ជាតិ
សេដ្ឋកិច្ច
×![]()
ភ្នំពេញ៖ សេដ្ឋកិច្ចកម្ពុជា នៅតែត្រូវបានស្ថាប័នហិរញ្ញវត្ថុអន្តរជាតិព្យាករថាមានកំណើនរឹងមាំដដែលក្នុងរង្វង់ ៧ភាគរយ ជាមួយការកត់សម្គាល់ពីការងើបឡើងនូវមុខទំនិញនាំចេញថ្មីៗ ដូចជា គ្រឿងបន្លាស់រថយន្ត គ្រឿងបង្គុំអគ្គិសនី ជាដើម ដែលបង្ហាញពីចំណុចវិជ្ជមាននៃការធ្វើពិពិធកម្មសេដ្ឋកិច្ច។ តែទន្ទឹមនឹងភាពល្អនេះ សេដ្ឋកិច្ចរបស់កម្ពុជា ត្រូវបានទាញភ្ជាប់នឹងស្ថានភាពនយោបាយដែលកើតឡើងក្នុងពេលថ្មីៗនេះ ពាក់ព័ន្ធនឹងការចាប់ខ្លួនប្រធានបក្សសង្គ្រោះជាតិ និងការរំលាយគណបក្សនេះ។ ការអនុគ្រោះពន្ធ ដែលជាចំណុចគន្លឹះមួយក្នុងលទ្ធភាពប្រកួតប្រជែងរបស់កម្ពុជា ត្រូវបានគំរាមកំហែងដោយសហគមន៍អន្តរជាតិ។
សារព័ត៌មានអេឡិចត្រូនិកថ្មីៗ បានសរុបព្រឹត្តិការណ៍សេដ្ឋកិច្ចសំខាន់ៗនៅកម្ពុជាក្នុងឆ្នាំ២០១៧ ដូចខាងក្រោមនេះ៖
កម្ពុជាចាប់ផ្ដើមបំពេញតួនាទីជាប្រធានក្រុមសម្របសម្រួលប្រទេសអភិវឌ្ឍន៍តិចតួច (LDCs) ក្នុងអាណិត្តមួយឆ្នាំ ដែលគិតចាប់ពីខែកុម្ភៈមក។ លោក ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានលើកឡើងថា ក្រសួងពាណិជ្ជកម្មដែលតំណាងឲ្យកម្ពុជា នឹងខិតខំបំពេញភារកិច្ចនេះឲ្យបានល្អ ដើម្បីលើកស្ទួយកិត្តិយសប្រទេសលើឆាកអន្តរជាតិ និងទាញអត្ថប្រយោជន៍ពីតួនាទីនេះ ដូចជាការអនុគ្រោះពន្ធ និងជំនួយផ្សេងៗជាដើម។
រឿងដ៏គួរឲ្យចាប់អារម្មណ៍ក្នុងឆ្នាំ២០១៧នោះគឺ ធនាគារជាតិនៃកម្ពុជា (NBC) បានអន្តរាគមន៍លើអត្រាការប្រាក់ឥណទាន ដោយបានដាក់ពិដានការប្រាក់ ១៨ភាគរយក្នុងមួយឆ្នាំ និងបានអនុវត្តចាប់ពីថ្ងៃទី១ខែមេសា។ ការកំណត់ពិដាននេះ ត្រូវបានធនាគារជាតិអះអាងថាដើម្បីជួយពលរដ្ឋពីកម្ចីដែលមានអត្រាការប្រាក់ខ្ពស់ពេក និងជំរុញការប្រើប្រាស់ប្រាក់កម្ចីកាន់តែមានប្រសិទ្ធភាព។
អ្នកចិញ្ចឹមជ្រូក នៅខែមេសា បានទាមទារឲ្យរដ្ឋាភិបាលទប់ស្កាត់ការហូរចូលជ្រូករស់ពីប្រទេសវៀតណាម ដែលអ្នកទាំងនោះអះអាងថាបានសម្លាប់ការចិញ្ចឹមក្នុងស្រុក។ បើទោះទទួលការឆ្លើយតបពីរដ្ឋាភិបាលដែលថារឹតបណ្ដឹងលើការនាំចូលនេះ តែសមាគមអ្នកចិញ្ចឹមជ្រូក កាលពីពេលថ្មីៗនេះ នៅតែបន្តអំពាវនាវរកការអន្តរគមន៍ ខណៈពួកគេនៅតែរងការខាតបង់ពីបញ្ហានេះ។
