កីឡាករបាល់ទាត់ដែលមានតម្លៃផ្ទេរខ្ពស់បំផុតទាំង១០លើលោក

កីឡាអន្តរជាតិ

អន្តរជាតិ

កីឡាករបាល់ទាត់ដែលមានតម្លៃផ្ទេរខ្ពស់បំផុតទាំង១០លើលោក

31, Dec 2017 , 7:19 pm

រូបភាព

ដោយ: ទេព ពិទូរ្យ

ហង្សក្រហម Liverpool បានយល់ព្រមលើតម្លៃផ្ទេរ ៨៤.៥ លានអឺរ៉ូ ប្រមាណ ១០០លានដុល្លារអាមេរិកដើម្បីនាំយកខ្សែការពារ Virgil van Dijk ពី Southampton មកកាន់ទឹកដី Anfield នៅខែមករា ឆ្នាំ២០១៨។ នេះជាកំណត់ត្រាថ្មីបំផុតសម្រាប់ខ្សែការពារដែលមានតម្លៃថ្លៃជាងគេលើលោកមិនធ្លាប់មានពីមុនមក។ ប៉ុន្តែយ៉ាងណា ខ្សែការពារអន្តរជាតិហូឡង់រូបនេះ នៅមានតម្លៃផ្ទេរទាបប៉ុណ្ណោះក្នុងចំណោមកីឡាករទាំង១០ដែលបានផ្លាស់ប្តូរក្លិបនាពេលកន្លងមក។

សារព័ត៌មានថ្មីៗនឹងបង្ហាញលោកអ្នកអំពីកីឡាករទាំង១០រូបក្នុងពិភពកីឡាបាល់ទាត់ដែលមានតម្លៃផ្ទេរខ្ពស់បំផុតលើលោក៖

១ - Neymar ផ្ទេរពី FC Barcelona ទៅកាន់ក្លិបអ្នកមាននៅបារាំង Paris Saint-Germain នៅឆ្នាំ២០១៧ តម្លៃ ២០០.៦លានផោន (២៧០លានដុល្លារ)

២. Ousmane Dembele ផ្ទេរពី Borussia Dortmund ទៅ Barcelona ក្នុងឆ្នាំ 2017 តម្លៃ ៩៦.៨លានផោន (១៣០លានដុល្លារ)

៣. Paul Pogba ផ្លាស់ពី Juventus ត្រឡប់មក Manchester United កាលពីឆ្នាំ ២០១៦ តម្លៃ ៨៩លានផោន (ជិត១២០លានដុល្លារ)

៤. Gareth Bale ផ្ទេរពី Tottenham ទៅ Real Madrid កាលពីឆ្នាំ ២០១៣ តម្លៃ ៨៥,៣លានផោន (១១៤លានដុល្លារ)

៥. Cristiano Ronaldo ផ្ទេរពីរ Manchester United ទៅចួលរួមជាមួយ Real Madrid ឆ្នាំ ២០០៩ ក្នុងតម្លៃ ៨០លានផោន (១០៧លានដុល្លារ)

៦. Gonzalo Higuain ផ្ទេរពី Napoli ទៅ Juventus ឆ្នាំ ២០១៦ តម្លៃ ៧៥.៣លានផោន (១០១លានដុល្លារ)

៧. Romelu Lukaku ផ្ទេរពី Everton ទៅ Manchester United ក្នុងឆ្នាំ ២០១៧ តម្លៃ ៧៥លានផោន (១០០លានដុល្លារ)

៨. Virgil van Dijk ផ្ទេរពី Southampton ទៅ Liverpool ឆ្នាំ ២០១៨ តម្លៃ ៧៥លានផោន (១០០លានដុល្លារ)

៩. Luis Suarez ផ្ទេរពី Liverpool ទៅ Barcelona កាលពីឆ្នាំ ២០១៤ តម្លៃ ៦៥លានផោន (ជាង ៨៧លានដុល្លារ)

១០. Zinedine Zidane ផ្ទេរពី Juventus ទៅចូលរួមជាមួយ Real Madrid កាលពីឆ្នាំ ២០០១ តម្លៃ ៦៥.១៨លានផោន (ជិត ៨៨លានដុល្លារ)

បញ្ជាក់៖ Kylian Mbappe ដែលផ្លាស់ពី Monaco ទៅ Paris Saint-Germain ក្នុងតម្លៃកំណត់ត្រាទី២បន្ទាប់ពី Neymar ប្រមាណ ១៦៦លានផោន ប្រហែល ២១៤លានដុល្លារ មិនត្រូវបានរាប់បញ្ចូលក្នុងចំណោមកីឡាករថ្លៃទាំង១០រូបខាងលើទេ ដ្បិតស្ថិតក្នុងលក្ខខណ្ឌខ្ចីជើង១ឆ្នាំ ដោយរង់ចាំដល់ឆ្នាំបន្ទាប់ទើបយកទៅដាច់៕