កីឡាអន្តរជាតិ
អន្តរជាតិ
Kane បំបែកកំណត់ត្រាលើការស៊ុតបាល់បញ្ចូលទី ហើយប្តេជ្ញាធ្វើឲ្យខ្លាំងដូច Messi និង Ronaldo
×![]()
ដោយ: ទេព ពិទូរ្យ
Harry Kane ខ្សែប្រយុទ្ធរបស់ក្រុម Tottenham Hotspurs បានបំបែកកំណត់ត្រាស៊ុតបញ្ចូលទី ច្រើនបំផុតនៅ Premier League របស់ Alan Shearer បន្ទាប់ពីធ្វើបាន Hat trick ក្នុងការប្រកួតជាមួយ Southampton នាជំនួបក្នុងថ្ងៃ Boxing Day។ Kane បានប្រៀបខ្លួនទៅនឹង Lionel Messi និង Cristiano Ronaldo ដោយប្តេជ្ញាថានឹងវិវត្តន៍ខ្លួនដូចកីឡាករឆ្នើមទាំងពីរនេះ។
ខ្សែប្រយុទ្ធអន្តរជាតិអង់គ្លេស វ័យ២៤ឆ្នាំ ធ្វើបាន ៣៩គ្រាប់ហើយសម្រាប់ការប្រកួតក្នុងក្របខណ្ឌកំពូលអង់គ្លេសឆ្នាំ២០១៧នេះ ដែលអាចបំបែកកំណត់ត្រាចាស់អតីតខ្សែប្រយុទ្ធឆ្នើមរបស់ Newcastle United លោក Alan Shearer ដែលធ្លាប់ធ្វើបាន៣៦គ្រាប់កាលពីឆ្នាំ១៩៩៥។
លើសពីនេះអតីតម្ចាស់ស្បែកជើងមាស Premier League ២សម័យ ក៏បានក្លាយជាអ្នករកគ្រាប់បាល់ច្រើនជាងគេនៅតំបន់អឺរ៉ុបផងដែរសម្រាប់ក្លិប និងជម្រើសជាតិក្រោយស៊ុតបញ្ចូលទីពីគ្រប់ការប្រកួតសរុប ៥៦គ្រាប់ប្រចាំឆ្នាំ២០១៧។
ការធ្វើបាន Hat trick ពីរលើកជាប់គ្នារបស់ Kane បានធ្វើឲ្យរូបគេអាចនាំមុនគ្រាប់បាល់ Leonel Messi ចំនួន២គ្រាប់សម្រាប់ការបង្ហាញខ្លួនឲ្យជម្រើសជាតិអាហ្សង់ទីន និង Barcelona ហើយលើស Cristiano Ronaldo ៣គ្រាប់សម្រាប់ការបង្ហាញខ្លួនឲ្យជម្រើសជាតិព័រទុយហ្គាល់ និង Real Madrid គិតត្រឹមឆ្នាំ២០១៧ នេះ។
«វាជាឆ្នាំដ៏អស្ចារ្យ។ នេះជាការវិវត្តន៍ខ្លួនយ៉ាងល្អពីមួយឆ្នាំទៅមួយឆ្នាំ។ ទាំងអស់នេះជាអ្វីដែលខ្ញុំធ្វើបានក្នុងអាជីព ហើយខ្ញុំនឹងបន្តធ្វើវាឲ្យបានល្អជាងនេះទៀត»។ នេះជាការលើកឡើងរបស់ Kane ហើយរូបគេបន្តថា៖«Messi និង Ronaldo បានត្រួតត្រាលើកីឡាបាល់ទាត់អស់រយៈពេលជាយូរណាស់មកហើយ ហើយអ្នកទាំងពីរជាកំពូលកីឡាករល្អបំផុតមិនធ្លាប់មានពីមុនមក។ សូម្បីតែខ្ញុំក៏ចង់ប្រៀបខ្លួនជាមួយពួកគេដែរ ហើយនេះជាអារម្មណ៍ដ៏អស្ចារ្យមួយ»៕
ខ្សែប្រយុទ្ធអន្តរជាតិអង់គ្លេស វ័យ២៤ឆ្នាំ ធ្វើបាន ៣៩គ្រាប់ហើយសម្រាប់ការប្រកួតក្នុងក្របខណ្ឌកំពូលអង់គ្លេសឆ្នាំ២០១៧នេះ ដែលអាចបំបែកកំណត់ត្រាចាស់អតីតខ្សែប្រយុទ្ធឆ្នើមរបស់ Newcastle United លោក Alan Shearer ដែលធ្លាប់ធ្វើបាន៣៦គ្រាប់កាលពីឆ្នាំ១៩៩៥។
លើសពីនេះអតីតម្ចាស់ស្បែកជើងមាស Premier League ២សម័យ ក៏បានក្លាយជាអ្នករកគ្រាប់បាល់ច្រើនជាងគេនៅតំបន់អឺរ៉ុបផងដែរសម្រាប់ក្លិប និងជម្រើសជាតិក្រោយស៊ុតបញ្ចូលទីពីគ្រប់ការប្រកួតសរុប ៥៦គ្រាប់ប្រចាំឆ្នាំ២០១៧។
ការធ្វើបាន Hat trick ពីរលើកជាប់គ្នារបស់ Kane បានធ្វើឲ្យរូបគេអាចនាំមុនគ្រាប់បាល់ Leonel Messi ចំនួន២គ្រាប់សម្រាប់ការបង្ហាញខ្លួនឲ្យជម្រើសជាតិអាហ្សង់ទីន និង Barcelona ហើយលើស Cristiano Ronaldo ៣គ្រាប់សម្រាប់ការបង្ហាញខ្លួនឲ្យជម្រើសជាតិព័រទុយហ្គាល់ និង Real Madrid គិតត្រឹមឆ្នាំ២០១៧ នេះ។
«វាជាឆ្នាំដ៏អស្ចារ្យ។ នេះជាការវិវត្តន៍ខ្លួនយ៉ាងល្អពីមួយឆ្នាំទៅមួយឆ្នាំ។ ទាំងអស់នេះជាអ្វីដែលខ្ញុំធ្វើបានក្នុងអាជីព ហើយខ្ញុំនឹងបន្តធ្វើវាឲ្យបានល្អជាងនេះទៀត»។ នេះជាការលើកឡើងរបស់ Kane ហើយរូបគេបន្តថា៖«Messi និង Ronaldo បានត្រួតត្រាលើកីឡាបាល់ទាត់អស់រយៈពេលជាយូរណាស់មកហើយ ហើយអ្នកទាំងពីរជាកំពូលកីឡាករល្អបំផុតមិនធ្លាប់មានពីមុនមក។ សូម្បីតែខ្ញុំក៏ចង់ប្រៀបខ្លួនជាមួយពួកគេដែរ ហើយនេះជាអារម្មណ៍ដ៏អស្ចារ្យមួយ»៕
Tag:
បាល់ទាត់
Harry Kane
បំបែកកំណត់ត្រា
© រក្សាសិទ្ធិដោយ thmeythmey.com
