ជាតិ
ព័ត៍មានសុខភាព
មូលនិធិសកល ផ្តល់ជំនួយជាង៥៥លានដុល្លារ ចូលរួមប្រយុទ្ធនឹងជំងឺអេដស៍ និងរបេង នៅកម្ពុជា
×![]()
ដោយ: ថ្មីៗ
ហិរញ្ញប្បទានឥតសំណងចំនួន៥៥.៤លានដុល្លារ ត្រូវបានមូលនិធិសកល សម្រេចផ្តល់មកឲ្យកម្ពុជា សម្រាប់អនុវត្ត«កម្មវិធីប្រយុទ្ធប្រឆាំងជំងឺអេដស៍ និងរបេងនៅកម្ពុជា» ចាប់ពីឆ្នា២០១៨ ដល់ឆ្នាំ២០២០ ។ តាមក្រសួងសេដ្ឋកិច្ច ក្រសួងសុខាភិបាលជាអ្នកទទួលខុសត្រូវអនុវត្តកម្មវិធីនេះ ក្នុងនោះ ថវិកាសម្រាប់ការងារប្រយុទ្ធប្រឆាំងជំងឺអេដស៍ មានចំនួន៤១លានដុល្លារ និងថវិកាសម្រាប់ប្រយុទ្ធនឹងជំងឺរបេង មានចំនួនសរុបប្រមាណ ១៣ លានដុល្លារ។ 
មូលនិធិសកល បានសម្រេចផ្តល់ហិរញ្ញប្បទានឥតសំណងចំនួន៥៥.៤លានដុល្លារ ដល់កម្ពុជា សម្រាប់អនុវត្ត«កម្មវិធីប្រយុទ្ធប្រឆាំងជំងឺអេដស៍ និងរបេងនៅកម្ពុជា» ចាប់ពីឆ្នា២០១៨ ដល់ឆ្នាំ២០២០។ ពិធីចុះហត្ថលេខា លើកិច្ចព្រមព្រៀងស្តីពីហិរញ្ញប្បទាននេះ ត្រូវបានធ្វើឡើង កាលពីថ្ងៃទី១៣ ខែធ្នូ រវាង លោក ហែម វណ្ណឌី អនុរដ្ឋលេខាធិការក្រសួងសេដ្ឋកិច្ច និងលោក ម៉ាក អេឌីងតុន(Mark Edington)នាយកផ្នែកគ្រប់គ្រងថវិកាហិរញ្ញប្បទានឥតសំណង នៃមូលនិធិសកល ។
យោងតាមសេចក្តីជូនដំណឹងរបស់ក្រសួងសេដ្ឋកិច្ច និងហិរញ្ញវត្ថុ ក្នុងកម្មវិធីដែលមានតម្លៃជាង ៥៥.៤លានដុល្លារនេះ មូលនិធិសកលមានគោលដៅ ផ្តល់ការគាំទ្រពេញទំហឹងដល់រាជរដ្ឋាភិបាលកម្ពុជា លើកិច្ចប្រឹងប្រែងប្រយុទ្ធប្រឆាំងនឹងជំងឺអេដស៍ និងជំងឺរបេង នៅទូទាំងប្រទេស ព្រមទាំងជួយពង្រឹងនិរន្តរភាព នៃប្រព័ន្ធសុខាភិបាលនៅកម្ពុជា។
ថវិកាសម្រាប់ការងារប្រយុទ្ធប្រឆាំងជំងឺអេដស៍ មានចំនួនសរុប៤១លានដុល្លារ និងថវិកាសម្រាប់ប្រយុទ្ធនឹងជំងឺរបេង មានចំនួនសរុបប្រមាណ ១៣ លានដុល្លារ ហើយក្រសួងសុខាភិបាល នឹងទទួលខុសត្រូវដឹកនាំអនុវត្តកម្មវិធីនេះ។
នេះជាគម្រោងទី១ ដែលមូលនិធិសកល ឯកភាពទទួលយកប្រព័ន្ធប្រទេសរបស់កម្ពុជា(Country System) សម្រាប់អនុវត្តការប្រើប្រាស់នីតិវិធីប្រតិបត្តិការ និងយន្តការស្ថាប័ន។ ការដាក់ឲ្យប្រើប្រាស់ប្រព័ន្ធប្រទេសនេះ មិនត្រឹមតែជួយលើកម្ពស់ប្រសិទ្ធភាពអនុវត្តគម្រោង និងពង្រឹងសមត្ថភាពទទួលខុសត្រូវរបស់ក្រសួង-ស្ថាប័នអនុវត្តគម្រោងប៉ុណ្ណោះទេ តែថែមទាំងជាសក្ខីភាពបង្ហាញពីជំនឿចិត្តកាន់តែរឹងមាំជាងមុនរបស់មូលនិធិសកល ចំពោះសមត្ថភាព និងភាពជាម្ចាស់របស់រាជរដ្ឋាភិបាល លើការគ្រប់គ្រងគម្រោងអភិវឌ្ឍន៍ថែមទៀតផង។
