ពីនេះ ពីនោះ
ព័ត៍មានសុខភាព
ហាត់ប្រាណខ្លាំងក្លាអាចបង្ការការឆាប់ស្លាប់បាន
× យោងទៅតាមសេចក្តីយរាយការណ៍របស់ The Independent បានឲ្យដឹងថា ការហាត់ប្រាណដោយប្រើកម្លាំងខ្លាំក្លារយៈពេលខ្លីអាចជួយបង្ការការឆាប់ស្លាប់បាន។ រឿងនេះធ្វើឡើងក្រោយពីការសិក្សារបស់ជនជាតិអូស្ត្រាលីមួយបានរកឃើញថា ការហាត់ប្រាណខ្លាំងក្លាដូចជាការរត់កីឡាយឺតៗ អាចបន្ថយការប្រឈមនឹងការឆាប់ស្លាប់បាន។
ការសិក្សានេះមានការចូលរួមដោយមនុស្សធំអាយុចាប់បី ៤៥ ទៅ៧៥ឆ្នាំ ដែលត្រូវបានគេតាមដានរហូតដល់ ៦.៥ឆ្នាំ។ អ្នកដែលធ្វើសកម្មភាពខ្លាំងក្លាកាន់តែច្រើន ទំនងជាមិនងាយស្លាប់ក្នុងពេលតាមដានជាងអ្នកដែលមិនបានធ្វើឡើយ។ ការសិក្សាដ៏ធំមួយនេះត្រូវបានបង្កើតឡើងយ៉ាងល្អ ហើយអ្នកស្រាវជ្រាវក៏បានព្យាយាមបញ្ចូលកត្តាជាច្រើនដែលពួកគេដឹងថាអាចមានឥទ្ធិពលទៅលើការសិក្សាដែរ។ ប៉ុន្តែជាមួយនឹងការសិក្សាទាំងអស់ គឺវាតែងតែមានដែនកំណត់មួយចំនួន ហើយអ្នកស្រាវជ្រាវគ្រាន់តែសួរអំពីសកម្មភាពរាងកាយតែម្តង ហើយរឿងនេះក៏អាចផ្លាស់ប្តូរគ្រប់ពេលដែរ។
លទ្ធផលទាំងនេះក៏មិនអាចអះអាងអំពីប្រយោជន៍នៃការហាត់ប្រាណ ដោយមិនបានគិតថាខ្លាំងក្លាប៉ុណ្ណាដែឬ ហើយវាគ្រាន់តែគាំទ្រដល់ការណែនាំបច្ចុប្បន្នទៅលើចំនួននៃការហាត់ប្រាណដែលមនុស្សទូទៅគួរធ្វើប៉ុណ្ណោះ។ ខណៈពេលដែល ការធ្វើសកម្មភាពខ្លាំងក្លាមួយចំនួនប្រហែលជាផ្តល់ប្រយោជន៍ខ្លះមែន តែយកល្អគួរតែដឹងថា អ្នកត្រូវបង្កើតគោលដៅពិតប្រាកដទើបមានសុវត្ថិភាព៕
ផ្ដល់សិទ្ធដោយ៖www.health.com.kh
© រក្សាសិទ្ធិដោយ thmeythmey.com