សេដ្ឋកិច្ច
អន្តរជាតិ
ក្រុមហ៊ុនសម្លៀកបំពាក់អ៊ីតាលីឈ្នះផ្លូវច្បាប់លើ Apple ក្នុងការប្រើឈ្មោះ «Steve Jobs»
×![]()
ដោយ: ធីតា
ក្រុមហ៊ុនលក់សម្លៀកបំពាក់អ៊ីតាលីដែលមាននិក្ខិតសញ្ញា ឬពាណិជ្ជសញ្ញា ថា «Steve Jobs» បានជោគជ័យក្នុងការប្រើប្រាស់ឈ្មោះស្ថាបនិក iPhone និងឡូហ្គោយកលំនាំតាមក្រុមហ៊ុន Apple។ នេះបើតាមការផ្សាយរបស់សារព័ត៌មានBusiness Insider Italia។
បងប្អូនជនជាតិអ៊ីតាលី លោក Vincenzo និង Giacomo Barbato បានកត់សម្គាល់កាលពីឆ្នាំ២០១២កន្លងមកថា មិនទាន់មានក្រុមហ៊ុនប្រើប្រាស់ឈ្មោះ «Steve Jobs» ជានិក្ខិតសញ្ញា ឬពាណិជ្ជសញ្ញា (Trademark) របស់ខ្លួននៅឡើយ ហេតុដូច្នេះពួកគេក៏សម្រាប់ចិត្តយកឈ្មោះនិមិត្តរូបរបស់ខ្លួនទៅដាក់ឲ្យក្រុមដែលពួកគេបង្កើតថ្មី។
Business Insider របស់អ៊ីតាលី បានបញ្ជាក់ឲ្យដឹងផងដែរថា ក្រុមហ៊ុន Apple បានចាត់វិធានការផ្លូវច្បាប់លើបងប្អូនអ៊ីតាលីអស់រយៈពេលជាច្រើនឆ្នាំហើយ ជាពិសេសឡូហ្គោអក្សរ «J» ដែលមានលំនាំដូចជាផ្លែប៉ោមរបស់ក្រុមហ៊ុន Apple។
បើតាមបងប្អូនប្រុសទាំងពីររូបនេះ ចៅក្រមបានសម្រេចថា ឡូហ្គោដែលពួកគេប្រើប្រាស់គឺជាអក្សរ ដូច្នេះវាមិនអាចច្រលំថាជាឡូហ្គោរបស់ក្រុមហ៊ុន Apple និងជាការរំលោភកម្មសិទ្ធិបញ្ញានោះឡើយ។ លោក Vincenzo និង លោក Giacomo Barbato បានចុះឈ្មោះក្រុមហ៊ុនរបស់ខ្លួននៅការិយាល័យកម្មសិទ្ធិបញ្ញាសហភាពអឺរ៉ុប កាលពីឆ្នាំ២០១៤ ហើយទើបតែចុះឈ្មោះជាសកលកាលពីពេលថ្មីៗកន្លងមកនេះ។
បច្ចុប្បន្ន ក្រុមហ៊ុន Steve Jobs ផលិតតែសម្លៀកបំពាក់ប៉ុណ្ណោះ ប៉ុន្តែយីហោដដែលនេះ នឹងពង្រីកទីផ្សារលើសេវាកម្មអេឡិចត្រូនិកជាមួយនឹងបច្ចេកវិទ្យាទំនើបៗ និងបង្កើតថ្មីបំផុត។ ស្ថាបនិកពីរនាក់បងប្អូន បានលើកឡើងថា៖ «យើងតែងតែគោរពចំពោះឈ្មោះ Steve Jobs ហើយអាជីវកម្មរបស់យើងគ្មានអ្វីជាប់ពាក់ព័ន្ធគ្នានោះឡើយ»៕
បងប្អូនជនជាតិអ៊ីតាលី លោក Vincenzo និង Giacomo Barbato បានកត់សម្គាល់កាលពីឆ្នាំ២០១២កន្លងមកថា មិនទាន់មានក្រុមហ៊ុនប្រើប្រាស់ឈ្មោះ «Steve Jobs» ជានិក្ខិតសញ្ញា ឬពាណិជ្ជសញ្ញា (Trademark) របស់ខ្លួននៅឡើយ ហេតុដូច្នេះពួកគេក៏សម្រាប់ចិត្តយកឈ្មោះនិមិត្តរូបរបស់ខ្លួនទៅដាក់ឲ្យក្រុមដែលពួកគេបង្កើតថ្មី។
Business Insider របស់អ៊ីតាលី បានបញ្ជាក់ឲ្យដឹងផងដែរថា ក្រុមហ៊ុន Apple បានចាត់វិធានការផ្លូវច្បាប់លើបងប្អូនអ៊ីតាលីអស់រយៈពេលជាច្រើនឆ្នាំហើយ ជាពិសេសឡូហ្គោអក្សរ «J» ដែលមានលំនាំដូចជាផ្លែប៉ោមរបស់ក្រុមហ៊ុន Apple។
បើតាមបងប្អូនប្រុសទាំងពីររូបនេះ ចៅក្រមបានសម្រេចថា ឡូហ្គោដែលពួកគេប្រើប្រាស់គឺជាអក្សរ ដូច្នេះវាមិនអាចច្រលំថាជាឡូហ្គោរបស់ក្រុមហ៊ុន Apple និងជាការរំលោភកម្មសិទ្ធិបញ្ញានោះឡើយ។ លោក Vincenzo និង លោក Giacomo Barbato បានចុះឈ្មោះក្រុមហ៊ុនរបស់ខ្លួននៅការិយាល័យកម្មសិទ្ធិបញ្ញាសហភាពអឺរ៉ុប កាលពីឆ្នាំ២០១៤ ហើយទើបតែចុះឈ្មោះជាសកលកាលពីពេលថ្មីៗកន្លងមកនេះ។
បច្ចុប្បន្ន ក្រុមហ៊ុន Steve Jobs ផលិតតែសម្លៀកបំពាក់ប៉ុណ្ណោះ ប៉ុន្តែយីហោដដែលនេះ នឹងពង្រីកទីផ្សារលើសេវាកម្មអេឡិចត្រូនិកជាមួយនឹងបច្ចេកវិទ្យាទំនើបៗ និងបង្កើតថ្មីបំផុត។ ស្ថាបនិកពីរនាក់បងប្អូន បានលើកឡើងថា៖ «យើងតែងតែគោរពចំពោះឈ្មោះ Steve Jobs ហើយអាជីវកម្មរបស់យើងគ្មានអ្វីជាប់ពាក់ព័ន្ធគ្នានោះឡើយ»៕
Tag:
Steve Jobs
Apple
ពាណិជ្ជសញ្ញា
© រក្សាសិទ្ធិដោយ thmeythmey.com
