បញ្ហាចរាចរណ៍នៅកម្ពុជា

ជាតិ

បទយកការណ៍ / បទសម្ភាសន៍

រថយន្ត

សុវត្តិភាព ចរាចរណ៍

01, Jan 2018 , 8:19 pm

រូបភាព

ដោយ: នាយយ៉ាន

ភ្នំពេញ៖ តើហេតុអ្វីចរាចរណ៍នៅប្រទេសកម្ពុជារញ៉េរញ៉ៃដូចនេះ? ជាសំណួរផ្តើមរបស់នាយ យ៉ាន ជាមួយអ្នកនាង ប៊ុន ស៊ីណា អគ្គនាយកក្រុមហ៊ុន Go Safety ដែលជាក្រុមហ៊ុនផលិតស្លាកសញ្ញាចរាចរណ៍ និងគំនូសសញ្ញាចរាចរណ៍នៅលើដងផ្លូវ។ បើតាម អ្នកនាង ស៊ីណា មានកត្តាជាច្រើន ដែលបង្កឲ្យមានគ្រោះថ្នាក់ចរាចរណ៍នៅកម្ពុជា ក្នុងនោះមានចំនួនផ្លូវនៅកម្ពុជាដែលនៅមានតិចនៅឡើយ កត្តាយានជំនិះ បើកបរដោយបានប្រើគ្រឿងស្រវឹង កង្វះចំណេះដឹងទាក់ទងនឹងច្បាប់ចរាចរណ៍ មិនខ្លាច ឬមិនខ្វល់គ្រោះថ្នាក់ មិនចេះទទួលខុសត្រូវ ឬមិនយល់អំពីទំនួលខុសត្រូវ និងមិនផ្ដល់តម្លៃទៅលើជីវិតខ្លួនឯង និងអ្នកដទៃជាដើម។

កត្តាផ្សេងទៀត គឺបណ្តាលមកពីបុគ្គលតែម្តង។ អ្នកដែលមិនចេះច្បាប់ ហើយបំពានច្បាប់ចរាចរណ៍ជារឿងមួយ ប៉ុន្តែរឿងធ្ងន់ជាងនេះ គឺអ្នកដែលយល់ដឹងពីច្បាប់ចរាចរណ៍ហើយ តែបានបំពានច្បាប់នេះ។ សម្រាប់ អ្នកនាង ស៊ីណា ដើម្បីឲ្យមានភាពទទួលខុសត្រូវ និងគិតប្រយោជន៍រួមទាក់ទងនឹងបញ្ហាចរាចរណ៍ អាជ្ញាធរគួររឹតបន្តឹងការពិន័យឲ្យម៉ឹងម៉ាត់ និងបន្តបញ្ជ្រាបការអប់រំ។ ទន្ទឹមនឹងនេះ ក្រសួងអប់រំគួរបញ្ចូលបញ្ហាចរាចរណ៍ទៅក្នុងកម្មវិធីសិក្សា ព្រោះវាពាក់ព័ន្ធនឹងការរស់នៅប្រចាំថ្ងៃរបស់ប្រជាជនខ្មែរទាំងអស់។

សូមស្តាប់បទសម្ភាសរវាង នាយ យ៉ាន និងអ្នកនាង ប៊ុន ស៊ីណា អគ្គនាយកក្រុមហ៊ុន Go Safety ដូចតទៅ៖