ជាតិ
នយោបាយជាតិ
×![]()
ដោយ: ម៉ៅ សុផា
ភ្នំពេញ៖ ការប្រកាសសុពលភាព ឲ្យតំណាងរាស្ត្រថ្មី មកពីគណបក្សចំនួន៣ ដែលត្រូវជំនួសតំណាងរាស្ត្រគណបក្សសង្គ្រោះជាតិ (CNRP ) នឹងត្រូវធ្វើឡើងជាផ្លូវការ ក្នុងកិច្ចប្រជុំពេញអង្គនៃរដ្ឋសភា នៅថ្ងៃទី២៧ ខែវិច្ឆិកា ឆ្នាំ២០១៧។ លោក ឈាន វុន តំណាងរាស្ត្រគណបក្សប្រជាជនកម្ពុជា ប្រាប់ក្រុមអ្នកសារព័ត៌មានយ៉ាងដូច្នេះ ក្រោយចាកចេញពីកិច្ចប្រជុំគណៈកម្មាធិការអចិន្ត្រយ៍រដ្ឋសភា នៅព្រឹកថ្ងៃទី២៤ ខែ វិច្ឆិកានេះ។
បន្ថែមពីលើលោក ឈាន វុន លោក ឡេង ប៉េងឡុង អគ្គលេខាធិការ និងជាអ្នកនាំពាក្យរដ្ឋសភា ប្រាប់សារព័ត៌មានថ្មីៗថា ក្រោយបញ្ចប់កិច្ចប្រជុំ គណៈកម្មាធិការអចិន្ត្រៃយ៍ បានសម្រេចទទួលស្គាល់បេក្ខជនតំណាងរាស្ត្រថ្មីចំនួន៤៤រូប ដោយក្នុងនោះ មកពីគណបក្សហ្វ៊ុនស៊ិនប៉ិច ចំនួន៤១ មកពីគណបក្សសញ្ជាតិកម្ពុជា ចំនួន២ និងមកពីគណបក្សខ្មែរអភិវឌ្ឍសេដ្ឋកិច្ច ចំនួន១ ដែលបែងចែកដោយគណៈកម្មាធិការជាតិរៀបចំការបោះឆ្នោត។ លោក បន្តថា រដ្ឋសភា ត្រូវអញ្ជើញបេក្ខជនតំណាងរាស្ត្រទាំង៤៤រូបនោះ ឲ្យចូលរួមក្នុងកិច្ចប្រជុំពេញអង្គ នៅថ្ងៃទី២៧ ខែវិច្ឆិកា ឆ្នាំ២0១៧ ដើម្បីប្រកាសសុពលភាពជាសាធារណៈ។
ដោយឡែក អាសនៈជាតំណាងរាស្ត្រចំនួន១១ ទៀត របស់គណបក្សសង្គ្រោះជាតិ ដែលកំពុងនៅទំនេរ នឹងត្រូវបែងចែកទៅឲ្យគណបក្សនានាជាបន្តទៀត នៅពេលក្រោយ។ ដើមឡើយ អាសនៈទាំងនេះ ត្រូវបានទៅលើគណបក្សសម្ព័ន្ធដើម្បីប្រជាធិបតេយ្យ ចំនួន៦ និងគណបក្សខ្មែរឈប់ក្រ ចំនួន៥ ប៉ុន្តែគណបក្សទាំង២ មិនទទួលយក។
ក្រោយតុលាការកំពូល ប្រកាសរំលាយចោល កាលពីថ្ងៃទី១៦ ខែវិច្ឆិកា តំណាងរាស្ត្រទាំង៥៥រូបនៃគណបក្សសង្គ្រោះជាតិ ក៏ត្រូវអស់សុពលភាព។ ហើយសមាជិកក្រុមប្រឹក្សាឃុំ-សង្កាត់ប្រមាណជា៥ពាន់ របស់គណបក្សសង្គ្រោះជាតិ ក៏ត្រូវអស់សុពលភាព ដូចគ្នា។ ការបែងចែកអាសនៈក្រុមប្រឹក្សាឃុំ-សង្កាត់ទាំងអស់របស់គណបក្សសង្គ្រោះជាតិ ទៅឲ្យគណបក្សនានា នឹងត្រូវធ្វើឡើង នៅពេលខាងមុខនេះ៕
បន្ថែមពីលើលោក ឈាន វុន លោក ឡេង ប៉េងឡុង អគ្គលេខាធិការ និងជាអ្នកនាំពាក្យរដ្ឋសភា ប្រាប់សារព័ត៌មានថ្មីៗថា ក្រោយបញ្ចប់កិច្ចប្រជុំ គណៈកម្មាធិការអចិន្ត្រៃយ៍ បានសម្រេចទទួលស្គាល់បេក្ខជនតំណាងរាស្ត្រថ្មីចំនួន៤៤រូប ដោយក្នុងនោះ មកពីគណបក្សហ្វ៊ុនស៊ិនប៉ិច ចំនួន៤១ មកពីគណបក្សសញ្ជាតិកម្ពុជា ចំនួន២ និងមកពីគណបក្សខ្មែរអភិវឌ្ឍសេដ្ឋកិច្ច ចំនួន១ ដែលបែងចែកដោយគណៈកម្មាធិការជាតិរៀបចំការបោះឆ្នោត។ លោក បន្តថា រដ្ឋសភា ត្រូវអញ្ជើញបេក្ខជនតំណាងរាស្ត្រទាំង៤៤រូបនោះ ឲ្យចូលរួមក្នុងកិច្ចប្រជុំពេញអង្គ នៅថ្ងៃទី២៧ ខែវិច្ឆិកា ឆ្នាំ២0១៧ ដើម្បីប្រកាសសុពលភាពជាសាធារណៈ។
ដោយឡែក អាសនៈជាតំណាងរាស្ត្រចំនួន១១ ទៀត របស់គណបក្សសង្គ្រោះជាតិ ដែលកំពុងនៅទំនេរ នឹងត្រូវបែងចែកទៅឲ្យគណបក្សនានាជាបន្តទៀត នៅពេលក្រោយ។ ដើមឡើយ អាសនៈទាំងនេះ ត្រូវបានទៅលើគណបក្សសម្ព័ន្ធដើម្បីប្រជាធិបតេយ្យ ចំនួន៦ និងគណបក្សខ្មែរឈប់ក្រ ចំនួន៥ ប៉ុន្តែគណបក្សទាំង២ មិនទទួលយក។
ក្រោយតុលាការកំពូល ប្រកាសរំលាយចោល កាលពីថ្ងៃទី១៦ ខែវិច្ឆិកា តំណាងរាស្ត្រទាំង៥៥រូបនៃគណបក្សសង្គ្រោះជាតិ ក៏ត្រូវអស់សុពលភាព។ ហើយសមាជិកក្រុមប្រឹក្សាឃុំ-សង្កាត់ប្រមាណជា៥ពាន់ របស់គណបក្សសង្គ្រោះជាតិ ក៏ត្រូវអស់សុពលភាព ដូចគ្នា។ ការបែងចែកអាសនៈក្រុមប្រឹក្សាឃុំ-សង្កាត់ទាំងអស់របស់គណបក្សសង្គ្រោះជាតិ ទៅឲ្យគណបក្សនានា នឹងត្រូវធ្វើឡើង នៅពេលខាងមុខនេះ៕
Tag:
CNRP
សភា ឡេង ប៉េងឡុង
ឈាន វុន
© រក្សាសិទ្ធិដោយ thmeythmey.com
