ជាតិ
នយោបាយជាតិ
រូបភាព៖ អាសនៈ៤៤ក្នុងរដ្ឋសភា របស់គណបក្សសង្គ្រោះជាតិ បានទៅលើគណបក្សហ៊្វុនស៊ិនប៉ិចចំនួន៤១ គណបក្សសញ្ជាតិកម្ពុជា ចំនួន២ និងគណបក្សខ្មែរអភិវឌ្ឍសេដ្ឋកិច្ច ចំនួន១។ ដោយឡែក អាសនៈ១១ទៀត របស់គណបក្សសង្គ្រោះជាតិ បានទៅលើគណបក្សប្រជាជនកម្ពុជា
×![]()
ដោយ: ម៉ៅ សុផា
ភ្នំពេញ៖ អាសនៈ១១ទៀត ក្នុងរដ្ឋសភា របស់អតីតគណបក្សសង្គ្រោះជាតិ (CNRP) ត្រូវបានគណៈកម្មាធិការជាតិរៀបចំការបោះឆ្នោត (គ.ជ.ប) ប្រគល់ឲ្យគណបក្សប្រជាជនកម្ពុជា (CPP) ដែលនាំឲ្យគណបក្សកាន់អំណាចច្រើនអាណត្តិមួយនេះ កើនអាសនៈរហូតដល់ទៅ ៧៩ ឯណោះ។ នេះបើតាមការលើកឡើងរបស់លោក សោម សូរីដា អគ្គលេខាធិការរង គ.ជ.ប។ 
លោក សោម សូរីដា ប្រាប់សារព័ត៌មានថ្មីៗថា គ.ជ.ប នឹងចុះហត្ថលេខា លើបញ្ជីឈ្មោះបេក្ខជនតំណាងរាស្ត្រទាំង១១រូបនោះ ហើយរៀបចំបញ្ជូនទៅរដ្ឋសភា ក្នុងពេលឆាប់ៗនេះ ដើម្បីពិនិត្យនិងប្រកាសសុពលភាព ជូនពួកគេ។ អគ្គលេខាធិការរង គ.ជ.ប រូបនេះ បញ្ជាក់យ៉ាងដូច្នេះថា៖«មិនយូរទេ យើងនឹងបញ្ជូនទៅ បើមិនថ្ងៃស្អែក គឺថ្ងៃខានស្អែក»។
លោក សោម សូរីដា បន្តថា គ.ជ.ប បានបែងចែកអាសនៈទាំង១១ ដែលនៅទំនេរ ទៅឲ្យគណបក្សចំនួន៤ ឯណោះ ដែលក្នុងនោះរួមមាន គណបក្សប្រជាជនកម្ពុជា គណបក្សហ្វ៊ុនស៊ិនប៉ិច គណបក្សសញ្ជាតិកម្ពុជា និងគណបក្សខ្មែរអភិវឌ្ឍសេដ្ឋកិច្ច។ ប៉ុន្តែ លោក អះអាងថា គណបក្សប្រជាជនកម្ពុជា ត្រូវទទួលបានអាសនៈទាំង១១នោះ តែម្តង រីឯគណបក្ស៣ទៀត មិនទទួលបានឡើយ ព្រោះសន្លឹកឆ្នោត ដែលពលរដ្ឋបោះឲ្យ មានចំនួនមិនគ្រប់គ្រាន់។
មន្រី្តជាន់ខ្ពស់របស់គ.ជ.ប ខាងលើ សង្កត់ធ្ងន់បែបនេះថា៖«គណបក្សប្រជាជនកម្ពុជា ត្រូវបានទាំងអស់ ព្រោះមានសំឡេងច្រើនលើសលុប»។
ដើមឡើយ អាសនៈទាំង១១នោះ ត្រូវបានទៅលើគណបក្សសម្ព័ន្ធដើម្បីប្រជាធិបតេយ្យ ចំនួន៦ និងគណបក្សខ្មែរឈប់ក្រ ចំនួន៥។ ប៉ុន្តែ គណបក្សទាំង២នេះ មិនទទួលយក។ ដូច្នេះ គ.ជ.ប ក៏ចាប់ផ្តើមបែងចែកជាលើកទី២ ដោយលទ្ធផល អាសនៈទាំង១១ ដែលគណបក្សសម្ព័ន្ធដើម្បីប្រជាធិបតេយ្យ និងគណបក្សខ្មែរឈប់ក្រ បោះបង់ចោល ក៏ធ្លាក់ទៅលើគណបក្សប្រជាជនកម្ពុជា។
