ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
២៥ខេត្ត/រាជធានី
អាជ្ញាធរអប្សរា គ្រោងជួសជុលផ្លូវវង់ធំក្នុងរមណីយដ្ឋានអង្គរ
12, Dec 2017 ,
11:07 am
រូបភាព
×
ដោយ:
អុីសា រ៉ហានី (Isa Rohany)
សៀមរាប៖ ប្រសិនបើមានការបើកផ្លូវ ពីគណៈកម្មាធិការអន្តរជាតិ អាយស៊ីស៊ី-អង្គរ លើសំណើរបស់ខ្លួន អាជ្ញាធរជាតិអប្សរា នឹងចាប់ផ្តើមជួសជុលផ្លូវវង់ធំ នាពេលដ៏ឆាប់នេះ។ បច្ចុប្បន្ន ផ្លូវវង់ធំក្នុងរមណីយដ្ឋានអង្គរ ត្រូវបានគេមើលឃើញថា ខូចខាតច្រើន ដោយសារអាយុកាល ដែលចាំបាច់ត្រូវជួសជុល ដើម្បីងាយស្រួលធ្វើចរាចរណ៍ឡើងវិញ។
ប្រសិនបើមានការឯកភាព ពីគណៈកម្មាធិការ ដើម្បីសម្របសម្រួលកិច្ចគាំពារ និងអភិវឌ្ឍន៍រមណីយដ្ឋានប្រវត្តិសាស្ត្រអង្គរ ហៅកាត់ថា អាយស៊ីស៊ី-អង្គរ នោះ អាជ្ញាធរជាតិអប្សរា នឹងដំណើរការលើគម្រោងជួសជុលផ្លូវវង់ធំ។ គម្រោងនេះ ត្រូវបានបង្ហើបដោយអ្នកនាំពាក្យ អាជ្ញាធរជាតិអប្សរា។
លោក ឡុង កុសល បានប្រាប់ក្រុមអ្នកសារព័តមាន អំឡុងពេលដែលអ្នកជំនាញការជាន់ខ្ពស់ ផ្នែកអភិរក្សនៃគណៈកម្មាធិការអាយស៊ីស៊ី-អង្គរ ចុះទៅពិនិត្យទីតាំងផ្លូវ ដែលត្រូវជួសជុល។ តាមការបញ្ជាក់របស់លោក កុសល គម្រោងជួសជុលផ្លូវនេះ អាចទៅរួច ប្រសិនបើការអនុវត្តមិនប៉ះពាល់ដល់ដើមឈើ និងមានផលប្រយោជន៍សម្រាប់បម្រើវិស័យទេសចរណ៍។
លោក កុសល លើកឡើងយ៉ាងដូច្នេះថា៖« តាមអ្នកជំនាញការ ដែលចុះមកពិនិត្យនេះ ពួកគាត់ ថា ជាជម្រើសល្អ ដែលអាចអនុវត្តន៍ទៅបាន តែក្នុងនោះ ពួកគាត់ក៏បារម្ភពីរឿងដើមឈើ ធំៗដែរ។ សំណួរដែលគាត់ចោទសួរទៀតនោះ ហេតុអ្វីត្រូវពង្រីក តែយើងបានប្រាប់វិញថា មិនមែនពង្រីកទេ គឺគ្រាន់តែជួសជុលឱ្យរលូនជាងនេះ ព្រោះសព្វថ្ងៃវាតូច និងមានជង្ហុកច្រើន»។
នៅរសៀលថ្ងៃទី១១ ខែធ្នូ អ្នកជំនាញការជាន់ខ្ពស់ផ្នែកអភិរក្សនៃគណៈកម្មាធិការ អាយស៊ីស៊ី-អង្គរ បានចុះពិនិត្យមើលការងារខ្លះ ក្នុងរមណីយដ្ឋានអង្គរ។ ក្នុងនោះរួមមាន ការចុះពិនិត្យមើលដំណើរការរុះរើសំណង់ខុសច្បាប់ អំឡុងពេលបោះឆ្នោតជ្រើសរើសឃុំ-សង្កាត់ ឆ្នាំ២០១៧ និងគម្រោងពង្រីកផ្លូវវង់ធំ។ នេះជាការងារ ដែលក្រុមអ្នកជំនាញការ តែងធ្វើមុនដំណើរការកិច្ចប្រជុំពេញអង្គ នៃគណៈកម្មាធិការ អាយស៊ីស៊ី-អង្គរ ដើម្បីតាមដានរាល់ការងារដែលដាក់ជូនអនុវត្តន៍នាពេលកន្លងមក។
ផ្លូវវង់ធំមានប្រវែងប្រមាណជាង ២០គីឡូម៉ែត្រ ចាប់ពីខ្លោងទ្វារដីឆ្នាំង ដល់ខាងជើងផ្លូវស្រះស្រង់។ កាលពីឆ្នាំ២០១៦ អាជ្ញាធរជាតិអប្សរា បានជួសជុលផ្លូវវង់តូចបានដោយជោគជ័យ ដែលមានប្រវែងទទឹង៩ម៉ែត្រ បណ្តោយ ៣,៥០០ម៉ែត្រ ដែល១ម៉ែត្រសងខាង សម្រាប់ផ្លូវកង់ និង៦ម៉ែត្រ សម្រាប់យានយន្ត។ ការជួសជុលនេះ ចាប់ពីកសិណអង្គរវត្ត ដល់ខាងត្បូងផ្លូវស្រះស្រង់។
គួរបញ្ជាក់ថា កិច្ចប្រជុំពេញអង្គលើកទី២៤ នៃគណៈកម្មាធិការអាយស៊ីស៊ី-អង្គរ នឹងចាប់ផ្តើមនៅថ្ងៃទី១៣ និង១៤ ខែធ្នូ។ របៀបវារៈនៃកិច្ចប្រជុំពេលនេះ នឹងផ្តោតទៅលើចំណុចសំខាន់ៗមួយចំនួនដូចជា តាមដានរបាយការណ៍នៃការងារអភិរក្ស ជួសជុល និងការងារស្រាវជ្រាវ ការអភិវឌ្ឍដោយចីរភាព ក្នុងតំបន់រមណីយដ្ឋានអង្គរ។ បន្ថែមពីនេះ កិច្ចប្រជុំលើកនេះ ក៏នឹងមានការចុះMOUថ្មី រវាងអប្សរា និងGACPរបស់អាល្លឺម៉ង់ ការពិភាក្សាលើការបោះពុម្ពផ្សាយ អត្ថបទពាក់ព័ន្ធនឹងប្រាសាទសំបូរព្រៃគុក និងរបាយការណ៍ស្តីពីការរុះរើសំណង់ខុសច្បាប់ក្នុងតំបន់អង្គរ និងចុងក្រោយ គឺអនុសាសន៍ថ្មីៗរបស់អាយស៊ីស៊ី-អង្គរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ផ្លូវវង់ធំ
អង្គរ
សៀមរាប
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
24 ម៉ោង
តើពាក្យ«បច្ច័យ»មានន័យច្បាស់លាស់ដូចម្តេច?
2 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
6 ថ្ងៃ
«បុរាណ»និង«បូរាណ» មានអត្ថន័យដូចគ្នា
6 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
4 ថ្ងៃ
អត្ថបទពេញនិយមបន្ថែម