កីឡាអន្តរជាតិ
អន្តរជាតិ
Salah ជាប់ជាកីឡាករល្អបំផុតប្រចាំទ្វីបអាហ្វ្រិក Salah ជាប់ជាកីឡាករល្អបំផុតប្រចាំទ្វីបអាហ្វ្រិក។ រូបថត AFP
× Mohamed Salah ខ្សែប្រយុទ្ធរបស់ក្រុម Liverpool ឈ្នះពានកីឡាករល្អបំផុតប្រចាំទ្វីបអាហ្វ្រិកឆ្នាំ២០១៧ (African Player of the Year 2017) បន្ទាប់ពីនាំមុខសំឡេងឆ្នោតមិត្តរួមក្រុម Sadio Mane និង Pierre-Emerick Aubameyang របស់ Borussia Dortmund។
ខ្សែប្រយុទ្ធអន្តរជាតិអេហ្ស៊ីប វ័យ២៤ឆ្នាំរូបនេះរកគ្រាប់បាល់បាន១៧គ្រាប់ហើយក្នុងក្របខណ្ឌ Premier League រដូវកាលនេះ និងជួយក្រុមជម្រើសជាតិឈានទៅព្រឹត្តិការណ៍ World Cup លើកដំបូងចាប់តាំងពីឆ្នាំ១៩៩០មក។
ដោយសារសមិទ្ធផលទាំងនេះហើយទើប Salah ត្រូវបានសហព័ន្ធកីឡាបាល់ទាត់ទ្វីបអាហ្វ្រិក បោះឆ្នោតគាំទ្រឲ្យឈ្នះពានកីឡាករល្អបំផុតប្រចាំទ្វីបអាហ្វ្រិកដោយប្រជែងឈ្នះសំឡេងឆ្នោតនាំមុខខ្សែបម្រើសញ្ជាតិសេណេហ្គាល់ Sadio Mane ដែលបានចំណាត់ថ្នាក់លេខ២ និងខ្សែប្រយុទ្ធជម្រើសជាតិហ្គាបុង Pierre-Emerick Aubameyang ទទួលបានលេខ៣ ដែលធ្វើឡើងនៅប្រទេសហ្គាណានាថ្ងៃព្រហស្បតិ៍ទី ៤ ខែមករា។
អតីតសមាជិកក្រុម Roma ដែលត្រូវបានលោក Jurgen Klopp នាំចូលមកកាន់ទឹកដី Anfield នៅដើមរដូវកាលនេះ គឺជាកីឡាករអេហ្ស៊ីបទី២ដែលអាចឈ្នះពានរង្វាន់ African Footballer of the Year បន្ទាប់ពីលោក Mahmoud Al Khatib ដែលធ្វើបាននៅឆ្នាំ១៩៨៦៕
Tag:
បាល់ទាត់
African Player of the Year
Mohamed Salah
© រក្សាសិទ្ធិដោយ thmeythmey.com