កីឡាជាតិ
ជាតិ
ទ័ពយកជំនួបមិត្តភាពជាមួយ Terengganu F.C. ដើម្បីមើលសមត្ថភាពកីឡាករថ្មីៗ
ប៊ិន ធារី កំពុងលេងឲ្យក្រុម Terengganu F.C.
×![]()
ក្រុមជើងឯករងក្របខណ្ឌលីគកំពូលកម្ពុជាក្រសួងការពារជាតិ(ទ័ព)ប្រកួតមិត្តភាពកម្តៅសាច់ដុំជាមួយក្រុមថ្មីរបស់កីឡាករ ធារី ចន្ថាប៊ីន Terengganu F.C. របស់ម៉ាឡេស៊ីនាម៉ោង៦:៣០នាទីល្ងាចថ្ងៃទី៨ មករា ឆ្នាំ២០១៨ នៅពហុកីឡដ្ឋានជាតិ។ ទ័ពនឹងប្រើជំនួបនេះ ធ្វើតេស្តសមត្ថភាពកីឡាករបរទេស និងកម្ពុជាសម្រាប់ត្រៀមរដូវកាលថ្មីឆ្នាំ២០១៨។
ជាការប្រកួតមិត្តភាពកម្តៅសាច់ដុំត្រៀមមុនបើករដូវកាលថ្មីនៃពានរង្វាន់ក្របខណ្ឌមិត្តហ្វូនខេមបូឌានលីគឆ្នាំ២០១៨ក៏ពិតមែន។ តែក្រុមទ័ពនឹងយកការប្រកួតតទល់ជាមួយក្រុមម៉ាឡេស៊ី Terengganu F.C. ដែលជាទ្រនំថ្មីរបស់កីឡាករ ធារី ចន្ថាប៊ីន ល្ងាចនេះ ដើម្បីតេស្តសមត្ថភាពកីឡាករបរទេស៨រូប និងកម្ពុជា៣រូបសម្រាប់ត្រៀមរដូវកាលថ្មីឆ្នាំ២០១៨ ផងដែរ។
«យើងកំពុងធ្វើតេស្តកីឡាករខ្មែរ៣នាក់ កូរ៉េខាងត្បូង៦នាក់ និងជប៉ុន២នាក់។ ការប្រកួតល្ងាចនេះជាតេស្តលើកចុងក្រោយ ដើម្បីសម្រេចយកកីឡាករបរទេស៥នាក់ដាក់ឲ្យលេងនៅលីកកំពូលកម្ពុជាឆ្នាំ២០១៨។ ចំណែកកីឡាករខ្មែរទាំង៣នាក់ យើងដឹងតែយកហើយ ព្រោះពួកគេជាយុវជនរបស់ក្រុមទ័ពស្រាប់»។ នេះជាការបញ្ជាក់របស់លោក ទេព ឡុងរចនា គ្រូបង្វឹកក្រុមក្រសួងការពារជាតិ។
ក្រុមក្រសួងការពារជាតិនឹងបើកទ្វារពហុកីឡដ្ឋានជាតិស្វាគមន៍ក្រុមទ្រនំថ្មីរបស់ខ្សែបម្រើកូនកាត់ខ្មែរ-បារាំង ធារី ចន្ថាប៊ីន Terengganu F.C. នាវេលាម៉ោង៦:៣០នាទីល្ងាចថ្ងៃទី៨ ខែមករា ឆ្នាំ២០១៨ នេះ។ កាលពីថ្ងៃសៅរ៍សប្តាហ៍មុនក្រុមម៉ាឡេស៊ីមួយនេះបានយកឈ្នះក្រុមព្រះខ័នរាជស្វាយរៀងក្នុងលទ្ធផល ១-០។
ការប្រកួតមិត្តភាពអន្តរជាតិនេះ ជាការប្រកួតដើម្បីដកស្រង់បច្ចេកទេសសម្រាប់ត្រៀមមុនបើករដូវកាលថ្មីរៀងៗខ្លួន។ ការប្រកួតនេះធ្វើឡើងរវាងក្រុមកម្ពុជាចំនួន៣ក្រុមរួមមានក្រសួងការពារជាតិ, ព្រះខ័នរាជស្វាយរៀង និងភ្នំពេញក្រោន ជាមួយក្រុមពីរមកពីប្រទេសម៉ាឡេស៊ីគឺ Negeri Sembilan FA និង Terengganu F.C. ។
