អតីតម្ចាស់ពាន Ballon d'Or នឹងកាន់តំណែងប្រធានាធិបតីលីបេរីយ៉ាផ្លូវការនៅថ្ងៃទី១៦ ខែមករា

កីឡាអន្តរជាតិ

អន្តរជាតិ

អតីតម្ចាស់ពាន Ballon d'Or នឹងកាន់តំណែងប្រធានាធិបតីលីបេរីយ៉ាផ្លូវការនៅថ្ងៃទី១៦ ខែមករា

29, Dec 2017 , 10:30 am

រូបភាព

លោក George Weah ពីកីឡាករឆ្នើមលំដាប់ពិភពលោក ទៅកាន់តំណែងជាប្រធានាធិបតីលីបេរីយ៉ា នៅពាក់កណ្តាលខែមករា។ រូបថត AFP

ដោយ: ទេព ពិទូរ្យ

អតីតម្ចាស់ពាន Ballon d'Or និងខ្សែប្រយុទ្ធ Manchester City, Chelsea និង AC Milan លោក George Weah បានក្លាយជាប្រធានាធិបតីថ្មីរបស់ប្រទេសលីបេរីយ៉ា។

លោក Weah វ័យ ៥១ឆ្នាំបានក្លាយជាកីឡាករបាល់ទាត់មិនស្ថិតនៅអឺរ៉ុបដំបូងគេបង្អស់ដែលបានឈ្នះពានរង្វាន់ Ballon d'Or នៅឆ្នាំ១៩៩៥ និងជាសមិទ្ធផលដំបូងដែលទទួលបានក្នុងអាជីពរយៈពេល១៨ឆ្នាំ។ លោកបានបញ្ចប់អាជីពជាកីឡាករបាល់ទាត់របស់ខ្លួននៅឆ្នាំ២០០៣។

អត្ថបទទាក់ទង

អតីតកីឡាករបាល់ទាត់ឆ្នើមដែលឈ្នះ Ballon d’Or ឈានមុខគេសម្រាប់តំណែងប្រធានាធិបតីលីបេរីយ៉ា

ក្រោយចូលនិវត្តន៍ពីវិស័យកីឡាភ្លាម Weah បានចូលប្រលូកក្នុងនយោបាយដោយចូលបម្រើជាសមាជិកព្រឹទ្ធសភាក្នុងប្រទេសលីបេរីយ៉ាតែម្តង។

អតីតខ្សែប្រយុទ្ធ Marseille និង Monaco រូបនេះឡើងកាន់តំណែងជាប្រធានាធិបតីលីបេរីយ៉ា ជំនួសលោកស្រី Ellen Johnson Sirleaf ដែលជាគូប្រជែងចាស់ នៅថ្ងៃទី១៦ ខែមករា ឆ្នាំ២០១៨ ក្រោយឈ្នះការបោះឆ្នោតនៅថ្ងៃព្រហស្បតិ៍ ទី២៨ នេះ។ លោកបានទទួលសំឡេងបោះឆ្នោតគាំទ្រ ៦១,៥ ភាគរយ នៃសំឡេងសរុប ៩៨,១ ភាគរយ៕

នេះជាជ័យជម្នះរបស់លោកក្នុងការបោះឆ្នោតប្រធានាធិបតិអាហ្វ្រិកលើកដំបូង ក្រោយបរាជ័យកាលពីបោះឆ្នោតប្រធានាធិបតីឆ្នាំ២០០៥ ដែលធ្វើឡើងក្រោយពីបញ្ចប់សង្គ្រាមស៊ីវិលដ៏ឃោរឃៅ។

អ្នកនយោបាយរូបនេះ មានឈ្មោះល្បីល្បាញ តាមរយៈការប្រកបអាជីពជាកីឡាករបាល់ទាត់លំដាប់ពិភពលោក។ លោក Weah លេងឲ្យក្រុមជម្រើសជាតិលីបេរីយ៉ា ចន្លោះពីឆ្នាំ១៩៨៧ ដល់ឆ្នាំ២០០៧ និងលេងឲ្យក្លិបល្បីៗជាច្រើននៅអឺរ៉ុប។

នៅឆ្នាំ១៩៩៥ លោក Weah ជាកីឡាករអាហ្វ្រិកដំបូងបំផុតដែលបានឈ្នះពាន Ballon d’Or ខណៈលោកផ្ទេរពីក្លិប AC Milan ទៅ PSG ដោយទទួលបានសំឡេងគាំទ្រច្រើនជាង លោក Jurgen Klinsmann និង Jari Litmanen៕