ពីនេះ ពីនោះ
ព័ត៍មានសុខភាព
ការញ៉ាំផ្សិតជាអាហារពេលព្រឹកអាចជួយឲ្យមានអារម្មណ៍ឆាប់ឆ្អែតបាន
× យោងទៅតាមសេចក្តីរាយការណ៍របស់ Mail Online បានឲ្យដឹងថា ការចាប់ផ្តើមថ្ងៃថ្មីជាមួយនឹងផ្សិតអាចជួយអ្នកសមរ្កទម្ងន់ចង្កេះបាន។ អ្នកស្រាវជ្រាវជនជាតិអាមេរិកចង់ដឹងថាតើការញ៉ាំផ្សិតជាអាហារពេលព្រឹកអាចធ្វើឲ្យមនុស្សយើងមានអារម្មណ៍ឆាប់ឆ្អែតឬអត់។
ការដែលមានអារម្មណ៍ឆ្អែតអាចជាផ្នែកមួយដ៏សំខាន់នៃការរៀបចំគម្រោងសម្រកទម្ងន់បានយ៉ាងជោគជ័យ ដោយសារតែអ្នកនឹងមិនឃ្លានចង់ញ៉ាំអ្វីដែលមានកាឡូរីច្រើនៗទៀតដែរ។
អ្នកស្រាវជ្រាវបានធ្វើការសិក្សាទៅលើក្រុមមនុស្សដ៏តូចមួយមកពីសាកលវិទ្យាល័យ US។ អ្នកចូលរួមទាំងនោះតម្រូវឲ្យញ៉ាំទាំងសាំងវិចផ្សិត និងសាំងវិញសាច់គោរាល់ថ្ងៃជាអាហារពេលព្រឹករយៈពេល ១០ថ្ងៃ បន្ទាប់មកក៏ត្រូវញ៉ាំឆ្លាស់គ្នាវិញរយៈពេល១០ថ្ងៃទៀត។
អ្នកដែលញ៉ាំផ្សិតប្រាប់ថា មានអារម្មណ៍ឆាប់ផ្អែតក្នុងពេលញ៉ាំបានមួយម៉ោងក្រោយ ប៉ុន្តែវាក៏មិនបានផ្លាស់ប្តូរថាមពលរបស់ពួកគេដែរក្នុងពេលសិក្សានេះ។ អ្នកស្រាវជ្រាវបានផ្តល់នូវការពន្យល់មួយចំពោះមូលហេតុដែលធ្វើឲ្យមនុស្សដែលញ៉ាំផ្សិតឆាប់ផ្អែត។ នេះដោយសារតែ ប្រូតេអ៊ីនក្នុងអាហារមួយនេះច្រើនជាងសាច់គោ។
ការសិក្សាក៏បានបញ្ជាក់ថា ផ្សិតគឺមានជាតិសរសៃច្រើនជាងសាច់គោ ហើយជាតិសរសៃនេះនឹងជួយឲ្យញ៉ាំឆាប់ឆ្អែត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com