ក្រុមបិសាចក្រហម Manchester United នៅតែរក្សាចិត្តចង់បាន Mesut Ozil មកចូលរួមក្រុម បើសិនជារូបគេចាកចេញពី Arsenal ក្នុងខែមករាខាងមុខនេះ។ តែយ៉ាងណា ដើម្បីនាំយកអតីតខ្សែបម្រើ Real Madrid រូបនេះ លោក Jose Mourinho ត្រូវពិចារណាចែកផ្លូវគ្នាពី Henrikh Mkhitaryan ដែរ។
Mkhitaryan ខ្សែបម្រើសញ្ជាតិអាមេនី មិនស្ថិតក្នុងជម្រើស១១នាក់ដំបូងរបស់អ្នកចាត់ការរហស្សនាម The Special One ចាប់តាំងពីដើមរដូវកាល២០១៧-២០១៨ នេះមកម្លេះ។ ត្រង់ចំនុចនេះ Mourinho បានពន្យល់ថា៖«ខ្ញុំមានខ្សែការពារ២នាក់ដែលអាចលេងក្នុងតំបន់ផ្សេងគ្នា ដូចជា Ashley Young លេងបាននៅតំបន់ស្លាបទាំងលើ និងក្រោម។ Ander Herrera លេងនៅតំបន់កណ្តាល ហើយ Zlatan Ibrahimovic ជាខ្សែប្រយុទ្ធ រួមទាំង Marcus Rashford ដើរតួរជាខ្សែប្រយុទ្ធផង និងបម្រើស្លាបផង»។
ការលើកឡើងរបស់អតីតអ្នកចាត់ការ Chelsea នេះ មានន័យថា បើគ្មានវត្តមាន Mkhitaryan ក៏មានកីឡាករដ៏ទៃដែលអាចលេងជំនួសគេបានដែរ រួមទាំង Juan Mata និង Jesse Lingard សម្រាប់តំណែងនេះ។
ចំណែក Mesut Ozil វិញក៏បានបង្ហាញអារម្មណ៍ចង់ផ្លាស់មកកាន់ទឹកដី Old Trafford ដែរ បើសិនជារូបគេចាកចេញពីកាំភ្លើងធំ។
ថ្លៃពលកម្មដ៏ច្រើននេះ មិនដឹងថាអ្នកចាត់ការសញ្ជាតិបារាំង និងក្លិបហ៊ានផ្តល់ជូនរូបគេឬក៏អត់នោះទេ ស្របពេលដែល Manchester United កំពុងតាមប្រមាញ់យ៉ាងប្រគៀកប្រកិតដែរ។
ប្រសិនបើ Ozil ទៅចូលរួមជាមួយក្រុមម្ចាស់ជើងឯក Premier League ២០សម័យមែន មានន័យថារូបគេនឹងធ្វើការជាមួយ Mourinho ម្តងទៀត ក្រោយពីអ្នកទាំង២ធ្លាប់ធ្វើការជាមួយគ្នារយៈពេល៣ឆ្នាំនៅ Real Madrid៕