ក្នុងការបែងចែកលើកទី១ គណបក្សហ្វ៊ុនស៊ិនប៉ិច ទទួលបាន៤១អាសនៈ គណបក្សសញ្ជាតិកម្ពុជា ទទួលបាន២អាសនៈ និងគណបក្សខ្មែរអភិវឌ្ឍសេដ្ឋកិច្ច ទទួលបាន១អាសនៈ។ នៅព្រឹកថ្ងៃទី២៧ ខែវិច្ឆិកា ឆ្នាំ២0១៧ តំណាងរាស្ត្រថ្មីទាំង៤៤រូប ដែលមកពីគណបក្សទាំង៣ ត្រូវបានរដ្ឋសភា បើកកិច្ចប្រជុំពេញអង្គ ហើយប្រកាសសុពលភាពជូនពួកគេ ជាផ្លូវការ។
ចំណែក បេក្ខជនតំណាងរាស្ត្រ១១រូបទៀត របស់គណបក្សប្រជាជនកម្ពុជា ក៏នឹងត្រូវទទួលបានការប្រកាសសុពលភាពពីរដ្ឋសភាជាមុនដែរ។ លោក ឡេង ប៉េងឡុង ប្រាប់សារព័ត៌មានថ្មីៗតាមទូរសព្ទថា រដ្ឋសភា មិនទាន់បានកំណត់កាលបរិច្ឆេទ ដើម្បីបើកកិច្ចប្រជុំពេញអង្គ ក្នុងការប្រកាសសុពលភាពជូនបេក្ខជនតំណាងរាស្ត្រទាំង១១រូប នោះទេ។
សូមបញ្ជាក់ថា បន្ទាប់ពីតុលាការកំពូល ប្រកាសរំលាយចោល អាសនៈជាតំណាងរាស្ត្រទាំង៥៥ ក្នុងរដ្ឋសភារបស់គណបក្សសង្គ្រោះជាតិ ក៏អស់សុពលភាព។ ក្រោយមក គ.ជ.ប ក៏យកអាសនៈទាំងនោះ ទៅចែកឲ្យគណបក្សនានា។ បន្ទាប់មកទៀត គ.ជ.ប នឹងចាប់ផ្តើមបែងចែកអាសនៈសមាជិកក្រុមប្រឹក្សាឃុំ-សង្កាត់ ប្រមាណជា៥ពាន់ របស់គណបក្សសង្គ្រោះជាតិ ទៅឲ្យគណបក្សដទៃ។ ប៉ុន្តែ ការបែងចែកអាសនៈក្រុមប្រឹក្សាឃុំ-សង្កាត់ទាំងអស់របស់គណបក្សសង្គ្រោះជាតិ ទៅឲ្យគណបក្សដទៃ នៅមិនទាន់ចេញជាលទ្ធផលឡើយ៕
លោក សោម សូរីដា ប្រាប់សារព័ត៌មានថ្មីៗថា គ.ជ.ប នឹងចុះហត្ថលេខា លើបញ្ជីឈ្មោះបេក្ខជនតំណាងរាស្ត្រទាំង១១រូបនោះ ហើយរៀបចំបញ្ជូនទៅរដ្ឋសភា ក្នុងពេលឆាប់ៗនេះ ដើម្បីពិនិត្យនិងប្រកាសសុពលភាព ជូនពួកគេ។ អគ្គលេខាធិការរង គ.ជ.ប រូបនេះ បញ្ជាក់យ៉ាងដូច្នេះថា៖«មិនយូរទេ យើងនឹងបញ្ជូនទៅ បើមិនថ្ងៃស្អែក គឺថ្ងៃខានស្អែក»។
លោក សោម សូរីដា បន្តថា គ.ជ.ប បានបែងចែកអាសនៈទាំង១១ ដែលនៅទំនេរ ទៅឲ្យគណបក្សចំនួន៤ ឯណោះ ដែលក្នុងនោះរួមមាន គណបក្សប្រជាជនកម្ពុជា គណបក្សហ្វ៊ុនស៊ិនប៉ិច គណបក្សសញ្ជាតិកម្ពុជា និងគណបក្សខ្មែរអភិវឌ្ឍសេដ្ឋកិច្ច។ ប៉ុន្តែ លោក អះអាងថា គណបក្សប្រជាជនកម្ពុជា ត្រូវទទួលបានអាសនៈទាំង១១នោះ តែម្តង រីឯគណបក្ស៣ទៀត មិនទទួលបានឡើយ ព្រោះសន្លឹកឆ្នោត ដែលពលរដ្ឋបោះឲ្យ មានចំនួនមិនគ្រប់គ្រាន់។