មូលនិធិសកល នឹងចាប់ផ្តើមបើកផ្តល់សាច់ប្រាក់សម្រាប់យកមកអនុវត្តន៍កម្មវិធី នៅដើមខែមករា ឆ្នាំ២០១៨ ហើយតំណាងជាន់ខ្ពស់របស់មូលនិធិសកល គ្រោងមកបំពេញបេសសកម្មនៅកម្ពុជានាពេលឆាប់ៗ ដើម្បីចូលរួមក្នុងការប្រារព្ធពិធីប្រកាសដាក់ឲ្យអនុវត្តកម្មវិធីនេះផ្លូវការ៕
មូលនិធិសកល បានសម្រេចផ្តល់ហិរញ្ញប្បទានឥតសំណងចំនួន៥៥.៤លានដុល្លារ ដល់កម្ពុជា សម្រាប់អនុវត្ត«កម្មវិធីប្រយុទ្ធប្រឆាំងជំងឺអេដស៍ និងរបេងនៅកម្ពុជា» ចាប់ពីឆ្នា២០១៨ ដល់ឆ្នាំ២០២០។ ពិធីចុះហត្ថលេខា លើកិច្ចព្រមព្រៀងស្តីពីហិរញ្ញប្បទាននេះ ត្រូវបានធ្វើឡើង កាលពីថ្ងៃទី១៣ ខែធ្នូ រវាង លោក ហែម វណ្ណឌី អនុរដ្ឋលេខាធិការក្រសួងសេដ្ឋកិច្ច និងលោក ម៉ាក អេឌីងតុន(Mark Edington)នាយកផ្នែកគ្រប់គ្រងថវិកាហិរញ្ញប្បទានឥតសំណង នៃមូលនិធិសកល ។
យោងតាមសេចក្តីជូនដំណឹងរបស់ក្រសួងសេដ្ឋកិច្ច និងហិរញ្ញវត្ថុ ក្នុងកម្មវិធីដែលមានតម្លៃជាង ៥៥.៤លានដុល្លារនេះ មូលនិធិសកលមានគោលដៅ ផ្តល់ការគាំទ្រពេញទំហឹងដល់រាជរដ្ឋាភិបាលកម្ពុជា លើកិច្ចប្រឹងប្រែងប្រយុទ្ធប្រឆាំងនឹងជំងឺអេដស៍ និងជំងឺរបេង នៅទូទាំងប្រទេស ព្រមទាំងជួយពង្រឹងនិរន្តរភាព នៃប្រព័ន្ធសុខាភិបាលនៅកម្ពុជា។
ថវិកាសម្រាប់ការងារប្រយុទ្ធប្រឆាំងជំងឺអេដស៍ មានចំនួនសរុប៤១លានដុល្លារ និងថវិកាសម្រាប់ប្រយុទ្ធនឹងជំងឺរបេង មានចំនួនសរុបប្រមាណ ១៣ លានដុល្លារ ហើយក្រសួងសុខាភិបាល នឹងទទួលខុសត្រូវដឹកនាំអនុវត្តកម្មវិធីនេះ។
នេះជាគម្រោងទី១ ដែលមូលនិធិសកល ឯកភាពទទួលយកប្រព័ន្ធប្រទេសរបស់កម្ពុជា(Country System) សម្រាប់អនុវត្តការប្រើប្រាស់នីតិវិធីប្រតិបត្តិការ និងយន្តការស្ថាប័ន។ ការដាក់ឲ្យប្រើប្រាស់ប្រព័ន្ធប្រទេសនេះ មិនត្រឹមតែជួយលើកម្ពស់ប្រសិទ្ធភាពអនុវត្តគម្រោង និងពង្រឹងសមត្ថភាពទទួលខុសត្រូវរបស់ក្រសួង-ស្ថាប័នអនុវត្តគម្រោងប៉ុណ្ណោះទេ តែថែមទាំងជាសក្ខីភាពបង្ហាញពីជំនឿចិត្តកាន់តែរឹងមាំជាងមុនរបស់មូលនិធិសកល ចំពោះសមត្ថភាព និងភាពជាម្ចាស់របស់រាជរដ្ឋាភិបាល លើការគ្រប់គ្រងគម្រោងអភិវឌ្ឍន៍ថែមទៀតផង។
មូលនិធិសកល នឹងចាប់ផ្តើមបើកផ្តល់សាច់ប្រាក់សម្រាប់យកមកអនុវត្តន៍កម្មវិធី នៅដើមខែមករា ឆ្នាំ២០១៨ ហើយតំណាងជាន់ខ្ពស់របស់មូលនិធិសកល គ្រោងមកបំពេញបេសសកម្មនៅកម្ពុជានាពេលឆាប់ៗ ដើម្បីចូលរួមក្នុងការប្រារព្ធពិធីប្រកាសដាក់ឲ្យអនុវត្តកម្មវិធីនេះផ្លូវការ៕
Tag:
ជំនួយ
សុខាភិបាល
របេង
អេដស៍
© រក្សាសិទ្ធិដោយ thmeythmey.com