ជាលទ្ធផលក្រុមព្រះខ័នរាជស្វាយរៀងចាញ់ក្រុម Terengganu F.C. ១-០ រីឯក្រុមភ្នំពេញក្រោនចាញ់ក្រុម Negeri Sembilan FA ៣-០។ ចំណែកក្រុមក្រសួងការពារជាតិបានបញ្ចប់លទ្ធផលស្មើ ១-១ ជាមួយក្រុម Negeri Sembilan នាជំនួបលើកទី១របស់ខ្លួនកាលពីថ្ងៃសុក្រសប្តាហ៍មុន៕
ជាការប្រកួតមិត្តភាពកម្តៅសាច់ដុំត្រៀមមុនបើករដូវកាលថ្មីនៃពានរង្វាន់ក្របខណ្ឌមិត្តហ្វូនខេមបូឌានលីគឆ្នាំ២០១៨ក៏ពិតមែន។ តែក្រុមទ័ពនឹងយកការប្រកួតតទល់ជាមួយក្រុមម៉ាឡេស៊ី Terengganu F.C. ដែលជាទ្រនំថ្មីរបស់កីឡាករ ធារី ចន្ថាប៊ីន ល្ងាចនេះ ដើម្បីតេស្តសមត្ថភាពកីឡាករបរទេស៨រូប និងកម្ពុជា៣រូបសម្រាប់ត្រៀមរដូវកាលថ្មីឆ្នាំ២០១៨ ផងដែរ។
«យើងកំពុងធ្វើតេស្តកីឡាករខ្មែរ៣នាក់ កូរ៉េខាងត្បូង៦នាក់ និងជប៉ុន២នាក់។ ការប្រកួតល្ងាចនេះជាតេស្តលើកចុងក្រោយ ដើម្បីសម្រេចយកកីឡាករបរទេស៥នាក់ដាក់ឲ្យលេងនៅលីកកំពូលកម្ពុជាឆ្នាំ២០១៨។ ចំណែកកីឡាករខ្មែរទាំង៣នាក់ យើងដឹងតែយកហើយ ព្រោះពួកគេជាយុវជនរបស់ក្រុមទ័ពស្រាប់»។ នេះជាការបញ្ជាក់របស់លោក ទេព ឡុងរចនា គ្រូបង្វឹកក្រុមក្រសួងការពារជាតិ។
ក្រុមក្រសួងការពារជាតិនឹងបើកទ្វារពហុកីឡដ្ឋានជាតិស្វាគមន៍ក្រុមទ្រនំថ្មីរបស់ខ្សែបម្រើកូនកាត់ខ្មែរ-បារាំង ធារី ចន្ថាប៊ីន Terengganu F.C. នាវេលាម៉ោង៦:៣០នាទីល្ងាចថ្ងៃទី៨ ខែមករា ឆ្នាំ២០១៨ នេះ។ កាលពីថ្ងៃសៅរ៍សប្តាហ៍មុនក្រុមម៉ាឡេស៊ីមួយនេះបានយកឈ្នះក្រុមព្រះខ័នរាជស្វាយរៀងក្នុងលទ្ធផល ១-០។
ការប្រកួតមិត្តភាពអន្តរជាតិនេះ ជាការប្រកួតដើម្បីដកស្រង់បច្ចេកទេសសម្រាប់ត្រៀមមុនបើករដូវកាលថ្មីរៀងៗខ្លួន។ ការប្រកួតនេះធ្វើឡើងរវាងក្រុមកម្ពុជាចំនួន៣ក្រុមរួមមានក្រសួងការពារជាតិ, ព្រះខ័នរាជស្វាយរៀង និងភ្នំពេញក្រោន ជាមួយក្រុមពីរមកពីប្រទេសម៉ាឡេស៊ីគឺ Negeri Sembilan FA និង Terengganu F.C. ។
ជាលទ្ធផលក្រុមព្រះខ័នរាជស្វាយរៀងចាញ់ក្រុម Terengganu F.C. ១-០ រីឯក្រុមភ្នំពេញក្រោនចាញ់ក្រុម Negeri Sembilan FA ៣-០។ ចំណែកក្រុមក្រសួងការពារជាតិបានបញ្ចប់លទ្ធផលស្មើ ១-១ ជាមួយក្រុម Negeri Sembilan នាជំនួបលើកទី១របស់ខ្លួនកាលពីថ្ងៃសុក្រសប្តាហ៍មុន៕
Tag:
បាល់ទាត់
ធារី ចន្ថាប៊ីន
ទ័ព
ពេទ ឡុងរចនា
© រក្សាសិទ្ធិដោយ thmeythmey.com
