សណ្ឋាគារនិងផ្ទះសំណាក់ ក្នុងក្រុងសៀមរាប ត្រូវបានជួលស្ទើរទាំងអស់ ក្នុងឱកាសចូលឆ្នាំសាកល២០១៨

ជាតិ

សណ្ឋាគារនិងផ្ទះសំណាក់ ក្នុងក្រុងសៀមរាប ត្រូវបានជួលស្ទើរទាំងអស់ ក្នុងឱកាសចូលឆ្នាំសាកល២០១៨

31, Dec 2017 , 11:19 am

រូបភាព

ដោយ: អុីសា រ៉ហានី (Isa Rohany)

សៀមរាប៖ ខេត្តសៀមរាប គឺជាទិសដៅសំខាន់ ដែលភ្លៀវទេសចរជាតិនិងអន្តរជាតិ សម្រុកទៅដើរកម្សាន្ត ក្នុងឱកាសចូលឆ្នាំសាកល២០១៨។ មកដល់ពេលនេះ គេសង្កេតឃើញ មនុស្សជាច្រើន ដែលកំពុងដើរទស្សនាតាមប្រាង្គប្រាសាទនិងរមណីយដ្ឋានផ្សេងៗនៅខេត្តសៀមរាប។

ចំណែកឯបន្ទប់នៅតាមសណ្ឋាគារនិងផ្ទះសំណាក់នានា ក្នុងខេត្ត ដែលសម្បូរទៅដោយប្រាសាទបុរាណមួយនេះ ត្រូវបានកក់ទុកនិងជួលស្ទើរតែពេញទាំងអស់។ នេះបើតាមការលើកឡើងរបស់ម្ចាស់សណ្ឋាគារនិងផ្ទះសំណាក់មួយចំនួន។ ក្នុងចំណោមម្ចាស់សណ្ឋាគារនិងផ្ទះសំណាក់ទាំងនោះ មានអ្នកខ្លះ ប្រាប់ថា បានដំឡើងតម្លៃជួលបន្ទប់មួយទ្វេជាពីរ តែអ្នកខ្លះ អះអាងថា ដំឡើងតិចតួចប៉ុណ្ណោះ។

លោក ទិត្យ សុធារ៉ា ម្ចាស់សណ្ឋាគារ ៣០៦ បាននិយាយដូច្នេះថា៖«សណ្ឋាគាររបស់ខ្ញុំ គឺពេញតែម្តង។ ហើយមានគេកក់ទុកតាំងពីរ បីថ្ងៃមុនម្ល៉េះ។ មានភ្លៀវខ្លះ ដែលធ្លាប់មកគេងនៅសណ្ឋាគាររបស់ខ្ញុំ ឲ្យខ្ញុំ ជួយរកកន្លែងផ្សេងឲ្យទៀតក៏មានដែរ តែខ្ញុំរកអត់បាន ព្រោះកន្លែងគេក៏ពេញដែរ»៕