នៅក្នុងខែឧសភា កម្ពុជាបានធ្វើជាម្ចាស់ផ្ទះវេទិកាសេដ្ឋកិច្ចពិភពលោកស្ដីពីអាស៊ានក្រោមប្រធានបទ យុវជន បច្ចេកវិទ្យា និងកំណើន។ វេទិកានេះមានការចូលរួមពីសំណាក់ថ្នាក់ដឹកនាំរដ្ឋាភិបាល និងផ្នែកឯកជន ពីបណ្ដាប្រទេសនានាជុំវិញពិភពលោកប្រមាណ ៧០០នាក់។ រដ្ឋាភិបាលកម្ពុជា តាមរយៈវេទិកានេះ បានបង្ហាញការប្ដេជ្ញាចិត្តក្នុងការជំរុញសម្ថភាពយុវជន និងការអភិវឌ្ឍបច្ចេកវិទ្យា ដើរទន្ទឹមគ្នានឹងបណ្ដាប្រទេសក្នុងតំបន់។
នៅខែមិថុនា កំពង់ផែក្រុងព្រះសីហនុ (PAS) បានចូលផ្សារភាគហ៊ុន ដើម្បីកៀងគរទុនបន្ថែមរង្វង់ ២៧លានដុល្លារ។ PAS បានក្លាយជាក្រុមហ៊ុនទី៥នៅកម្ពុជាដែលឈានជើងចូលផ្សារមូលបត្រ និងជាក្រុមហ៊ុនរដ្ឋទី៣ក្នុងទីផ្សារនេះ។
ងាកមកព្រឹត្តិការណ៍ស្រូវអង្ករវិញ កាលពីខែសីហា រដ្ឋាភិបាលបានទម្លាក់កញ្ចប់ថវិកាសរុប ៥០លានដុល្លារដើម្បីរក្សាស្ថិរភាពថ្លៃស្រូវ តាមរយៈការផ្ដល់ឥណទានដល់រោងម៉ាស៊ីនកិនស្រូវក្នុងការប្រមូលទិញស្រូវពីកសិករ។ ជុំវិញរឿងស្រូវនេះដែរ រដ្ឋាភិបាលបានផ្ដល់ឥណទាន ៣០លានដុល្លារដល់វិស័យឯកជន ដើម្បីសាងសង់ឃ្លាំង និងឡសម្ងួតចំនួន៤កន្លែង។ ជាមួយគ្នានេះកម្ពុជា និងប្រទេសបង់ក្លាដែស បានចុះកិច្ចព្រមព្រៀងនាំចេញអង្ករ ១លានតោន សម្រាប់រយៈពេល៥ឆ្នាំ តែកិច្ចសន្យាឆ្នាំដំបូង ២៥ម៉ឺនតោន ត្រូវបរាជ័យ។ សហព័ន្ធស្រូវអង្ករ និងក្រសួងពាណិជ្ជកម្ម អះអាងថានឹងបន្តជំរុញការចចារនាំចេញអង្ករនេះសម្រេចបាននៅពេលខាងមុខ។
នៅក្នុងខែសីហា ក្រុមហ៊ុន KrisEnergy របស់សិង្ហបុរី បានចុះកិច្ចព្រមព្រៀងជាមួយរដ្ឋាភិបាល លើការវិនិយោគបូមប្រេងដំណក់ដំបូងរបស់កម្ពុជា បន្ទាប់ពីបានពន្យារពេលជាច្រើនឆ្នាំ។ រយៈពេលជាងពីរខែរបន្ទាប់ពីចុះកិច្ចព្រមព្រៀង ក្រុមហ៊ុននេះបានប្រកាស ការវិនិយោគជាផ្លូវការលើគម្រោងនេះ។ ក្នុងគម្រោងនេះ រដ្ឋាភិបាលកាន់កាប់អត្ថប្រយោជន៍ ៥ភាគរយលើការវិនិយោគទាំងមូល។
