ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
វីដេអូ
កណ្តុរហិតមីន មានសមត្ថភាពអាចរុករកសារធាតុផ្ទុះក្នុងជម្រៅដីពី៣០ ទៅ ៤០ សង់ទីម៉ែត្រ
20, Dec 2017 ,
4:35 pm
រូបភាព
×
ដោយ:
អុីសា រ៉ហានី (Isa Rohany)
សៀមរាម៖ សត្វកណ្តុរ និងសុនខ បាននិងកំពុងក្លាយជាឧបករណ៍ជំនួយរាវរកមីនដ៏សំខាន់ សម្រាប់បណ្តាប្រទេសមួយចំនួន ក្នុងនោះក៏មានកម្ពុជាផងដែរ។ កណ្តុរហិតមីន ត្រូវបាននាំចូលដោយអង្គការ អាប៉ូប៉ូ (Apopo) ដែលជាដៃគូដ៏សំខាន់របស់អង្គការ ស៊ីម៉ាក់។
សត្វកណ្តុរហិតមីន ត្រូវបាននាំចូលពីប្រទេសនៅតំបន់អាហ្វ្រិក។ គេត្រូវបន្សុាំវាឱ្យផ្សុាំទៅនឹងអាកាសធាតុនៅតំបន់រាវរកមីនយ៉ាងហោចណាស់ចន្លោះពី ១ឆ្នាំទៅ២ឆ្នាំ មុននឹងដាក់វាឱ្យប្រតិបត្តិការរុករកសារធាតុផ្ទុះផ្សេងៗ។ នេះបើតាមការឱ្យដឹងពីលោក ផូម៉ាកាហ្សី ជនជាតិអង់គ្លេស ដែលជាប្រធានគម្រោងរបស់ អង្គការ អេប៉ូប៉ូ ដែលមានស្នាក់ការនៅខេត្តសៀមរាប ។
លោក ផូ ម៉ាកាហ្សី បានបន្តឱ្យដឹងថា កណ្តុរហិតមីន អាចប្រតិបត្តិការរុករកសារធាតុផ្ទុះពី៦ឆ្នាំ ទៅ៨ឆ្នាំ ដោយវាមានសមត្ថភាពហិតក្នុងជម្រៅដីពី ៣០ ទៅ៤០ សង់ទីម៉ែត្រឯណោះ។ អ្វីដែលពិសេសទៀតនោះ គឺវាមានសមត្ថភាពហិតរកតែសារធាតុរំសេវ ឬជាតិផ្ទុះតែប៉ុណ្ណោះ ខុសពីគ្រឿងម៉ាស៊ីន ដែលពិបាកក្នុងការរុករក ព្រោះថា វាចាប់រាល់សារធាតុដែក ដែលមានក្នុងដី ដែលធ្វើឱ្យយឺតយ៉ាវក្នុងការសម្អាតមីននៅកម្ពុជា។
នៅខេត្តសៀមរាប សត្វកណ្តុរ និងសុនខ ត្រូវបានគេដាក់ក្នុងប្រតិបត្តិការហិតមីននៅគោលដៅឃុំស្រែណូយ ស្រុកវ៉ារិន ជាមួយសកម្មភាពប្រតិបត្តិការរាវរកមីនរបស់កងឯកភាពចំចាត់មីនកម្ពុជាទី៤ ដែលមានទីបញ្ជាការនៅមជ្ឈមណ្ឌលសកម្មភាពកំចាត់មីនកម្ពុជា។ តាមប្រធានអង្គការ អាប៉ូប៉ូ សត្វកណ្តុរសម្រាប់ហិតមីននេះ គឺមានអាជ្ញាបណ្ណ័បញ្ជាក់ពីប្រទេសដៃគូរ ក្រោយមានការត្រួតពិនិត្យយ៉ាងត្រឹមត្រូវរួចមក ថាវាពិតជាមានសមត្ថភាពហិតក្លិនរកសារធាតុមីន ឬគ្រឿងយុទ្ធភ័ណ្ណមិនទាន់ផ្ទុះ។ សត្វកណ្តុរ វាធ្វើការដូចទៅនឹងមនុស្សដែរ គឺវាអាចធ្វើការបានយូរ នៅពេលអាកាសធាតុត្រជាក់ល្អ ហើយវាធន់នឹងអាកាសធាតុរហូតដល់៣៩អង្សាសេ ៕
សូមទស្សនាវីដេអូខាងក្រោមនេះ៖
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
កណ្តុរហិតមីន
អង្គការអាប៉ូប៉ូ
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 សប្តាហ៍
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
4 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
2 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
4 ថ្ងៃ
អត្ថបទពេញនិយមបន្ថែម