កីឡាជាតិ
ជាតិ
ចាន់ វឌ្ឍនាកា ជាកីឡាករកម្ពុជាទី៣ដែលចុះកិច្ចសន្យាលេងឲ្យក្លិបលីកកំពូលម៉ាឡេស៊ី
កីឡាករ ចាន់ វឌ្ឍនាកា ពេលជួយបឹងកេតតទល់ជាមួយក្រុមវៀតណាមក្នុងពានរង្វាន់ Toyota Mekong Club នៅពហុកីឡដ្ឋានជាតិ
×![]()
ក្រោយចប់កិច្ចសន្យាខ្ចីជើង១រដូវកាលជាមួយក្លិបក្របខណ្ឌលីកលំដាប់ទី៣របស់ជប៉ុនខ្សែប្រយុទ្ធឆ្នើមរបស់កម្ពុជាកីឡាករ ចាន់ វឌ្ឍនាកា បានចុះកិច្ចសន្យាលេងឲ្យក្លិបក្របខណ្ឌលីកកំពូលម៉ាឡេស៊ី Pahang FA រដូវកាលឆ្នាំ២០១៨-២០១៩។ វឌ្ឍនាកា ជាកីឡាករកម្ពុជាទី៣ដែលទៅឲ្យក្លិបក្របខណ្ឌលីកកំពូលម៉ាឡេស៊ីបន្ទាប់ពី ធារី ចន្ថាប៊ីន និងកីឡាករ កែវ សុខផេង។
នៅក្នុងឆ្នាំ២០១៨-២០១៩ ខាងមុខ ចាន់ វឌ្ឍនាកា នឹងត្រូវប្រកួតទល់នឹង ធារី ចន្ថាប៊ីន និង កែវ សុខផេង នៅក្នុងក្របខណ្ឌលីកកំពូលម៉ាឡេស៊ី។ កីឡាករបាល់ទាត់ជម្រើសជាតិកម្ពុជារូបនេះ ទើបតែបានចុះកិច្ចសន្យាជាមួយក្លិប Pahang FA របស់ម៉ាឡេស៊ី បន្ទាប់ពីកីឡាករ ធារី ចន្ថាប៊ីន បានចុះកិច្ចសន្យា១ឆ្នាំជាមួយ Terengganu F.C.I និងកីឡាករ កែវ សុខផេង បានព្រមព្រៀងលេងឲ្យក្លិប PKNP FC ១រដូវកាលដូចគ្នា។
ការព្រមព្រៀងរបស់វឌ្ឍនាការ ជាមួយក្លិបPahang FA បានបង្ហាញកាន់តែច្រើននូវប្រជាប្រិយភាពរបស់ខ្សែប្រយុទ្ធក្រុមជម្រើសជាតិកម្ពុជារូបនេះនៅថ្នាក់អន្តរជាតិ។ នាឆ្នាំមុន វឌ្ឍនាកា ត្រូវបានក្លិបក្របខណ្ឌលីកលំដាប់ទី៣របស់ជប៉ុន Fujieda MYFC ខ្ចីជើងទៅលេង១រដូវកាលឆ្នាំ២០១៧-២០១៨។
ចាន់ វឌ្ឍនាកា អាយុ២៣ឆ្នាំមានស្រុកកំណើតនៅខេត្តកំពត បានប្រឡូកក្នុងវិស័យបាល់ទាត់នៅឆ្នាំ២០១១ ដោយធ្វើជាកីឡាករយុវជនរបស់ក្លិបព្រះខ័នរាជស្វាយរៀងពីឆ្នាំ២០១១ដល់ឆ្នាំ២០១២ ពេលនោះរូបគេក៏ជាសមាជិកម្នាក់នៃក្រុមជម្រើសជាតិអាយុក្រោម១៩ឆ្នាំផងដែរ។ ក្រោយធ្វើជាយុវជនរបស់ព្រះខ័នរាជបាន១ឆ្នាំ វឌ្ឍនាកា បានផ្លាស់ទៅរួមរស់ជាមួយក្លិបចំការកៅស៊ូបឹងកេតនៅឆ្នាំ២០១២។
