សម្ដេច ហ៊ុន សែន វិស័យទេសចរណ៍ ជា«មាសបៃតង» ដែលអភិវឌ្ឍសេដ្ឋកិច្ច និងសង្គមជាតិ

ជាតិ

សម្ដេច ហ៊ុន សែន វិស័យទេសចរណ៍ ជា«មាសបៃតង» ដែលអភិវឌ្ឍសេដ្ឋកិច្ច និងសង្គមជាតិ

11, Dec 2017 , 9:39 pm

រូបភាព

ដោយ:

ពិធីបុណ្យសមុទ្រលើកទី៦ ដែលនឹងប្រព្រឹត្តទៅនៅថ្ងៃទី២២-២៤ ខែធ្នូ នៅខេត្តកែប ក្រោមប្រធានបទ «ឆ្នេរសមុទ្របៃតង៖អនាគតបច្ចុប្បន្ន» ដោយអមជាមួយពាក្យស្លោក «និរន្តរភាពទេសចរសម្រាប់ការអភិវឌ្ឍ»។ ប្រមុខរដ្ឋាភិបាល វាយតម្លៃខ្ពស់ចំពោះការរីកចម្រើនលើវិស័យទេសរណ៍ ដែលជាចរន្តសេដ្ឋកិច្ចសំខាន់ សម្រាប់ការអភិវឌ្ឍប្រទេស។

រាជរដ្ឋាភិបាល បានចាត់ទុកក្នុងវិស័យទេសចរណ៍ ជាវិស័យអាទិភាព «មាសបៃតង» រួមចំណែកដល់ការអភិវឌ្ឍសង្គម-សេដ្ឋកិច្ចជាតិ តាមរយៈការបង្កើតឱកាសការងារ ដែលបង្កើនប្រាក់ចំណូលប្រជាពលរដ្ឋដោយផ្ទាល់ និងដោយប្រយោល។ នេះបើតាមលិខិតអបអរសាទររបស់សម្ដេច ហ៊ុន សែន ចុះថ្ងៃទី០៤ ខែធ្នូ ។

ជាមួយគ្នានេះ សម្ដេច ហ៊ុន សែន បានអំពាវនាវដល់ប្រតិបត្តិករទេសចរណ៍ ទេសចរជាតិ-អន្តរជាតិ អាជ្ញាធរមូលដ្ឋាន និងប្រជាពលរដ្ឋទាំងអស់ចូលរួមឲ្យកាន់តែសកម្មក្នុងចលនាប្រឡងប្រណាំង «ទីក្រុងស្អាត រមណីយដ្ឋានស្អាត សេវាល្អ បដិសណ្ឋាកិច្ចល្អ» និងសហការថែរក្សាសោភ័ណភាព អនាម័យដែលជាកត្តាចម្បង និងមិនអាចខ្វះបានក្នុងការថែរក្សាតំបន់ឆ្នេរសមុទ្រឲ្យស្រស់ស្អាតយូរអង្វែង ដើម្បីបន្តមរតកដល់កូនចៅជំនាន់ក្រោយ។

កាលពីឆ្នាំ២០១១ តំបន់ឆ្នេរសមុទ្រកម្ពុជាបានក្លាយជាសមាជិកក្លិបឆ្នេរសមុទ្រស្អាតបំផុតលើសកលលោក ដែលបាននិងកំពុងរួមចំណែកយ៉ាងសកម្មធ្វើឲ្យកម្ពុជា ក្លាយទៅជាគោលដៅទេសចរណ៍ប្រកបដោយឧត្តមភាព ។ ជាពិសេសការសម្រេចចក្ខុវិស័យអាស៊ានជាគោលដៅទេសចរណ៍លំដាប់ពិភពលោក និងប្រកបដោយភាពកក់ក្ដៅ «ASEAN: The World class Destination» និង «ASEAN: Feel the warmth»៕