រឿងសំខាន់មួយទៀត គឺការប្រកួតប្រជែងផ្នែកសេវាកម្មហៅរថយន្តតាក់ស៊ីនៅក្នុងទីផ្សារកម្ពុជា។ ក្រុមហ៊ុន Uber ដ៏ឈានមុខរបស់ពិភពលោក បានចូលទីផ្សារកម្ពុជានៅខែកញ្ញា បន្ទាប់មកទៀតក្រុមហ៊ុន Grab ដ៏ធំរបស់តំបន់បានឈានចូលក្នុងទីផ្សារនេះនៅខែធ្នូ។ ក្រុមហ៊ុនក្នុងស្រុកក៏ត្រូវបានបង្កើតឡើងជាច្រើនផងដែរក្នុងនោះមានដូចជា PassApp, UGo 711, We Go, Exnet, iTsumu ជាដើម ដោយក្រុមហ៊ុនទាំងនោះ មានសេវាកម្មម៉ូតូកង់បី។
ប្រធានបទដ៏សំខាន់មួយទៀត ធនាគារជាតិ នៅដើមខែធ្នូ បានប្រកាសមិនទទួលស្គាល់ និងអំពាវនាវឲ្យប្រុងប្រយ័ត្នខ្ពស់ ចំពោះការបំផុសបំផុលឲ្យចរាចរលុយអេឡិចត្រូនិក (CryptoCurrencies) ដែលក្នុងនោះ Bitcoin ល្បីជាងគេក្នុងការជួញដូររូបិយវត្ថុប្រភេទនេះ។
ព្រឹត្តិការណ៍ដ៏សំខាន់មួយទៀត រដ្ឋមន្ត្រីក្រសួងពាណិជ្ជកម្ម លោក ប៉ាន សូរស័ក្ដិ បានផ្ដល់យោបល់ទៅប្រមុខរដ្ឋាភិបាល ឲ្យបញ្ចុះបញ្ចូលប្រទេសសមាជិកសហភាពអឺរ៉ុប ដើម្បីទប់ស្កាត់ការព្យួរសម្បទានពន្ធគយជាយថាហេតុ។ ការអនុគ្រោះពន្ធពីសហភាពអឺរ៉ុបមានតម្លៃ ៦៧៦លានដុល្លារ កាលពីឆ្នាំ២០១៦។ ការអនុគ្រោះនេះ ត្រូវបានអ្នកជំនាញមើលឃើញថាកត្តាជួយឲ្យទំនិញកម្ពុជាអាចប្រកួតប្រជែងលើទីផ្សារសហភាពអឺរ៉ុប៕
សារព័ត៌មានអេឡិចត្រូនិកថ្មីៗ បានសរុបព្រឹត្តិការណ៍សេដ្ឋកិច្ចសំខាន់ៗនៅកម្ពុជាក្នុងឆ្នាំ២០១៧ ដូចខាងក្រោមនេះ៖
កម្ពុជាចាប់ផ្ដើមបំពេញតួនាទីជាប្រធានក្រុមសម្របសម្រួលប្រទេសអភិវឌ្ឍន៍តិចតួច (LDCs) ក្នុងអាណិត្តមួយឆ្នាំ ដែលគិតចាប់ពីខែកុម្ភៈមក។ លោក ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានលើកឡើងថា ក្រសួងពាណិជ្ជកម្មដែលតំណាងឲ្យកម្ពុជា នឹងខិតខំបំពេញភារកិច្ចនេះឲ្យបានល្អ ដើម្បីលើកស្ទួយកិត្តិយសប្រទេសលើឆាកអន្តរជាតិ និងទាញអត្ថប្រយោជន៍ពីតួនាទីនេះ ដូចជាការអនុគ្រោះពន្ធ និងជំនួយផ្សេងៗជាដើម។