មន្រី្តជាន់ខ្ពស់របស់គ.ជ.ប ខាងលើ សង្កត់ធ្ងន់បែបនេះថា៖«គណបក្សប្រជាជនកម្ពុជា ត្រូវបានទាំងអស់ ព្រោះមានសំឡេងច្រើនលើសលុប»។
ដើមឡើយ អាសនៈទាំង១១នោះ ត្រូវបានទៅលើគណបក្សសម្ព័ន្ធដើម្បីប្រជាធិបតេយ្យ ចំនួន៦ និងគណបក្សខ្មែរឈប់ក្រ ចំនួន៥។ ប៉ុន្តែ គណបក្សទាំង២នេះ មិនទទួលយក។ ដូច្នេះ គ.ជ.ប ក៏ចាប់ផ្តើមបែងចែកជាលើកទី២ ដោយលទ្ធផល អាសនៈទាំង១១ ដែលគណបក្សសម្ព័ន្ធដើម្បីប្រជាធិបតេយ្យ និងគណបក្សខ្មែរឈប់ក្រ បោះបង់ចោល ក៏ធ្លាក់ទៅលើគណបក្សប្រជាជនកម្ពុជា។
ក្នុងការបែងចែកលើកទី១ គណបក្សហ្វ៊ុនស៊ិនប៉ិច ទទួលបាន៤១អាសនៈ គណបក្សសញ្ជាតិកម្ពុជា ទទួលបាន២អាសនៈ និងគណបក្សខ្មែរអភិវឌ្ឍសេដ្ឋកិច្ច ទទួលបាន១អាសនៈ។ នៅព្រឹកថ្ងៃទី២៧ ខែវិច្ឆិកា ឆ្នាំ២0១៧ តំណាងរាស្ត្រថ្មីទាំង៤៤រូប ដែលមកពីគណបក្សទាំង៣ ត្រូវបានរដ្ឋសភា បើកកិច្ចប្រជុំពេញអង្គ ហើយប្រកាសសុពលភាពជូនពួកគេ ជាផ្លូវការ។
ចំណែក បេក្ខជនតំណាងរាស្ត្រ១១រូបទៀត របស់គណបក្សប្រជាជនកម្ពុជា ក៏នឹងត្រូវទទួលបានការប្រកាសសុពលភាពពីរដ្ឋសភាជាមុនដែរ។ លោក ឡេង ប៉េងឡុង ប្រាប់សារព័ត៌មានថ្មីៗតាមទូរសព្ទថា រដ្ឋសភា មិនទាន់បានកំណត់កាលបរិច្ឆេទ ដើម្បីបើកកិច្ចប្រជុំពេញអង្គ ក្នុងការប្រកាសសុពលភាពជូនបេក្ខជនតំណាងរាស្ត្រទាំង១១រូប នោះទេ។
សូមបញ្ជាក់ថា បន្ទាប់ពីតុលាការកំពូល ប្រកាសរំលាយចោល អាសនៈជាតំណាងរាស្ត្រទាំង៥៥ ក្នុងរដ្ឋសភារបស់គណបក្សសង្គ្រោះជាតិ ក៏អស់សុពលភាព។ ក្រោយមក គ.ជ.ប ក៏យកអាសនៈទាំងនោះ ទៅចែកឲ្យគណបក្សនានា។ បន្ទាប់មកទៀត គ.ជ.ប នឹងចាប់ផ្តើមបែងចែកអាសនៈសមាជិកក្រុមប្រឹក្សាឃុំ-សង្កាត់ ប្រមាណជា៥ពាន់ របស់គណបក្សសង្គ្រោះជាតិ ទៅឲ្យគណបក្សដទៃ។ ប៉ុន្តែ ការបែងចែកអាសនៈក្រុមប្រឹក្សាឃុំ-សង្កាត់ទាំងអស់របស់គណបក្សសង្គ្រោះជាតិ ទៅឲ្យគណបក្សដទៃ នៅមិនទាន់ចេញជាលទ្ធផលឡើយ៕
Tag:
សភា
គជប
CPP
CNRP
ចែកអាសនៈ
© រក្សាសិទ្ធិដោយ thmeythmey.com
