ពីនេះ ពីនោះ
ព័ត៍មានសុខភាព
ការអង្គុយរាល់ថ្ងៃអាចធ្វើឲ្យខូច DNA ដែរទេ?
× យោងទៅតាមសេចក្តីរាយការណ៍របស់សារព័ត៌មាន BBC News បានឲ្យដឹងថា ស្ត្រីដែលមាននិន្នាការរបៀបរស់នៅបែបស៊ីដេកៗគឺមានកោសិកាចាស់ៗច្រើនជាងអ្នកដែលហាត់ប្រាណរាល់ថ្ងៃ។ ការស្រាវជ្រាវនេះបានពិនិត្យទៅលើ Telomeres ដែលវាជាមូលេគុលសម្រាប់ការពារច្រវាក់ក្រូមូសូម។
Telomeres នឹងខ្លីទៅៗគ្រប់ពេលដែលព័ត៌មានហ្សែនក្នុងកោសិកាត្រូវបានបំបែកខ្លួនជាពីរ។ វាត្រូវបានគេជឿថា រឿងនេះនឹងធ្វើឲ្យកោសិកាកាន់តែចាស់ទៅៗ និងស្លាប់។
ក្នុងការសិក្សាលើស្ត្រីវ័យចំណាស់ អ្នកស្រាវជ្រាវចង់ដឹងថា តើមានទំនាក់ទំនងរវាងការចំណាយពេលអង្គុយ និងប្រវែងរបស់ Telomere ដែរឬអត់។
ក្នុងចំណោមស្ត្រីដែលស្ថិតក្នុងការសិក្សានេះតម្រូវឲ្យធ្វើសកម្មភាពរាងកាយតិចជាង ៤០នាទីក្នុងមួយថ្ងៃ ហើយអ្នកដែលអង្គុយយូរបំផុតនោះត្រូវបានគេរកឃើញថា Telomeres របស់ពួកគេមានលក្ខណៈខ្លីបន្តិច។
ពេលវេលានៃការអង្គុយហាក់បីដូចជាមិនជាប់ទាក់ទងនឹងប្រវែងរបស់ Telomere សម្រាប់ស្ត្រីដែលធ្វើសកម្មភាពរាងកាយរាងកាយយ៉ាងហោចណាស់ ៣០នាទីក្នុងមួយថ្ងៃឡើយ។ យ៉ាងណាមិញ យើងមិនដឹងថាតើលទ្ធផលនៃការសិក្សានេះអាចប្រើលើបុរស ឬអ្នកដែលមានអាយុវ័យក្មេងឬអត់ឡើយ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com