ជាតិ
សេដ្ឋកិច្ច
រដ្ឋាភិបាលខ្ចីប្រាក់ពីក្រៅប្រទេស ក្នុងមួយឆ្នាំប្រមាណ៥០០លានដុល្លារ សម្រាប់កសាងផ្លូវ លោក ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូន
× ភ្នំពេញ៖ កម្ពុជាខ្ចីប្រាក់បរទេសប្រមាណ ៥០០លានដុល្លារអាមេរិក ដើម្បីកសាងផ្លូវថ្នល់។ នេះបើតាមការឲ្យដឹងរបស់លោក ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូន ដែលបានថ្លែងប្រាប់អ្នកសារព័ត៌មាន នៅក្នុងពិធីចុះហត្ថលេខាលើកិច្ចសន្យាលើកម្រិត និងថែទាំផ្លូវជាតិលេខ៧ ប្រវែង ១០៧គីឡូម៉ែត្រ។
ការសាងសង់ផ្លូវត្រូវចំណាយច្រើននេះ បើគិតទាំងការវិនិយោគរបស់វិស័យឯកជនក្នុងក្របខណ្ឌ កសាង ប្រតិបត្តិការ និងផ្ទេរ (BOT)។ នេះបើតាមការអះអាងរបស់លោក ស៊ុន ចាន់ថុល ។ លោកបន្ថែមថា ក្រៅពីចំណាយដើម្បីស្ថាបនាផ្លូវ រដ្ឋាភិបាលត្រូវចំណាយថវិកាប្រមាណជាង ១០០លានដុល្លារ ទៅ២០០លានដុល្លារលើការជួសជុល ថែទាំងផ្លូវ។
កម្ចីក្រៅបរទេសរបស់កម្ពុជា ភាគច្រើនត្រូវបានចំណាយលើការកសាងហេដ្ឋារចនាសម្ព័ន្ធរូបវ័ន្ត។ នៅក្នុងឆ្នាំ២០១៦ ប្រាក់កម្ចីសរុបដែលរដ្ឋាភិបាលបានចុះហត្ថលេខាខ្ចី មានចំនួន ៨០២លានដុល្លារ៕
Tag:
ស៊ុន ចាន់ថុល
ផ្លូវ
© រក្សាសិទ្ធិដោយ thmeythmey.com