ជាតិ
នយោបាយជាតិ
សម្តេចក្រុមព្រះ នរោត្តម រណឫទ្ធិ ប្រធានគណបក្សហ៊្វុនស៊ិនប៉ិច
×![]()
ដោយ: ម៉ៅ សុផា
ភ្នំពេញ៖ គណបក្សហ្វ៊ុនស៊ិនប៉ិច ដែលមានសម្តេចក្រុមព្រះ នរោត្តម រណឫទ្ធិ ជាប្រធាន បានចេញសេចក្តីថ្លែងការណ៍មួយភ្លាម ដើម្បីបដិសេធថា មិនបានទទួលជំនួយផ្នែកហិរញ្ញវត្ថុពីបក្សកុម្មុនីស្តចិន នោះទេ។ គណបក្សហ្វ៊ុនស៊ិនប៉ិច ចេញសេចក្តីថ្លែងការណ៍ការពារខ្លួនយ៉ាងដូច្នេះ បន្ទាប់ពីមានការរិះគន់ជាបន្តបន្ទាប់ថា គណបក្សរាជនិយមមួយនេះ សុំជំនួយពីបក្សកុម្មុនីស្តចិន ដែលផ្ទុយទៅនឹងច្បាប់ស្តីពីគណបក្សនយោបាយ។
សារព័ត៌មាន បានដកស្រង់សម្តីរបស់ក្រុមអ្នកវិភាគនយោបាយ មកចុះផ្សាយជាហូរហែថា ប្រសិនបើគណបក្សហ្វ៊ុនស៊ិនប៉ិច ទទួលជំនួយពីបក្សកុម្មុយនីស្តចិនមែននោះ ក្រសួងមហាផ្ទៃ អាចប្តឹងទៅតុលាការកំពូល ដើម្បីសុំឲ្យរំលាយចោលបាន ដូចទៅនឹងករណីគណបក្សសង្គ្រោះជាតិ។
ក្រុមអ្នកវិភាគ រួមទាំងសាធារណជនមួយចំនួន បាននាំគ្នាផ្តោតលើប្រធានបទនេះ បន្ទាពីសម្តេចក្រុមព្រះ មានបន្ទូលទៅកាន់ក្រុមអ្នកកាសែតថា ព្រះអង្គ សុំឲ្យបក្សកុម្មុយនីស្តចិន ជួយផ្តល់ជំនួយផ្សេងៗ មកដល់គណបក្សហ្វ៊ុនស៊ិនប៉ិច ដូចជា កំព្យូទ័រ សៀវភៅសរសេរ និងប៊ិច ជាដើម។ ព្រះអង្គ ប្រាប់អ្នកកាសែតទៀតថា ព្រះអង្គក៏បានសុំឲ្យប្រទេសចិន ជួយគណបក្សហ្វ៊ុនស៊ិនប៉ិច ក្នុងការបោះឆ្នោតនៅឆ្នាំ២០១៨ដែរ។
យ៉ាងណាក៏ដោយ ព្រះអង្គ ពុំបានមានបន្ទូលឲ្យចំនោះទេថា ព្រះអង្គ សុំជំនួយផ្នែកថវិកាពីបក្សកុម្មុយនីស្តចិន។ កាលពីថ្ងៃ២៥ ខែធ្នូ ឆ្នាំ២០១៧ ព្រះអង្គ បានជួបពិភាក្សាជាមួយគណបក្សប្រតិភូចិន ដែលដឹកនាំដោយលោក វ៉ាង វៃគួង (Wang Weiguang)។
ប៉ុន្តែ តាមរយៈសេចក្តីថ្លែងការណ៍ខាងលើ គណបក្សហ្វ៊ុនស៊ិនប៉ិច បានបំភ្លឺថា ក្នុងជំនួបនោះ សម្តេចក្រុមព្រះ មានបន្ទូលច្រើនពីចំណងមេត្រីភាព រវាងព្រះបរមរតនកោដ្ឋ ព្រះបាទ នរោត្តម សីហនុ ជាមួយថ្នាក់ដឹកនាំគ្រប់ជំនាន់នៃបក្សកុម្មុនីស្តចិនប៉ុណ្ណោះ ដោយមិនបានសុំជំនួយផ្នែកថវិកាឡើយ។ សេចក្តីថ្លែងការណ៍ បន្តថា សម្តេចក្រុមព្រះ ក៏បានអរគុណប្រទេសចិនផងដែរ ដែលបានជួយពិនិត្យព្រះរាជសុខភាពព្រះបាទ នរោត្តម សីហមុនី និង សម្ដេចព្រះមហាក្សត្រី ព្រះវររាជមាតា នរោត្តម មុនិនាថ សីហនុ រួមទាំងបានផ្តល់ជំនួយផ្សេងៗដល់ប្រទេសកម្ពុជា ដើម្បីយកមកអភិវឌ្ឍលើវិស័យនានា។
