីន បានលើកឡើងដែរថា ការពិភាក្សានៅក្រុងអាស្តាណា បានរួមចំណែកច្រើនក្នុងការដោះស្រាយជម្លោះនេះ ហើយវាក្លាយជាវេទិកាដែលអនុញ្ញាតឲ្យភាគីទាំងអស់ជួបទល់មុខដើម្បីរកច្រកចេញ ជាពិសេសជាមួយក្រុមឧទ្ទាមប្រឆាំងតែម្ដង។
រុស្ស៊ីបានប្រឡូកចូលវិបត្តិនៅស៊ីរី ក្រោមហេតុផលប្រយុទ្ធប្រឆាំងភេរវកម្មតាមសំណើរបស់រដ្ឋាភិបាលលោក អាសាដ កាលពីខែកញ្ញា ឆ្នាំ២០១៥ ។ ក្រោយអន្តរាគមន៍របស់រុស្ស៊ី រដ្ឋបាលក្រុងដាម៉ាស់ មិនត្រឹមតែអាចបោសសម្អាតក្រុមភេរវករជ្រុលនិយមមានពួករដ្ឋឥស្លាមឡើយ តែក៏អាចដណ្ដើមទឹកដីពីការត្រួតត្រារបស់ក្រុមឧទ្ទាមប្រឆាំងដែលអាមេរិកជួយពីក្រោយខ្នងទៅទៀត។ យ៉ាងណា លោក ពូទីន បញ្ជាក់ថា សង្គ្រាមប្រឆាំងភេរវកម្មមិនទាន់បញ្ចប់នៅពេលខ្លីននេះទេ តែជ័យជម្នះកាន់តែជិតហើយ។
ក្រោយជួបជាមួយមេដឹកនាំស៊ីរី លោក ពូទីន នឹងជួបជាមួយប្រធានាធិបតីអ៊ីរ៉ង់ ហាសាន់ រូហានី និងប្រធានាធិបតីតួកគី តៃយីប អ៊ែរដូហ្កាន់ នៅថ្ងៃទី២២ ខែវិច្ឆិកា ក្នុងទីក្រុងស៊ូជីដដែលនេះ។ ជំនួបត្រីភាគីនេះ នឹងផ្ដោតសំខាន់លើការស្វែងរកច្រកចេញនៃវិបត្តិស៊ីរី។ ក្រៅពីប្រទេសទាំងពីរនេះ រុស្ស៊ីកំពុងធ្វើការជាមួយរដ្ឋផ្សេងទៀតទាំងក្នុងតំបន់មជ្ឈិមបូព៌ា និងពិភពលោកមានអាមេរិកជាដើមលើបញ្ហាស៊ីរីនេះដូចគ្នាដែរ៕
Tag:
រុស្ស៊ី
ស៊ីរី
វ្ល៉ាឌីមៀ ពូទីន
Bashar al-Assad
© រក្សាសិទ្ធិដោយ thmeythmey.com
