ជាតិ
សេដ្ឋកិច្ច
ក្រុមហ៊ុនជប៉ុន សម្ពោធសួនឧស្សាហកម្មមួយនៅប៉ោយប៉ែត រូបពី CDC
× ភ្នំពេញ៖ សួនឧស្សាហកម្ម Techno Park Poi Pet ត្រូវបានសម្ពោធជាផ្លូវការនៅថ្ងៃទី៨ខែធ្នូ។ នេះបើតាមសេចក្ដីប្រកាសព័ត៌មានរបស់ក្រុមប្រឹក្សាវិនិយោគកម្ពជា (CDC) ។
សួនឧស្សាហកម្មនេះ ជារបស់ក្រុមហ៊ុន Techno Park Poi Pet ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនជប៉ុនដ៏ធំ Toyota Tsusho Corperation ។ សួននេះ មានទីតាំងស្ថិតក្នុងតំបន់សេដ្ឋកិច្ចពិសេស Sanco Poi Pet ក្នុងក្រុងប៉ោយប៉ែត ខេត្តបន្ទាយមានជ័យ។
សួនឧស្សាហកម្មនេះ ខុសពីសួនឧស្សាហកម្មទូទៅនៅកម្ពុជា ដោយសួននេះផ្ដល់ទីតាំង និងសេវាកម្ម គាំទ្រតែប្រភេទក្រុមហ៊ុនវិនិយោគរោងចក្រផលិត ដែលមានតម្លៃបន្ថែមខ្ពស់ ដូចជាគ្រឿងបន្លាស់រថយន្ត សម្ភារបរិក្ខារ គ្រឿងបង្គុំអេឡិចត្រូនិក និងអគ្គិសនី។
សព្វថ្ងៃ សួនឧស្សហកម្មដែលមានផ្ទៃដី ៤ហិកតានេះ មានក្រុមហ៊ុន ៥ កំពុងធ្វើប្រតិបត្តិការរបស់ខ្លួននៅក្នុងសួននេះ ដែលបានបង្កើតការងារ ១៥០កន្លែង។
លោក ហ៊ីដេហ៊ីសា ហូរីណូឈី អគ្គរដ្ឋទូតជប៉ុនប្រចាំកម្ពុជា បានរំពឹងថា សួនឧស្សាហកម្មមួយនេះ នឹងជួយឲ្យតំបន់សេដ្ឋកិច្ចពិសេស Sanco ទាក់ទាញអ្នកវិនិយោគថែមទៀត៕
© រក្សាសិទ្ធិដោយ thmeythmey.com