ក្រោយសម្តេចព្រមាន វិធានការក្តៅប្រឆាំងការបើកបរខុសច្បាប់ ចាប់ផ្តើម!

ជាតិ

រថយន្ត

សុវត្តិភាព ចរាចរណ៍

05, Jan 2018 , 10:26 am

រូបភាព

ដោយ: ថ្មីៗ

មួយថ្ងៃបន្ទាប់ពីសម្តេចនាយករដ្ឋមន្ត្រី ហ៊ុន សែន បន្ទោសអាជ្ញាធរមូលដ្ឋាន និងព្រមានដកអភិបាលខណ្ឌដូនពេញ ទាក់ទងនឹងចរាចរណ៍គ្មានសណ្តាប់ធ្នាប់ក្នុងរាជធានី កងកម្លាំងនគរបាលទាំងផ្នែកចរាចរណ៍ និងសណ្តាប់ធ្នាប់ ចាប់បើកប្រតិបត្តិការឃាត់យានយន្ត ជាពិសេសម៉ូតូ និងម្ចាស់យានយន្ត។

អត្ថបទទាក់ទង

លោក នេត សាវឿន បញ្ជាឲ្យឃាត់ម៉ូតូទុករហូតទាល់តែម្ចាស់រកបានមួកសុវត្ថិភាពពាក់

តាមកាមេរ៉ាសុវត្ថិភាព និងឃើញចរាចរណ៍គ្មានសណ្តាប់ធ្នាប់ សម្តេច ហ៊ុន សែន ព្រមានដកអភិបាលខណ្ឌដូនពេញ

បញ្ហាចរាចរណ៍នៅកម្ពុជា

២០១៧៖ គ្រោះថ្នាក់ចរាចរណ៍សម្លាប់មនុស្សជិត១៨០០នាក់នៅកម្ពុជា

កងកម្លាំងនគរបាលរាជធានី ត្រូវបានដាក់ពង្រាយនៅតាមផ្លូវជាច្រើនក្នុងរាជធានីភ្នំពេញ ដើម្បីឃាត់យានយន្តដែលជិះបញ្ច្រាស មិនគោរពភ្លើងសញ្ញាចរាចរណ៍ រួមអ្នកបើកដែលមិនពាក់មួកសុវត្ថិភាព។ នៅព្រឹកនេះ ម៉ូតូ និងម្ចាស់ជាច្រើនត្រូវចាប់ដាក់លើរថយន្តដើម្បីយកទៅដោះស្រាយតាមផ្លូវច្បាប់។

ជាមួយគ្នានេះ លោក នេត សាវឿន អគ្គស្នងការនគរបាលជាតិ បានដាក់ចេញនូវវិធានការក្តៅ ដោយបញ្ជាឲ្យកម្លាំងសមត្ថកិច្ច ឃាត់អ្នកជិះម៉ូតូ ដែលមិនពាក់មួកសុវត្ថិភាព ហើយតម្រូវឲ្យម្ចាស់ម៉ូតូនោះ ទៅរកមួកសុវត្ថិភាព មកពាក់ជាមុនសិន មុននឹងអនុញ្ញាតឲ្យបន្តធ្វើដំណើរ លើដងផ្លូវ៕