វឌ្ឍនាកា បានចំណាយពេល៥រដូវកាលជាមួយក្លិបបឹងកេតដោយបានជួយឲ្យក្លិបនេះឈ្នះពានក្របខណ្ឌមិត្តខេមបូឌានលីកឆ្នាំ២០១៦ និងឈ្នះជើងឯករងពានរង្វាន់ Toyota Mekong Club Championship ឆ្នាំ២០១៥។ វឌ្ឍនាកា ដែលឈ្នះពានស្បែកជើងមាសពានរង្វាន់ក្របខណ្ឌលីក និងពានរង្វាន់សម្តេច ហ៊ុន សែន ផងដែរនោះ បានបង្ហាញសមត្ថភាពដ៏អស្ចារ្យក្នុងក្រុមជម្រើសសជាតិក្រោមការដឹកនាំរបស់គ្រូបង្វឹកជនជាតិកូរ៉េខាងត្បូង Lee Tae Hoon៕
នៅក្នុងឆ្នាំ២០១៨-២០១៩ ខាងមុខ ចាន់ វឌ្ឍនាកា នឹងត្រូវប្រកួតទល់នឹង ធារី ចន្ថាប៊ីន និង កែវ សុខផេង នៅក្នុងក្របខណ្ឌលីកកំពូលម៉ាឡេស៊ី។ កីឡាករបាល់ទាត់ជម្រើសជាតិកម្ពុជារូបនេះ ទើបតែបានចុះកិច្ចសន្យាជាមួយក្លិប Pahang FA របស់ម៉ាឡេស៊ី បន្ទាប់ពីកីឡាករ ធារី ចន្ថាប៊ីន បានចុះកិច្ចសន្យា១ឆ្នាំជាមួយ Terengganu F.C.I និងកីឡាករ កែវ សុខផេង បានព្រមព្រៀងលេងឲ្យក្លិប PKNP FC ១រដូវកាលដូចគ្នា។
ការព្រមព្រៀងរបស់វឌ្ឍនាការ ជាមួយក្លិបPahang FA បានបង្ហាញកាន់តែច្រើននូវប្រជាប្រិយភាពរបស់ខ្សែប្រយុទ្ធក្រុមជម្រើសជាតិកម្ពុជារូបនេះនៅថ្នាក់អន្តរជាតិ។ នាឆ្នាំមុន វឌ្ឍនាកា ត្រូវបានក្លិបក្របខណ្ឌលីកលំដាប់ទី៣របស់ជប៉ុន Fujieda MYFC ខ្ចីជើងទៅលេង១រដូវកាលឆ្នាំ២០១៧-២០១៨។
ចាន់ វឌ្ឍនាកា អាយុ២៣ឆ្នាំមានស្រុកកំណើតនៅខេត្តកំពត បានប្រឡូកក្នុងវិស័យបាល់ទាត់នៅឆ្នាំ២០១១ ដោយធ្វើជាកីឡាករយុវជនរបស់ក្លិបព្រះខ័នរាជស្វាយរៀងពីឆ្នាំ២០១១ដល់ឆ្នាំ២០១២ ពេលនោះរូបគេក៏ជាសមាជិកម្នាក់នៃក្រុមជម្រើសជាតិអាយុក្រោម១៩ឆ្នាំផងដែរ។ ក្រោយធ្វើជាយុវជនរបស់ព្រះខ័នរាជបាន១ឆ្នាំ វឌ្ឍនាកា បានផ្លាស់ទៅរួមរស់ជាមួយក្លិបចំការកៅស៊ូបឹងកេតនៅឆ្នាំ២០១២។
វឌ្ឍនាកា បានចំណាយពេល៥រដូវកាលជាមួយក្លិបបឹងកេតដោយបានជួយឲ្យក្លិបនេះឈ្នះពានក្របខណ្ឌមិត្តខេមបូឌានលីកឆ្នាំ២០១៦ និងឈ្នះជើងឯករងពានរង្វាន់ Toyota Mekong Club Championship ឆ្នាំ២០១៥។ វឌ្ឍនាកា ដែលឈ្នះពានស្បែកជើងមាសពានរង្វាន់ក្របខណ្ឌលីក និងពានរង្វាន់សម្តេច ហ៊ុន សែន ផងដែរនោះ បានបង្ហាញសមត្ថភាពដ៏អស្ចារ្យក្នុងក្រុមជម្រើសសជាតិក្រោមការដឹកនាំរបស់គ្រូបង្វឹកជនជាតិកូរ៉េខាងត្បូង Lee Tae Hoon៕
Tag:
បាល់ទាត់
ចាន់ វឌ្ឍនាកា
Pahang FA
© រក្សាសិទ្ធិដោយ thmeythmey.com
