ពីនេះ ពីនោះ
ព័ត៍មានសុខភាព
ទារកគេងក្នុងឡានអាចមានគ្រោះថ្នាក់ដែរទេ?
× យោងទៅតាមសេចក្តីរាយការណ៍ពីសារព័ត៌មាន Daily Mail បានឲ្យដឹងថា ការគេងក្នុងឡានរយៈពេលយូរប្រហែលជាមានគ្រោះថ្នាក់បាន ជាពិសេសទារកតូចៗតែម្តង។ រឿងនេះបានមកពីការសិក្សាដ៏តូចមួយដែលបានណែនាំថា ការចំណាយពេលនៅលើកៅអីឡានរយៈពេលយូរអាចធ្វើឲ្យទារកពិបាកដកដង្ហើម។
ប៉ុន្តែអ្នកស្រាវជ្រាវបានបញ្ជាក់ថា យើងមិនអាចមើលឃើញសញ្ញាច្បាស់លាស់ ឬការប្រឈមមុខធ្ងន់ធ្ងរអ្វីឡើយ។ ការសិក្សានេះបានប្រើប្រាស់ការភ្ញោចក្នុងរថយន្តដើម្បីពិនិត្យទៅលើឥទ្ធិពលនៃការដាក់ទារកទើបនឹងកើតលើកៅអីឡានក្នុងផ្តត់ ៤០ដឺក្រេនៅពេលធ្វើដំណើរ។ អ្នកស្រាវជ្រាវបានធ្វើតេស្តទៅលើទារកទើបនឹងកើតចំនួន ៤០នាក់ ដែលមានទាំងកើតមិនគ្រប់ខែ និងគ្រប់ខែ។ ពួកគេបានរកឃើញថា ខណៈពេលកំពុងតែអង្គុយដែលបត់ ៤០ដឺក្រេរយៈពេល ៣០នាទី ចង្វាក់ដង្ហើម និងបេះដូងរបស់ទារកមានការកើនឡើង ហើយអុកស៊ីសែនក្នុងឈាមរបស់គេក៏ចុះទាបជាងទារកដែលគេងដេកស្មើរធម្មតាដែរ។
អ្វីដែលពិបាកនោះគឺថា យើងមិនដឹងថារឿងនេះអាចធ្វើឲ្យទារកមានការប្រឈមមុខធ្ងន់ធ្ងរឬអត់ឡើយ ជាពិសេសធ្វើឲ្យគេឈប់ដកដង្ហើមឬអត់ទេ។ យើងមិនបានដឹងថាតើមានឥទ្ធិពលគ្រោះថ្នាក់បែបណាកើតឡើងលើទារកខណៈពេលដែលពួកគេធ្វើដំណើរក្នុងរថយន្ថ ដូច្នេះទាល់តែមានការសិក្សាទ្រង់ទ្រាយធំជាងនេះទៀត។ ទោះបីជាយ៉ាងណាក៏ដោយ អ្នកស្រាវជ្រាវបានណែនាំដល់ឪពុកម្តាយគ្រប់រូបថា ចូរតាមដានសុខភាពទារកជានិច្ចក្នុងពេលធ្វើដំណើរតាមរថយន្តផ្លូវឆ្ងាយ និងចៀសវាងការធ្វើដំណើរដែលមិនចេះសម្រាកសោះ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com