ពីនេះ ពីនោះ
ព័ត៍មានសុខភាព
តេស្តដោយការដកដង្ហើមអាចរកឃើញជំងឺមហារីកដែរ
× យោងទៅតាមសេចក្តីរាយការណ៍របសសារព័ត៌មាន The Daily Telegraph បានឲ្យដឹងថា តេស្តដោយការដកដង្ហើមអាចសង្គ្រោះជីវិតមនុស្សបានតាមរយៈការកំណត់រោគវិនិច្ឆ័យជំងឺមហារីកទាន់ពេលវេលា។ រឿងនេះបានមកពីការស្រាវជ្រាវថ្មីមួយថាតើវាអាចទៅរួចទេក្នុងការរកជំងឺមហារីកក្រពះ និងបំពង់លើក្រពះតាមរយៈការធ្វើតេស្តដោយការដកដង្ហើម។
សារធាតុ៥យ៉ាងដែលមានសារធាតុគីមីសំខាន់ ត្រូវបានគេធ្វើតេស្តតាមរយៈការដកដង្ហើមលើអ្នកដែលធ្លាប់ថតឆ្លុះក្រពះពីមុនដើម្បីរកមើលអាការៈនៃបញ្ហាផ្លូវដង្ហើមខាងលើប្រមាណច្រើនជាង ៣០០នាក់។ អ្នកស្រាវជ្រាវបានរកឃើញថា សារធាតុ៤យ៉ាងត្រូវបានបញ្ជាក់លក្ខណៈខុសៗគ្នាក្នុងថ្នាលនៃការដកដង្ហើមចេញរបស់អ្នកជំងឺមហារីកនៅពេលប្រៀបធៀបជាមយយអ្នកដែលគ្មានជំងឺមហារីក។
តេស្តនៃការដកដង្ហើមនេះអាចបញ្ជាក់អំពីជំងឺមហារីកប្រហែល ៨០ភាគរយយ៉ាងត្រឹមត្រូវ ហើយជាមួយគ្នានេះដែរ វាក៏អាចទាត់ចោលជំងឺមហារីកចំពោះអ្នកដែលគ្មានប្រហែល ៨០ភាគរយយ៉ាងត្រឹមត្រូវដែរ។
យ៉ាងណាមិញ ភាគច្រើនអ្នកដែលមានជំងឺមហារីកហើយចូលរួមសិក្សានេះ គឺមហារីករាលដាលទៅដល់កូនកណ្តុរទៅហើយ។ វាគឺជារឿងមិនច្បាស់ឡើយបើសិនជាការធ្វើតេស្តដកដង្ហើមអាចរកឃើញករណីធ្ងន់ធ្ងរតិចតួចឬអត់នោះ។
ទាំងមហារីកបំពង់លើក្រពះ និងក្រពះងាយនឹងរកមិនឃើញណាស់ដោយសារតែដំណាក់កាលភ្លាមៗរបស់ជំងឺនេះមិនមានបង្កជាអាការៈអ្វីគួរឲ្យកត់សម្គាល់ឡើយ។
ការធ្វើតេស្តដោយដកដង្ហើមគឺគ្រប់គ្រាន់នឹងការសម្គាល់សារធាតុរបស់មហារីក ហើយក៏អាចឲ្យយើងកំណត់រោគវិនិច្ឆ័យបានលឿនដែរ។ យ៉ាងណាមិញ តេស្តនេះមិនអាចជឿជាក់ទាំងស្រុងនៅឡើយទេ ហើយវាក៏ត្រូវការការសិក្សាទ្រង់ទ្រាយធំជាងនេះផងដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com