ជាតិ
នយោបាយជាតិ
អចិន្ត្រៃយ៍សភា ចាប់ផ្តើមប្រជុំ ពីការដាក់តំណាងរាស្ត្រ និងសមាជិកគ.ជ.ប ថ្មី លោក ឡេង ប៉េងឡុង អគ្គលេខាធិការ និងជាអ្នកនាំពាក្យរដ្ឋសភា។ រូបភាពពីរដ្ឋសភា
× ភ្នំពេញ៖ គណៈកម្មាធិការធិការអិចន្ត្រៃយ៍រដ្ឋសភា បើកកិច្ចប្រជុំនៅព្រឹកថ្ងៃសុក្រនេះ ដើម្បីពិភាក្សាពីការដាក់តំណាងរាស្ត្រថ្មី ជំនួសតំណាងរាស្ត្រ៥៥រូប នៃគណបក្សសង្គ្រោះជាតិ ដែលអស់សុពលភាព ក្រោយតុលាការកំពូលរំលាយចោល។ នេះបើតាមលោក ឡេង ប៉េងឡុង អគ្គលេខាធិការ និងជាអ្នកនាំពាក្យរដ្ឋសភា។
បើតាមលោក ឡេង ប៉េងឡុង គណៈកម្មាធិការអចិន្ត្រៃយ៍រដ្ឋសភា ក៏នឹងលើកពីការជ្រើសរើសសមាជិកថ្មី ដើម្បីជំនួសសមាជិក៣រូបនៃគណៈកម្មាធិការជាតិរៀបចំការបោះឆ្នោត (គ.ជ.ប) ផងដែរ ដែលបានលាលែងពីតំណែងកាលពីប៉ុន្មានមុន។ អ្នកទាំង៣ ដែលសុំលាលែង គឺលោក គួយ ប៊ុនរឿន អនុប្រធាន គ.ជ.ប លោក រ៉ុង ឈុន សមាជិក គ.ជ.ប និងលោកស្រី តែ ម៉ានីរ៉ុង សមាជិកា គ.ជ.ប។
ការបើកកិច្ចប្រជុំខាងលើ គឺធ្វើឡើងក្រោយ១ថ្ងៃប៉ុណ្ណោះ បន្ទាប់រដ្ឋសភា ទទួលបានពីគ.ជ.ប នូវបញ្ជីបេក្ខជនតំណាងរាស្ត្រថ្មី មកពីគណបក្សចំនួន៥ ដែលត្រូវជំនួសតំណាងរាស្ត្រគណបក្សសង្គ្រោះជាតិ។
គណបក្ស ដែលទទួលបានអាសនៈរបស់គណបក្សសង្គ្រោះជាតិ រួមមានគណបក្សហ្វ៊ុនស៊ិនប៉ិច ទទួលបាន ៤១អាសនៈ គណបក្សសម្ព័ន្ធដើម្បីប្រជាធិបតេយ្យ ទទួលបាន ៦អាសនៈ គណបក្សខ្មែរឈប់ក្រ ទទួលបាន ៥អាសនៈ គណបក្សសញ្ជាតិកម្ពុជា ទទួលបាន ២អាសនៈ និងគណបក្សខ្មែរអភិវឌ្ឍសេដ្ឋកិច្ច ទទួលបាន ១អាសនៈ។ ប៉ុន្តែ គណបក្សសម្ព័ន្ធដើម្បីប្រជាធិបតេយ្យ និងគណបក្សខ្មែរឈប់ក្រ ប្រកាសមិនទទួលយកអាសនៈ ដែលគេបែងចែកឲ្យឡើយ៕
© រក្សាសិទ្ធិដោយ thmeythmey.com