បដិមាព្រះពុទ្ធមានទ្រនាប់ជើងនៅក្រោមព្រះបាត ដែលគេកម្របានឃើញ

ជាតិ

បដិមាព្រះពុទ្ធមានទ្រនាប់ជើងនៅក្រោមព្រះបាត ដែលគេកម្របានឃើញ

31, Dec 2017 , 2:59 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ មានមិនច្រើនទេ រូបបដិមាព្រះពុទ្ធមានបាទុកានៅក្រោមព្រះបាត (ពាក់ស្បែកជើង)។ បដិមាមួយអង្គ ដែលជាងនៅសម័យបុរាណ បានឆ្លាក់ឱ្យមានមានទ្រនាប់ជើងនៅក្រោមព្រះបាត មើលទៅប្លែក ហើយមានតែមួយអង្គក្នុងសារមន្ទីរជាតិអង្គរ ខេត្តសៀមរាប។

តាមពិតទៅ បដិមានេះមានរចនាបថក្រោយអង្គរ ធ្វើពីឈើ ស្ថិតក្នុងស.វទី១៥ និងទី១៦ ដែលជាសមុច្ច័យពីអភិរក្សដ្ឋានអង្គរ។ តាមការពិនិត្យទម្រង់មុខ បដិមាអង្គនេះជាព្រះពុទ្ធចិន ខុសពីទម្រង់មុខខ្មែរ និងមានស្បង់ និងគ្រងស្បង់ខុសពីគ្នាផងដែរ។

«គេអាចស្មានបានថា ពុទ្ធសាសនិកជាជនជាតិចិន ដែលគាត់មានសទ្ធាជ្រះថ្លាឱ្យគេឆ្លាក់ជាទម្រង់មុខចិន និងមានពាក់ស្បែកជើង (មានទ្រនាប់ជើងនៅក្រោមព្រះបាត)»។ នេះជាការពន្យល់ពីលោក សេង កុម្ភៈ ប្រធានផ្នែកថែរក្សាសមុច្ច័យនៃសារមន្ទីរជាតិអង្គរ៕