ជាតិ
សេដ្ឋកិច្ច
×![]()
ភ្នំពេញ៖ ធនាគារជាតិនៃកម្ពុជា (NBC) បានដកសិទ្ធិធ្វើអាជីវកម្មពីប្រតិបត្តិករឥណទានជនបទចំនួន ១១ ដោយសារគ្រឹះស្ថានទាំងនេះ មិនគោរពតាមច្បាប់។ នេះបើតាមសេចក្ដីប្រកាសព័ត៌មានរបស់ធនាគារជាតិ នៅថ្ងៃទី៣ខែមករា។
ការដកសិទ្ធិអាជីវកម្មពីប្រតិបត្តិករឥណទានជនបទទាំង១១នេះ ត្រូវបានតំណាងធនាគារជាតិអះអាងថានឹងមិនធ្វើឲ្យប៉ះពាល់ដល់វិស័យហិរញ្ញវត្ថុនោះទេ។ លោកស្រី ជា សិរី អគ្គនាយិការបច្ចេកទេសធនាគារជាតិ ដែលត្រូវបានស្រង់សំដីដោយកាសែតភ្នំពេញប៉ុស្តិ៍ នៅថ្ងៃទី៤ខែមករា បានឲ្យដឹងថា៖«ការបិទដំណើរការគ្រឹះស្ថានទាំង១១នេះ នឹងមិនមានផលប៉ះពាល់អ្វីដល់ដំណើរការឧស្សាហកម្មហិរញ្ញវត្ថុនោះទេ ដោយសារប្រតិបត្តិការរបស់ពួកគេមានទំហំតូចមែនទែន»។ ទោះយ៉ាងណាមន្ត្រីជាន់ខ្ពស់ធនាគារជាតិរូបនេះ មិនបានផ្ដល់ព័ត៌មានលម្អិតអំពីអំពើមិនស្របច្បាប់របស់គ្រឹះស្ថានទាំងនោះឡើយ។
គ្រឹះស្ថានឥណទានជនបទទាំង១១នោះ រួមមាន ១) សមាគមជាតិទ្រទ្រង់កសិផល ២) វិទ្យាស្ថានសន្តិភាពនិងអភិវឌ្ឍន៍, ៣) អង្គការលូថេរ៉េនបម្រើពិភពលោក (អង្គការជីវិតថ្លៃថ្នូរ) ៤) អង្គការអភិវឌ្ឍន៍ជនបទខ្មែរ ៥) ស៊ីខេអឹមអេហ្វជី ៦) អង្គការសប្បុរស ៧) អង្គការទ្រទ្រង់សមាគមបង្កើនការអភិវឌ្ឍន៍ ៨) អង្គការជោគជ័យ ៩) អង្គការឥណទានកម្ពុជា (អាយខេហ្វាយនែន) ១០) អង្គការច័ន្ទសុខសាន្ត ១១) សមាគមអភិវឌ្ឍន៍កសិកម្ម និងទេសចរណ៍ ៕
ការដកសិទ្ធិអាជីវកម្មពីប្រតិបត្តិករឥណទានជនបទទាំង១១នេះ ត្រូវបានតំណាងធនាគារជាតិអះអាងថានឹងមិនធ្វើឲ្យប៉ះពាល់ដល់វិស័យហិរញ្ញវត្ថុនោះទេ។ លោកស្រី ជា សិរី អគ្គនាយិការបច្ចេកទេសធនាគារជាតិ ដែលត្រូវបានស្រង់សំដីដោយកាសែតភ្នំពេញប៉ុស្តិ៍ នៅថ្ងៃទី៤ខែមករា បានឲ្យដឹងថា៖«ការបិទដំណើរការគ្រឹះស្ថានទាំង១១នេះ នឹងមិនមានផលប៉ះពាល់អ្វីដល់ដំណើរការឧស្សាហកម្មហិរញ្ញវត្ថុនោះទេ ដោយសារប្រតិបត្តិការរបស់ពួកគេមានទំហំតូចមែនទែន»។ ទោះយ៉ាងណាមន្ត្រីជាន់ខ្ពស់ធនាគារជាតិរូបនេះ មិនបានផ្ដល់ព័ត៌មានលម្អិតអំពីអំពើមិនស្របច្បាប់របស់គ្រឹះស្ថានទាំងនោះឡើយ។
គ្រឹះស្ថានឥណទានជនបទទាំង១១នោះ រួមមាន ១) សមាគមជាតិទ្រទ្រង់កសិផល ២) វិទ្យាស្ថានសន្តិភាពនិងអភិវឌ្ឍន៍, ៣) អង្គការលូថេរ៉េនបម្រើពិភពលោក (អង្គការជីវិតថ្លៃថ្នូរ) ៤) អង្គការអភិវឌ្ឍន៍ជនបទខ្មែរ ៥) ស៊ីខេអឹមអេហ្វជី ៦) អង្គការសប្បុរស ៧) អង្គការទ្រទ្រង់សមាគមបង្កើនការអភិវឌ្ឍន៍ ៨) អង្គការជោគជ័យ ៩) អង្គការឥណទានកម្ពុជា (អាយខេហ្វាយនែន) ១០) អង្គការច័ន្ទសុខសាន្ត ១១) សមាគមអភិវឌ្ឍន៍កសិកម្ម និងទេសចរណ៍ ៕
Tag:
ឥណទាន
© រក្សាសិទ្ធិដោយ thmeythmey.com