«គណបក្សហ្វ៊ុនស៊ិនប៉ិច ពុំដែលបានទទួលវិភាគទាន គឺជំនួយជាហិរញ្ញវត្ថុ ពីបក្សកុម្មុយនីស្តចិនម្តងណាឡើយ ហើយបក្សកម្មុយនីស្តចិន ក៏មិនដែលបានផ្តល់វិភាគទានខាងលើដល់គណបក្សហ្វ៊ុនស៊ិនប៉ិចដែរ»។ នេះជាការបញ្ជាក់ចុងក្រោយរបស់គណបក្សហ្វ៊ុនស៊ិនប៉ិច នៅក្នុងសេចក្តីថ្លែងការណ៍៕
សារព័ត៌មាន បានដកស្រង់សម្តីរបស់ក្រុមអ្នកវិភាគនយោបាយ មកចុះផ្សាយជាហូរហែថា ប្រសិនបើគណបក្សហ្វ៊ុនស៊ិនប៉ិច ទទួលជំនួយពីបក្សកុម្មុយនីស្តចិនមែននោះ ក្រសួងមហាផ្ទៃ អាចប្តឹងទៅតុលាការកំពូល ដើម្បីសុំឲ្យរំលាយចោលបាន ដូចទៅនឹងករណីគណបក្សសង្គ្រោះជាតិ។
ក្រុមអ្នកវិភាគ រួមទាំងសាធារណជនមួយចំនួន បាននាំគ្នាផ្តោតលើប្រធានបទនេះ បន្ទាពីសម្តេចក្រុមព្រះ មានបន្ទូលទៅកាន់ក្រុមអ្នកកាសែតថា ព្រះអង្គ សុំឲ្យបក្សកុម្មុយនីស្តចិន ជួយផ្តល់ជំនួយផ្សេងៗ មកដល់គណបក្សហ្វ៊ុនស៊ិនប៉ិច ដូចជា កំព្យូទ័រ សៀវភៅសរសេរ និងប៊ិច ជាដើម។ ព្រះអង្គ ប្រាប់អ្នកកាសែតទៀតថា ព្រះអង្គក៏បានសុំឲ្យប្រទេសចិន ជួយគណបក្សហ្វ៊ុនស៊ិនប៉ិច ក្នុងការបោះឆ្នោតនៅឆ្នាំ២០១៨ដែរ។
យ៉ាងណាក៏ដោយ ព្រះអង្គ ពុំបានមានបន្ទូលឲ្យចំនោះទេថា ព្រះអង្គ សុំជំនួយផ្នែកថវិកាពីបក្សកុម្មុយនីស្តចិន។ កាលពីថ្ងៃ២៥ ខែធ្នូ ឆ្នាំ២០១៧ ព្រះអង្គ បានជួបពិភាក្សាជាមួយគណបក្សប្រតិភូចិន ដែលដឹកនាំដោយលោក វ៉ាង វៃគួង (Wang Weiguang)។
ប៉ុន្តែ តាមរយៈសេចក្តីថ្លែងការណ៍ខាងលើ គណបក្សហ្វ៊ុនស៊ិនប៉ិច បានបំភ្លឺថា ក្នុងជំនួបនោះ សម្តេចក្រុមព្រះ មានបន្ទូលច្រើនពីចំណងមេត្រីភាព រវាងព្រះបរមរតនកោដ្ឋ ព្រះបាទ នរោត្តម សីហនុ ជាមួយថ្នាក់ដឹកនាំគ្រប់ជំនាន់នៃបក្សកុម្មុនីស្តចិនប៉ុណ្ណោះ ដោយមិនបានសុំជំនួយផ្នែកថវិកាឡើយ។ សេចក្តីថ្លែងការណ៍ បន្តថា សម្តេចក្រុមព្រះ ក៏បានអរគុណប្រទេសចិនផងដែរ ដែលបានជួយពិនិត្យព្រះរាជសុខភាពព្រះបាទ នរោត្តម សីហមុនី និង សម្ដេចព្រះមហាក្សត្រី ព្រះវររាជមាតា នរោត្តម មុនិនាថ សីហនុ រួមទាំងបានផ្តល់ជំនួយផ្សេងៗដល់ប្រទេសកម្ពុជា ដើម្បីយកមកអភិវឌ្ឍលើវិស័យនានា។
«គណបក្សហ្វ៊ុនស៊ិនប៉ិច ពុំដែលបានទទួលវិភាគទាន គឺជំនួយជាហិរញ្ញវត្ថុ ពីបក្សកុម្មុយនីស្តចិនម្តងណាឡើយ ហើយបក្សកម្មុយនីស្តចិន ក៏មិនដែលបានផ្តល់វិភាគទានខាងលើដល់គណបក្សហ្វ៊ុនស៊ិនប៉ិចដែរ»។ នេះជាការបញ្ជាក់ចុងក្រោយរបស់គណបក្សហ្វ៊ុនស៊ិនប៉ិច នៅក្នុងសេចក្តីថ្លែងការណ៍៕
Tag:
ហ្វ៊ុនស៊ិនប៉ិច
ចិន
© រក្សាសិទ្ធិដោយ thmeythmey.com
