មាន សូនីតា ស្នើឲ្យពលរដ្ឋចូលរួមត្បាញក្រមានៅវាលមេរុ ដើម្បីបំបែកឯតទគ្គកម្មពិភពលោក

បទយកការណ៍ / បទសម្ភាសន៍

មាន សូនីតា ស្នើឲ្យពលរដ្ឋចូលរួមត្បាញក្រមានៅវាលមេរុ ដើម្បីបំបែកឯតទគ្គកម្មពិភពលោក

13, Jan 2018 , 8:59 pm

រូបភាព

ដោយ: ញឹក ស្រីល័ក្ខ (Nhek Sreyleak)

ភ្នំពេញ៖ កម្ពុជាកំពុងរៀបចំយុទ្ធនាការក្រមា៖«បំបែកឯតទគ្គកម្ម ក្រមាវែងជាងគេលើពិភពលោក» ដែលមានប្រវែងជិត១០០០ម៉ែត្រ ហើយការបំបែកឯតទគ្គកម្មនេះ នឹងក្លាយជាមោទនភាពថ្មីមួយទៀតសម្រាប់កម្ពុជា។ រាជនីក្រមា កញ្ញា មាន សូនីតា បានថ្លែងពេញចិត្តយ៉ាងក្រៃលែងចំពោះយុទ្ធនាការនេះ ពីព្រោះជាយុទ្ធនាការដែលស្របនឹងអ្វីដែលតារាស្រីរូបបាន និងកំពុងធ្វើ ដើម្បីលើកកម្ពស់ក្រមាខ្មែរ។ សម្រាប់ កញ្ញា មាន សូនីតា ការបំបែកនឯតទគ្គកម្មក្រមានេះ នឹងជួយលើកតម្កើងក្រមាខ្មែរ ធ្វើឲ្យក្រមាមានទីផ្សារ ពិសេសអ្នកត្បាញក្រមា មានជីវិតរស់ឡើងវិញ ដោយមិនចាំបាច់ចំណាកស្រុក។ នៅក្នុងបទសម្ភាសជាមួយសារព័ត៌មានថ្មីៗ មាន សូនីតា បានស្នើឲ្យប្រជាពលរដ្ឋខ្មែរចូលរួមត្បាញក្រមាទាំងអស់គ្នា ដែលនឹងនឹងចាប់ផ្ដើមជាមួយនឹង«ពិធីបើកត្បាញសរសៃដំបូង» នាថ្ងៃទី១៤ ខែកុម្ភៈ នៅទីតាំងវាលព្រះមេរុ។

សូមអញ្ជើញស្ដាប់បទសម្ភាសរវាងកញ្ញា ញឹក ស្រីល័ក្ខ អ្នកសារព័ត៌មាន Thmeythmey.com ជាមួយកញ្ញា មាន សូនីតា ដូចតទៅ៖

នាល្ងាចថ្ងៃទី ១២ ខែមករានេះ ក្រុមការងារចលនា GoGoCambodia បានប្រកាសពីយុទ្ធនាការក្រមា៖«បំបែកឯតទគ្គកម្ម ក្រមាវែងជាងគេលើពិភពលោក» ដែលនឹងក្លាយជាមោទនភាពថ្មីមួយសម្រាប់កម្ពុជា។ យុទ្ធនាការនេះ ធ្វើឡើងក្នុងគោលបំណង លើកកម្ពស់មោទនភាពជាតិ តាមរយៈស្នាដៃមួយដែលមានការទទួលស្គាល់ជាអន្តរជាតិ និងការបង្កបរិយាកាសចូលរួមចំណែកពីប្រជាពលរដ្ឋ ដើម្បីរួមគ្នាថែរក្សា និងលើកស្ទួយ មរតកវប្បធម៌ខ្មែរ៕

អត្ថបទទាក់ទង

កុមារលក់ក្រមានៅប្រាសាទសំបូរព្រៃគុក ចេះនិយាយ ៦ភាសា

ការពានាស្បៃ ក្រមា និងកន្សែងរបស់ពលរដ្ឋខ្មែរ មានតាំងពីមុនសម័យអង្គរ

សម្លៀកបំពាក់ពីក្រមា ពេញនិយមតែមួយប៉ប្រិចភ្នែក

ព្រឹទ្ធាចារ្យល្បុក្កតោ សាន គីមស៊ាន៖ ក្រមាជាអាវុធគ្មានមុខដ៏សាហាវរបស់បុព្វបុរសខ្មែរ