រឿងដ៏គួរឲ្យចាប់អារម្មណ៍ក្នុងឆ្នាំ២០១៧នោះគឺ ធនាគារជាតិនៃកម្ពុជា (NBC) បានអន្តរាគមន៍លើអត្រាការប្រាក់ឥណទាន ដោយបានដាក់ពិដានការប្រាក់ ១៨ភាគរយក្នុងមួយឆ្នាំ និងបានអនុវត្តចាប់ពីថ្ងៃទី១ខែមេសា។ ការកំណត់ពិដាននេះ ត្រូវបានធនាគារជាតិអះអាងថាដើម្បីជួយពលរដ្ឋពីកម្ចីដែលមានអត្រាការប្រាក់ខ្ពស់ពេក និងជំរុញការប្រើប្រាស់ប្រាក់កម្ចីកាន់តែមានប្រសិទ្ធភាព។
អ្នកចិញ្ចឹមជ្រូក នៅខែមេសា បានទាមទារឲ្យរដ្ឋាភិបាលទប់ស្កាត់ការហូរចូលជ្រូករស់ពីប្រទេសវៀតណាម ដែលអ្នកទាំងនោះអះអាងថាបានសម្លាប់ការចិញ្ចឹមក្នុងស្រុក។ បើទោះទទួលការឆ្លើយតបពីរដ្ឋាភិបាលដែលថារឹតបណ្ដឹងលើការនាំចូលនេះ តែសមាគមអ្នកចិញ្ចឹមជ្រូក កាលពីពេលថ្មីៗនេះ នៅតែបន្តអំពាវនាវរកការអន្តរគមន៍ ខណៈពួកគេនៅតែរងការខាតបង់ពីបញ្ហានេះ។
នៅក្នុងខែឧសភា កម្ពុជាបានធ្វើជាម្ចាស់ផ្ទះវេទិកាសេដ្ឋកិច្ចពិភពលោកស្ដីពីអាស៊ានក្រោមប្រធានបទ យុវជន បច្ចេកវិទ្យា និងកំណើន។ វេទិកានេះមានការចូលរួមពីសំណាក់ថ្នាក់ដឹកនាំរដ្ឋាភិបាល និងផ្នែកឯកជន ពីបណ្ដាប្រទេសនានាជុំវិញពិភពលោកប្រមាណ ៧០០នាក់។ រដ្ឋាភិបាលកម្ពុជា តាមរយៈវេទិកានេះ បានបង្ហាញការប្ដេជ្ញាចិត្តក្នុងការជំរុញសម្ថភាពយុវជន និងការអភិវឌ្ឍបច្ចេកវិទ្យា ដើរទន្ទឹមគ្នានឹងបណ្ដាប្រទេសក្នុងតំបន់។
នៅខែមិថុនា កំពង់ផែក្រុងព្រះសីហនុ (PAS) បានចូលផ្សារភាគហ៊ុន ដើម្បីកៀងគរទុនបន្ថែមរង្វង់ ២៧លានដុល្លារ។ PAS បានក្លាយជាក្រុមហ៊ុនទី៥នៅកម្ពុជាដែលឈានជើងចូលផ្សារមូលបត្រ និងជាក្រុមហ៊ុនរដ្ឋទី៣ក្នុងទីផ្សារនេះ។
ងាកមកព្រឹត្តិការណ៍ស្រូវអង្ករវិញ កាលពីខែសីហា រដ្ឋាភិបាលបានទម្លាក់កញ្ចប់ថវិកាសរុប ៥០លានដុល្លារដើម្បីរក្សាស្ថិរភាពថ្លៃស្រូវ តាមរយៈការផ្ដល់ឥណទានដល់រោងម៉ាស៊ីនកិនស្រូវក្នុងការប្រមូលទិញស្រូវពីកសិករ។ ជុំវិញរឿងស្រូវនេះដែរ រដ្ឋាភិបាលបានផ្ដល់ឥណទាន ៣០លានដុល្លារដល់វិស័យឯកជន ដើម្បីសាងសង់ឃ្លាំង និងឡសម្ងួតចំនួន៤កន្លែង។ ជាមួយគ្នានេះកម្ពុជា និងប្រទេសបង់ក្លាដែស បានចុះកិច្ចព្រមព្រៀងនាំចេញអង្ករ ១លានតោន សម្រាប់រយៈពេល៥ឆ្នាំ តែកិច្ចសន្យាឆ្នាំដំបូង ២៥ម៉ឺនតោន ត្រូវបរាជ័យ។ សហព័ន្ធស្រូវអង្ករ និងក្រសួងពាណិជ្ជកម្ម អះអាងថានឹងបន្តជំរុញការចចារនាំចេញអង្ករនេះសម្រេចបាននៅពេលខាងមុខ។
