ពីនេះ ពីនោះ
×![]()
ដោយ: ថ្មីៗ
ជាទូទៅសាធារណជនមួយចំនួននៅតែមិនទាន់កំណត់ឲ្យច្បាស់ថា ពាក្យណាប្រើក្នុងន័យណាឡើយ ដូចជាពាក្យ «និង»,«នឹង»និង«ហ្នឹង» ដោយសង្កេតឃើញអ្នកសរសេរច្រើនតែប្រើខុស។ ការពិតពាក្យទាំងអស់នេះមានអត្ថន័យផ្សេងគ្នា ហើយការប្រើប្រាស់ក៏ខុសគ្នាដែរ។
វចនានុក្រមសម្តេចព្រះសង្ឃរាជ ជួន ណាត ពាក្យ «និង»មានន័យថា សព្ទជាសន្ធាន សម្រាប់និយាយតពាក្យ ឬតឃ្លារបះពីមួយទៅមួយ ដែលមានដំណើរសេចក្តីថា ទាំង, ព្រមទាំង, នេះផង, នុះផង។ ឧទាហរណ៍៖ អ្នក និងខ្ញុំ, គោ និងក្របី, សុខ និងទុក្ខ ជាដើម។
«នឹង»មានន័យថា ពាក្យជាកិរិយានុគ្រោះសម្រាប់និយាយនាំមុខកិរិយាសព្ទប្រាប់អនាគតកាលទៅខាងមុខដូចជា ប្រាកដជា, គង់តែ, មុខជា។ ឧទាហរណ៍៖ ស្អែកខ្ញុំនឹងទៅផ្ទះអ្នក, យើងគង់តែនឹងបានជួបគ្នាទៀតក្នុងថ្ងៃណាមួយជាពុំខាន។
ចំណែកឯពាក្យ«ហ្នឹង»មានន័យថា ដូច្នឹង, អ៊ឹចឹង, អើ, ហ្នឹងហើយ, នុះហើយ, ហ្នឹងឯង, ដំណើរហ្នឹង, ដំណើរនុះ។ ឧទាហរណ៍៖ ឯងហ្នឹងហើយ! ដែលញុំាច្រើនជាងគេ។ «ហ្នឹង»បើនិយាយមានសំឡេងខ្ពស់ស្រួចខ្លាំង ត្រូវសរសេរដាក់ជើងក្អែក(+)នេះពីលើ ហ្នឹ៎ងហើយ! ហ្នឹ៎ងឯង!(សម្រាប់សម្ដីសាមញ្ញ)។ នេះបើផ្អែកលើវចនានុក្រមសម្តេចព្រះសង្ឃរាជ ជួន ណាត ដដែល៕
វចនានុក្រមសម្តេចព្រះសង្ឃរាជ ជួន ណាត ពាក្យ «និង»មានន័យថា សព្ទជាសន្ធាន សម្រាប់និយាយតពាក្យ ឬតឃ្លារបះពីមួយទៅមួយ ដែលមានដំណើរសេចក្តីថា ទាំង, ព្រមទាំង, នេះផង, នុះផង។ ឧទាហរណ៍៖ អ្នក និងខ្ញុំ, គោ និងក្របី, សុខ និងទុក្ខ ជាដើម។
«នឹង»មានន័យថា ពាក្យជាកិរិយានុគ្រោះសម្រាប់និយាយនាំមុខកិរិយាសព្ទប្រាប់អនាគតកាលទៅខាងមុខដូចជា ប្រាកដជា, គង់តែ, មុខជា។ ឧទាហរណ៍៖ ស្អែកខ្ញុំនឹងទៅផ្ទះអ្នក, យើងគង់តែនឹងបានជួបគ្នាទៀតក្នុងថ្ងៃណាមួយជាពុំខាន។
ចំណែកឯពាក្យ«ហ្នឹង»មានន័យថា ដូច្នឹង, អ៊ឹចឹង, អើ, ហ្នឹងហើយ, នុះហើយ, ហ្នឹងឯង, ដំណើរហ្នឹង, ដំណើរនុះ។ ឧទាហរណ៍៖ ឯងហ្នឹងហើយ! ដែលញុំាច្រើនជាងគេ។ «ហ្នឹង»បើនិយាយមានសំឡេងខ្ពស់ស្រួចខ្លាំង ត្រូវសរសេរដាក់ជើងក្អែក(+)នេះពីលើ ហ្នឹ៎ងហើយ! ហ្នឹ៎ងឯង!(សម្រាប់សម្ដីសាមញ្ញ)។ នេះបើផ្អែកលើវចនានុក្រមសម្តេចព្រះសង្ឃរាជ ជួន ណាត ដដែល៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