នៅក្នុងខែសីហា ក្រុមហ៊ុន KrisEnergy របស់សិង្ហបុរី បានចុះកិច្ចព្រមព្រៀងជាមួយរដ្ឋាភិបាល លើការវិនិយោគបូមប្រេងដំណក់ដំបូងរបស់កម្ពុជា បន្ទាប់ពីបានពន្យារពេលជាច្រើនឆ្នាំ។ រយៈពេលជាងពីរខែរបន្ទាប់ពីចុះកិច្ចព្រមព្រៀង ក្រុមហ៊ុននេះបានប្រកាស ការវិនិយោគជាផ្លូវការលើគម្រោងនេះ។ ក្នុងគម្រោងនេះ រដ្ឋាភិបាលកាន់កាប់អត្ថប្រយោជន៍ ៥ភាគរយលើការវិនិយោគទាំងមូល។
រឿងសំខាន់មួយទៀត គឺការប្រកួតប្រជែងផ្នែកសេវាកម្មហៅរថយន្តតាក់ស៊ីនៅក្នុងទីផ្សារកម្ពុជា។ ក្រុមហ៊ុន Uber ដ៏ឈានមុខរបស់ពិភពលោក បានចូលទីផ្សារកម្ពុជានៅខែកញ្ញា បន្ទាប់មកទៀតក្រុមហ៊ុន Grab ដ៏ធំរបស់តំបន់បានឈានចូលក្នុងទីផ្សារនេះនៅខែធ្នូ។ ក្រុមហ៊ុនក្នុងស្រុកក៏ត្រូវបានបង្កើតឡើងជាច្រើនផងដែរក្នុងនោះមានដូចជា PassApp, UGo 711, We Go, Exnet, iTsumu ជាដើម ដោយក្រុមហ៊ុនទាំងនោះ មានសេវាកម្មម៉ូតូកង់បី។
ប្រធានបទដ៏សំខាន់មួយទៀត ធនាគារជាតិ នៅដើមខែធ្នូ បានប្រកាសមិនទទួលស្គាល់ និងអំពាវនាវឲ្យប្រុងប្រយ័ត្នខ្ពស់ ចំពោះការបំផុសបំផុលឲ្យចរាចរលុយអេឡិចត្រូនិក (CryptoCurrencies) ដែលក្នុងនោះ Bitcoin ល្បីជាងគេក្នុងការជួញដូររូបិយវត្ថុប្រភេទនេះ។
ព្រឹត្តិការណ៍ដ៏សំខាន់មួយទៀត រដ្ឋមន្ត្រីក្រសួងពាណិជ្ជកម្ម លោក ប៉ាន សូរស័ក្ដិ បានផ្ដល់យោបល់ទៅប្រមុខរដ្ឋាភិបាល ឲ្យបញ្ចុះបញ្ចូលប្រទេសសមាជិកសហភាពអឺរ៉ុប ដើម្បីទប់ស្កាត់ការព្យួរសម្បទានពន្ធគយជាយថាហេតុ។ ការអនុគ្រោះពន្ធពីសហភាពអឺរ៉ុបមានតម្លៃ ៦៧៦លានដុល្លារ កាលពីឆ្នាំ២០១៦។ ការអនុគ្រោះនេះ ត្រូវបានអ្នកជំនាញមើលឃើញថាកត្តាជួយឲ្យទំនិញកម្ពុជាអាចប្រកួតប្រជែងលើទីផ្សារសហភាពអឺរ៉ុប៕
Tag:
សេដ្ឋកិច្ចឆ្នាំ២០១៧
© រក្សាសិទ្ធិដោយ thmeythmey.com
